ވިލިމާލޭގައި ތަރައްގީކުރުމަށް ނިންމާފައިވާ ފުޓުބޯޅަ ޓްރެއިނިންގ ސެންޓަރާ ގުޅިގެން ފުޓްބޯޅަ އެސޯސިއޭޝަންގެ ރައީސް ބައްސާމް އަދީލް ޖަލީލުގެ އުންމީދީ ޓްވީޓެއް ކުރައްވައިފިއެވެ.
ބައްސާމް ކުރެއްވި ޓްވީޓުގައި ވިދާޅުވެފައިވަނީ ވިލިމާލޭގައި ތަރައްގީކުރުމަށް ނިންމާފައިވާ ފުޓުބޯޅަ ޓްރެއިނިންގ ސެންޓަރަކީ ފުޓުބޯޅަ އާއިލާ އަށާއި، ވިލިމާލޭގެ ޒުވާނުންގެ ހުވަފެނެއް ކަމަށެވެ. އަދި، މިއަހަރުގެ ޑިސެމްބަރު މަހުގެ ނިޔަލަށް ޕްރޮޖެކްޓް އެއްކޮށް ނިންމާލެވޭނެ ކަމުގައި ވެސް ބައްސާމް ކުރެއްވި ޓުވީޓުގައި ވިދާޅުވެފައިވެއެވެ.
އޭއެފްސީގެ ރައީސްގެ ޚާއްޞަ ޕްރޮޖެކްޓް، ”އޭއެފްސީ ޕްރެޒިޑެންޓްސް އިންފްރާސްޓްރަކްޗަރ އިނިޝިއޭޓިވް ޕްރޮޖެކްޓް“ ގެ ދަށުން ވިލިމާލޭގައި ތަރައްގީކުރާ ފުޓުބޯޅަ ޓްރެއިނިންގ ސެންޓަރުގެ ބިންގާ އަޅާފައި ވަނީ 19 ޑިސެމްބަރު 2019 ވަނަ ދުވަހުގައެވެ.
މި ޕްރޮޖެކްޓްގެ ދަށުން ވިލިމާލޭ ގައި ބޮޑު ޓާފް ދަނޑަކާއި، އެކޮމަޑޭޝަން އިމާރާތަކާއި، ފެސިލިޓީ އިމާރާތެއް އެޅުމަށް ނިންމާފައިވެއެވެ. ދެ ޗޭންޖިން ރޫމާއި، ރެފްރީންނަށާއި، މެޗު ކޮމިޝަނަރަށް ޚާއްޞަ ދެ ކޮޓަރީގެ އިތުރުން ކުޅުންތެރިންނަށް ވަކި ސަރަހައްދެއް ފެސިލިޓީ އިމާރާތުގައި ހިމެނޭނެ ކަމަށް އެފްއޭއެމް އިން ބުނެފައިވެއެވެ.
ވިލިމާލޭގައި ތަރައްގީކުރާ ފުޓުބޯޅަ ޓްރެއިނިންގ ސެންޓަރުގެ ބިންގާ އެޅުން / ފޮޓޯ: އެފްއޭއެމް
އެކޮމަޑޭޝަން އިމާރާތުގައި ދެ ކޮޓަރީގެ 8 އެޕާޓްމަންޓް އެޅުމަށް ނިންމާފައި ވާއިރު، އެ އެޕާޓްމަންޓްތައް ޚާއްޞަކޮށްފައި ވަނީ ފުރަތަަމަ ޑިވިޝަނުގެ ޓީމުތަކަށެވެ. މި ޕްރޮޖެކްޓުގެ މަސައްކަތް ހަވާލުކޮށްފައިވަނީ ފިއުޗާ ހޯމްސް ޕްރައިވެޓް ލިމިޓެޑާއެވެ.
ލިޔުންތެރިޔާގެ ފުރަމަލަ
- އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 ޖެނުއަރީ 2022ޚަބަރުކޮވިޑް ކޭސްތައް ގިނަވެ އިނގެރޭސި ލީގު ކަޕް ސެމީ ފައިނަލް މެޗު ފަސްކޮށްފި
- 4 ޖެނުއަރީ 2022ޚަބަރުއާ އަހަރު ކުޅުނު ފުރަތަމަ މެޗުން ޔުނައިޓެޑް ބަލިވެއްޖެ
- 4 ޖެނުއަރީ 2022ޚަބަރުފްރެންޗް ކަޕްގެ ގެ ގަދަ 16 އަށް ޕީއެސްޖީ ދަތުރުކޮށްފި
- 2 ޖެނުއަރީ 2022ޚަބަރުރޮޑްރީގެ ގޯލުން ފަހު ވަގުތު ސިޓީން އާސެނަލް ބަލިކޮށްފި
