ރައްޔިތުންގެ މަޖިލީހުގެ މެދުހެންވޭރު ދާއިރާގެ މެންބަރު އަދި، އެފްއޭއެމްގެ ކުރީގެ ރައީސް އަލީ އާޒިމް އެފްއޭއެމް ގެ މައްސަލައެއް މަޖިލީހަށް ހުށަހެޅުމުން އެކަމާ ގުޅިގެން ކަންބޮޑުވުން ފާޅުކޮށް، މާޒިޔާ ސްޕޯޓްސް އެންޑް ރެކްރިއޭޝަން ކުލަބުން ނޫސްބަޔާނެއް ނެރެފިއެވެ.
ފުރަތަަމަ ޑިވިޝަނުގެ ފުޓްބޯޅަ ކުލަބު މާޒިޔާ އިން ނެރުނު ބަޔާނުގައި ބުނެފައިވަނީ ރައްޔިތުންގެ މަޖިލީހުގެ މެދުހެންވޭރު ދާއިރާގެ މެންބަރު އަލީ އާޒިމް ހުށަހެޅުއްވި މައްސަލައާ ގުޅިގެން އެ ކުލަބުން ވަރަށް ބޮޑަށް ކަން ބޮޑުވާ ކަމަށެވެ.
މާޒިޔާ އިން ނެރުނު ބަޔާނުގައި އިތުރަށް ބުނެފައިވަނީ މެދުހެންވޭރު ދާއިރާގެ މެންބަރު އަލީ އާޒިމަކީ ވާދަވެރި ކުލަބެެއްގެ ކުރީގެ ޗެއާމަން ކަމަށް ވެފައި، އެކުލަބަށް މިވަގުތު ދިމާވެފައިވާ ހާލަތުގެ ސަބަބުން އަމިއްލަ މަސްލަހަތު އިސްކޮށް މުޅި ފުޓްބޯޅަ އާއިލާ އަށާއި، ފުޓްބޯޅަ އެސޯސިއޭޝަނަށް ގެއްލުންވާ ގޮތަށް ޢަމަލުތައް ހުރިކަން ފާހަގަކުރެވޭ ކަމަށެވެ. އަދި އާޒިމް މަޖިލީހަށް ހުށަހެޅުއްވި ޤަރާރަކީ އެއްވެސް ޙަޤީޤަތެއް އެކުލެވިގެންވާ ޤަރާރެއް ނޫންކަމަށް އެކުލަބުން ނެރުނު ބަޔާނުގައި ބުނެފައިވެއެވެ.
ދިވެހިރާއްޖޭގައި ފުޓްބޯޅަ ކުރިއެރުވުމަށް ސަރުކާރާއި، އެފްއޭއެމް އިން ކުރަމުންގެންދާ މަސައްކަތްތަކަށް ހުރަސްއަޅާ، ފުޓްބޯޅައިގެ ތެރެއަށް ސިޔާސީ ނުފޫޒު ފޯރުވުމަށް ކުރަމުންގެންދާ މަސައްކަތްތައް ހަރުކަށި އިބާރާތުން ކުށްވެރިކުރާ ކަމަށް މާޒިޔާ އިން ބުނެފައިވެއެވެ.
ލިޔުންތެރިޔާގެ ފުރަމަލަ
- އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 ޖެނުއަރީ 2022ޚަބަރުކޮވިޑް ކޭސްތައް ގިނަވެ އިނގެރޭސި ލީގު ކަޕް ސެމީ ފައިނަލް މެޗު ފަސްކޮށްފި
- 4 ޖެނުއަރީ 2022ޚަބަރުއާ އަހަރު ކުޅުނު ފުރަތަމަ މެޗުން ޔުނައިޓެޑް ބަލިވެއްޖެ
- 4 ޖެނުއަރީ 2022ޚަބަރުފްރެންޗް ކަޕްގެ ގެ ގަދަ 16 އަށް ޕީއެސްޖީ ދަތުރުކޮށްފި
- 2 ޖެނުއަރީ 2022ޚަބަރުރޮޑްރީގެ ގޯލުން ފަހު ވަގުތު ސިޓީން އާސެނަލް ބަލިކޮށްފި
