މަމްސް އެންޖީއޯގެ ފަރާތުން 18 ޖުލައި 2020 ވާ ހޮނިހިރު ދުވަހުގެ ރޭގަނޑު 21:30 ގައި “ފިއުޗާރ ވިތައުޓް ވައޮލެންސް” ގެ ނަމުގައި ވެބިނާރ ސެޝަންއެއް ބޭއްވުމަށް ހަމަޖައްސާފައިވާކަމަށް އެ އެންޖީއޯއިން ބުނެފިއެވެ.

މި ވެބިނާރ ސެޝަން އަކީ މަމްސް އެންޖީއޯގެ ނިއު ނޯރމަލް ވެބިނާރ ސެޝަންތަކުގެ 2 ވަނަ ސެޝަން އެވެ. މި ސެޝަން ކުރިއަށް ދާނީ މަމްސް ފޭސްބުކް ޕޭޖްގައި ލައިވް ކޮށް ކަމަށް މަޢުލޫމާތުދެއެވެ.

މި ސެޝަންގައި މައިގަނޑު ގޮތެއްގައި އަލި އަޅުވާލާނީ މުޖުތަމަޢު ތެރޭގައި މިހާރު ވަރަށް އާންމުވެފައިވާ، ގެވެށި އަނިޔާ އާއި ޖިންސީ އަނިޔާގެ އިތުރުން ރޭޕާއި ގުޅޭގޮތުން ކަމަށް މަމްސް އެންޖީއޯއިން ބުނެއެވެ.

މި ވެބިނާރގައި އަލިއަޅުވާލުމަށް ހަމަޖެހިފައިވަނީ:
– ގެވެށި އަނިޔާ އަކީ ކޮބައިކަން ދެނެގަންނާނެ ގޮތް
– ޖިންސީ ގޯނާއާއި ފުރައްސާރައިގެ ސަބަބުން ދިމާވަމުންދާ މައްސަލަތައް
– ޖިންސީ ގޯނާގެ ޝިކާރައަކަށް ވެފައިވާ މީހުންނަށް އެހީތެރިވާނެ ގޮތްތައް
– ޖިންސީ ގޯނާއާއި ފުރައްސާރަ އާއި ގުޅިގެން ސަމާލުވާންވީ ކަންތައްތައް
– ދަރިންނަށް ރައްކާތެރި މާހައުލެއް ޤާއިމްކުރާނެ ގޮތްތައް

މި ވެބިނާރގެ އެންމެ ބޮޑު އެއް މަގުސަދަކީ، މި ފަދަ ކަންތައްތަކާއި ގުޅޭ ގޮތުން މީހުން ހޭލުންތެރިކުރުމާއި، އަދި މިފަދަ ކަމެއް ދިމާވެފައިވާ ބޭފުޅަކަށް އެހީތެރިކަން ފޯރުކޮށްދެވިދާނެ ގޮތްތައް އުނގަންނައި ދިނުމެވެ.

ވެބިނާރ ސެޝަންގައި ވާހަކަ ދައްކަވާނީ ، ޝުޒްނާ މަޖްދީ (ކޯ ފައުންޑަރ އެންޑް ސައިކޮލޮޖިސްޓް، ތިބާ ސައިކޮލޮޖީ) އަދި ރިފާން އަހުމަދު (އިންސްޕެކްޓަރ އޮފް ޕޮލިސް، ހެޑް އޮފް އެޑްވޮކަސީ އެންޑް ޕްރޮޖެކްޓް އިމްޕްލިމެންޓޭޝަން، ފެމިލީ އެންޑް ޗިލްޑްރެން ޕްރޮޓެކްޝަން – މޯލްޑިވްސް ޕޮލިސް ސާވިސް) އެވެ. ސެޝަން ހުށަހަޅާއިދެއްވާނީ މަޝްހޫރު ޕްރެސެންޓަރ ނައުހާ އިބްރާހިމްއެވެ.

ވެބިނާރ އާއި ބެހޭ އިތުރު މައުލޫމާތު ސާފުކޮށްލުމަށް 9976766 / 9914433 އަށް ގުޅުއްވުމަށް މަމްސް އެންޖީއޯ އިން އެދެއެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: