ރާއްޖޭގެ ފިލްމު އިންޑަސްޓްރީގެ އެންމެ މަޤްބޫލު އެއް ތަރި، މަރްޔަމް ނިޝާއާއި އެކުގައި ނަގާފައިވާ ފޮޓޯއެއް ފޭސްބްކްގައި ހިއްސާކުރަމުން، މަޝްހޫރު ނެށުންތެރިޔާ، ފެހުންތެރިޔާ އަދި އެކްޓަރ ޖާދުﷲ އިސްމާޢީލް (ޖާދު)ގެ ދިގު އިންތިޒާރަކަށް ނިމުމެއް އައިސްފިކަމަށް ޖާދު ބުނެފިއެވެ.
ޖާދު އެބުނާ ދިގު އިންތިޒާރުގެ ތަފްޞީލު ހޯދައިލުމަަށް މުނިއަވަސް އިން މަސައްކަތްކޮށްލީމެވެ.
“ފިލްމީ ދާއިރާއާއި ގުޅުމުގެ ކުރިންވެސް އެންމެ ސަޕޯޓްކުރާ އެއް ތަރިއަކީ މަރްޔަމް ނިޝާ. ދާއިރާގައި މަސައްކަތްކުރަން ފެށީއްސުރެން އަބަދުވެސް ކުރެވޭ އުއްމީދަކީ މަރްޔަމް ނިޝާ އާއި އެކީގަ މަސައްކަތްކޮށްލުން، އެހެނަސް އެ ފުރުޞަތު ނުލިބި ހުއްޓާ ނިޝާ ދާއިރާއާއި ދުރުގައި ހުރުމަށްފަހު، 09 އަހަރު ދުވަސް ފަހުން ދާއިރާގެ މަސައްކަތަކުން އަލުން ފެނިގެން ދިއުން.” ޖާދުގެ ދިގު އިންތިޒާރަށް ނިމުން އައި ގޮތް މުނިއަވަސްއާ ހިއްސާކުރަމުން ބުންޏެވެ.
“ޖާދުއަށް ނިޝާއާ އެކީގަ ވޯރކްކޮށްލަން ލިބުމަކީ ޖާދުގެ ދިގު އިންތިޒާރުގެ ފެށުމޭ ބުނެވިދާނެ.” ޖާދުގެ ވާހަކައިން ހަމަ ގައިމުވެސް ނިޝާގެ ފޭނުންނަށް ވެސް މި ލިބުނީ މުހިންމު އަދި އެހާމެ އުފާވެރި ޚަބަރެއްކަން ގައިމެވެ. ނިޝާ އަލުން ސްކްރީނަށް ނުވަތަ އެކްޓިންއަށް އަންނަން އުޅޭކަމަށް ދެކެވޭ ވާހަކައަށް މިއޮތީ ސީދާ ޖަވާބެއްވެސް ލިބިފައެވެ. ނިޝާގެ ފަރާތުން ނޫނަސް ވަރިހަމަތާއެވެ.
ނިޢުމާ މުޙައްމަދު، ޖާދު އަދި މަރްޔަމް ނިޝާ – ފޮޓޯ: ޖާދު ފޭސްބްކް
“ޚާއްޞަކޮށް ފާހަގަކޮށްލަން ބޭނުންވަނީ ޖާދު ކުރާ ކޮންމެ ވޯރކެއްގަ އެންމެ ސަޕޯޓިވް އެއް ފަރާތަކީ ނިޢުމާ މުޙައްމަދު (ސިސްޓަރ) ކަމަށް ވެފައި، ޖާދު މި ދާއިރާއިން ކުރިއަށް ދިއުމުގެ ފެށުމުގެ އަސްލަކީވެސް ނިޢުމާ (ސިސް) އަށް ވާތީ އަދި ފުރަތަމަ ރާއްޖޭގެ އެންމެ ޓޮޕް ސްޓާރެއްގެ ގޮތުގައި ހުރި ނިޢުމާ މުޙައްމަދުއާ އެކީގަ ޖާދު ލަވައެއްވެސް ކުޅެފަ ވާނީ.” ޖާދުގެ ވާހަކަތަކުން އެނގެނީ ނިޝާއާ އެކީގައި ޖާދު، ފިލްމީ މަސައްކަތެއް ކޮށްފައިވާކަމާއި އެކަމުގައިވެސް އެންމެ އެހީތެރިކަން ލިބުނީ ނިޢުމާގެ ފަރާތުން ކަމެވެ.
“ދާއިރާގެ އެންމެ ތާއިދުކުރާ އެންމެ އުސް ސަފުގައި ވިދާލި ދެ ތަރިންނާ އެކުގަ އެއް ފޮޓޯއަކުން ފެނިގެން ދިއުމަކީވެސް ޖާދުގެ ދިގު އިންތިޒާރަށް އައި ފުރިހަމަކަމެއް އަދި މި ފޮޓޯ ވެގެންދާނީ ޖާދުއަށް ވަރަށް ތާރީޚީ ފޮޓޯއަކަށް.”
“ޖާދުގެ ހުވަފެން ހަޤީޤަތަކަށް ވުމޭ ހާމަކުރުމުގެ އަސްލަކީ މި ވީހައި ތަނަށް މުޅި ފިލްމީ ދާއިރާ ތަމްސީލުކޮށްފައިވާ އެތައް އެތައް ފަންނާނުންނެއް އެއް ޕްރޮޖެކްޓަކުން ފެނިގެންދާއިރު، އެންމެ ގިނަ ފަންނާނުން މިނިވަން ދުވަހުގެ މި ޚާއްޞަ ޕްރޮޖެކްޓުން ފެނިގެން ދިއުމަކީ އެންމެނަށް ލިބޭ ވަރަށް ބޮޑު ސަޕްރައިޒަކަށް ވެފައި، އަބަދުވެސް އެންމެ ގިނަ ބަޔަކު އެ މޫނެއް ބަލަން ބޭނުންވެފައިވާ ނިޝާ މި ޕްރޮޖެކްޓުން ފެނިގެން ދިއުން.” ޖާދުގެ ވާހަކަތަކުން މިއޮތީ ނިޝާ ސްކްރީނުން ފެންނާނެ ތާރީޚްވެސް އެނގިފައެވެ.
އާނއެކެވެ. މަރްޔަމް ނިޝާ ސްކްރީނަށް އެނބުރި އަންނަނީއެވެ. ޖުލައި ސައްބީހުގައި ހަމަ ގައިމުވެސް ކޮންމެވެސް ޓީވީ ޗެނަލަކުން ދައްކާ ވަރުގަދަ ޕްރޮޖެކްޓަކުން ނިޝާ ފެނިގެންދާނެއެވެ. މިއީ ޖާދު ނޫނަސް، ނިޝާގެ ފޭނުންނަށް ވެސް ލިބޭ އުފާވެރި، ބޮޑު ސަޕްރައިޒަކަށް ވާނެ ޕްރޮޖެކްޓެއްކަން މިހާރު ޔަޤީން ކުރެވިއްޖެއެވެ.
ޖާދުއަށް މި ޕްރޮޖެކްޓުގައި މަސައްކަތްކޮށްލަން ފުރުޞަތު ލިބުނީތީ ނިޝާ އާއި ނިޢުމާއަށް ވަރަށް ބޮޑަށް ޝުކުރު އަދާކުރާކަމަށް ޖާދު ބުންޏެވެ.
ޖާދުއެވެ. ހަމަ ގައިމުވެސް ޖާދު ތި ދިން ޚަބަރުން، ނިޝާގެ ފޭނުންވެސް ޖާދުއަށް ޝުކުރުވެރިވާނެއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
