ކޯވިޑް-19އާ ގުޅިގެން ފަސިންޖަރުންނާއެކު ކުރާ ދަތުރުތައް ހުއްޓާލާފައި އޮތުމަށްފަހު ސްރީލަންކަން އެއަރލައިންގެ ޝެޑިއުލް ދަތުރުތައް މިމަހުގެ 15ވަނަ ދުވަހު ރާއްޖެއަށް ފެށުމަށް ނިންމައިފިއެވެ.

ޖުލައި 15ވަނަ ދުވަހުގެ ހެނދުނު ސްރީލަންކާގެ ވެރިރަށް ކޮލޮމްބޯއިން ފުރައިގެން ރާއްޖެއަށް އައުމަށް ހަމަޖެހިފައިވާ ފްލައިޓުގެ ޓިކެޓު މިހާރު ވިއްކަން ފަށާފައިވާކަމަށް އެ އެއާލައިނުން ބުނެއެވެ. މިހާތަނަށް ގާތްގަނޑަކަށް 70 ވަރަކަށް ސީޓު ވިކިފައިވާ ކަމަށް ސްރީލަންކަން އެއަރލައިންސްގެ ރާއްޖޭގެ ޖެނެރަލް ސޭލްސް އޭޖެންޓް އޭސް އޭވިއޭޝަންގެ މެނޭޖިންގެ ޑިރެކްޓަރ މުޙައްމަދު ފިރާޤް މަޢުލޫމާތުދެއްވައެވެ.

ސްރީލަންކަން އެއަރލައިންސުން ފަސިންޖަރުން ގޮވައިގެން ވެލާނާ އިންޓަރނޭޝަނަލް އެއަރޕޯޓަށް ދުވާލަކު 3 ދަތުރުކުރަމުން ދިޔައެވެ. އަދި އައްޑޫ އިންޓަރނޭޝަނަލް އެއަރޕޯޓަށްވެސް ހަފްތާއަކު 3 ދަތުރު ބާއްވަމުން ދިޔައެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: