ޖާވިދު ޖަފްރީގެ ބައްޕަ، ކުރީގެ މަޝްހޫރު ކޮމެޑީއަން ޖަގްދީޕް އުމުރުން 81 އަހަރުގައި މަރުވެއްޖެ އެވެ. ޖަގްދީޕް މަރުވީ ބުދަ ދުވަހުގެ ހަވީރުގެ ވަގުތެއްގައި ކަމަށް އިންޑިޔާގެ މީޑިއާ ރިޕޯޓުތައް ބުނެ އެވެ.
މުސްލިމް އާއިލާއަކަށް އުފަން ޖަގްދީފްގެ އަސްލު ނަމަކީ ސައިދް އިޝްތިއާގް އަހްމަދު ޖެފްރީއެވެ. ޖަގްދީޕް އޭނާގެ ފިލްމީ ކެރިއަރ ފަށާފައިވަނީ ޗައިލްޑް އާޓިސްޓެއްގެ ގޮތުގައި ބީއާރު ޗޯޕްރާ 1951ގައި ރިލީޒް ފިލްމު “އަފްސާނާ” އިންނެވެ. އޭގެ ފަހުން ” އަބް ދިއްލީ ދޫރް ނެހީ” “މުންނާ” ” އާރް ޕާރް” ” ދޯ ބިގާ ޒަމީން” ގެވެސް ޗައިލް އާޓިސްޓެއްގެ ގޮތުގައި ޖަގްދީޕް ވަނީ މަސައްކަތްކޮށްފައެވެ.
ޖަގްދީޕް މަރުވީ އުމުރުން ދުވަސްވުމުން ދިމާވި ތަފާތު ސިއްހީ މައްސަލަތަކެއްގައި ބަލިވެ އުޅޭތާ ދުވަސްކޮޅެއް ވީފަހުންނެވެ.
“ޝޯލޭ”ގައި ޖަގްދީޕް ކުޅުނު ސޫރްމާ ބޯޕާލީގެ ރޯލުން ބޮޑު މަޝްހޫރު ކަމެއް ލިބިގެންދިޔަ ޖަގްދީޕް އަކީ ކުރީގެ ވަރަށް ގިނަ ފިލްމުތަކެއްގައި ކޮމެޑީ ބައި ކުޅެފައިވާ އެކްޓަރެކެވެ. މީގެ އިތުރުން “އަންދާޒް އަޕްނާ އަޕްނާ”، “ބްރަހްމަޗާރީ”، އަދި “ނާގިން” ފަދަ ފިލްމުތަކުގައި ޖަގްދީޕް ވަރަށް އާދަޔާޚިލާފު މޮޅު ކޮމެޑީ ރޯލުތަކެއް ކުޅެފައި ވެއެވެ.
މަޝްހޫރު ނެށުންތެރިޔާ އަދި އެކްޓަރު ޖާވީދު ޖެފްރީ އާއި ނެށުންތެރިޔާ ނާވީދު އަކީ ވެސް ޖަގްދީޕްގެ ދަރިންނެވެ.
ޖަގްދީޕްގެ ޖަނާޒާ އޮންނާނީ ބުރާސްފަތި ދުވަހު މަޒަގާއޯންގައި އޮންނަ ޝިއާ ގަބުރުސްތާނުގަ އެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 24 ޑިސެމްބަރ 2024ޚަބަރުނިޝާ އާރްޖޭއަކަށް!
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
