ކޮމިއުނިޓީ ބްރޯޑްކާސްޓިންގެ ޚިދުމަތް ފެށުމަށް ހިންގޭ އަޖުމަބެލުމުގެ މަޝްރޫޢު (ޕައިލެޓް ޕްރޮޖެކްޓް) ގައި ބައިވެރިވުމުގެ ފުރުޞަތު މޯލްޑިވްސް ބްރޯޑްކާސްޓިން ކޮމިޝަނުން ހުޅުވާލައިފިއެވެ.
އަޖުމަ ބެލުމުގެ ޕްރޮގްރާމެއްގެ ގޮތުގައި ހުޅުވާާލާފައިވާ ފުރުޞަތަކީ ބްރޯޑްކާސްޓިން ޤާނޫނުގެ 21 ވަނަ މާއްދާގެ (ނ) ގައި ކަނޑައަޅާފައިވާ ކޮމިއުނިޓީ ބްރޯޑްކާސްޓިންގެ ޚިދުމަތް ތަޢާރަފުކުރުމުގެ ގޮތުން ރާއްޖޭގެ އެކި ސަރަހައްދުތަކަށް އަމާޒުކޮށްގެން ވަގުތީ ގޮތުން ހިންގުމަށް ނިންމާފައިވާ ޕްރޮޖެކްޓެއް ކަމަށް މޯލްޑިވްސް ބްރޯޑްކާސްޓިން ކޮމިޝަނުން ހާމަކުރައްވައެވެ.
މިއީ، ކޮމިއުނިޓީ ބްރޯޑްކާސްޓިންގެ ޚިދުމަތް ރާއްޖޭގައި ދިނުމުގެ ލައިސަންސް ދޫކުރުމުގެ ކުރިން، މި ޚިދުމަތަށް ރައްޔިތުން އަހުލުވެރިކުރުވުމާއި ރާއްޖޭގެ މާހައުލުގައި ޚިދުމަތްދިނުމުގައި ޚިދުމަތް ދޭ ފަރާތްތަކުން ގެންގުޅެންޖެހޭ މިންގަނޑުތަކާއި ހަމަތައް ކަނޑައެޅުމާއި ޚިދުމަތަށް ރައްޔިތުންގެ ޝައުޤުވެރިކަން އޮތް މިންވަރު ބެލުމަށްޓަކައި ހިންގޭ މަޝްރޫޢެއް ކަމަށް އެ ކޮމިޝަނުން ހާމަކުރެއެވެ.
މި މަޝްރޫޢުގައި ބައިވެރިވާ ފަރާތްތަކުން ޢަމަލުކުރަންޖެހޭ އުސޫލު ކޮމިޝަނުން މިހާރުވަނީ އެކުލަވާލާފައެވެ. މި އުސޫލުގެ 5 ވަނަ މާއްދާގެ (ރ) ގައިވާ ގޮތުގެ މަތީން، އަލަށް ހުޅުވާލެވޭ މި ފުރުޞަތުގައި، ކޮމިއުނިޓީ ބްރޯޑްކާސްޓިންގެ ވަގުތީ ޚިދުމަތް ދިނުމަށް ހުޅުވާލެވޭ ދާއިރާއަކީ ތަޢުލީމީ ދާއިރާއެވެ.
ތަޢުލީމީ ދާއިރާއިން ކޮމިއުނިޓީ ބްރޯޑްކާސްޓްކުރުކުގެ ވަގުތީ ޚިދުމަތް ދިނުމުގެ އަޖުމަބެލުމުގެ މި މަޝްރޫޢުގައި ބައިވެރިވާން އެދޭ ފަރާތްތަކުން، މި ކަމަށް އެދޭ ފޯމާއި ލިޔުންތައް ފުރިހަމަކުރުމަށް ފަހު މިނިސްޓްރީ އޮފް އެޑިއުކޭޝަން ނުވަތަ މިނިސްޓްރީ އޮފް ހަޔަރ އެޑިއުކޭޝަނުން މިކަމަށް އިޢުތިރާޒުނުކުރާ ކަމުގެ ލިޔުމަކާއެކު، 31 އޮގަސްޓް 2020 ގެ ކުރިން ބްރޯޑްކާސްޓިން ކޮމިޝަންގެ އީމެއިލް [email protected] މެދުވެރިކޮށް ހުށަހެޅުއްވުމަށް އެ ކޮމިޝަނުން އެދިލައްވައެވެ.
ކޮމިޝަނުން މިކަމަށްޓަކައި ކޮށްފައިވާ އިޢުލާނާއެކު ހިމަނާފައިވާ މުހިންމު ލިންކްތައް ތިރީގައި އެވަނީއެވެ.
އިތުރު މަޢުލޫމާތު
އުސޫލު
ހުށަހަޅަންޖެހޭ ފޯމްތައް
ލިޔުންތެރިޔާގެ ފުރަމަލަ
