މިދިޔަ މަހު މަރުވި ބޮލީވުޑް އެކްޓަރު ސުޝާންތު ސިންގ ރާޖްޕުޓްގެ އެންމެ ފަހު ފިލްމު “ދިލް ބޭޗާރާ” ސިނަމާތަކުގައި ނާޅުވައި ޑިޖިޓަލްކޮށް ރިލީޒްކުރާތީ އޭނާގެ ސަޕޯޓަރުން ތިބީ ވަރަށް ހިތްހަމަނުޖެހިފައެވެ. އެމީހުން އެކަމާ ނުރުހުން ފާޅުކޮށް ބުނަމުންދަނީ އެމީހުން އެ ފިލްމު ބަލަން ބޭނުންވަނީ ސިނަމާތަކުގައި ކަމަށާއި އެ ފިލްމު ޑިޖިޓަލްކޮށް ރިލީޒްކުރުމަކީ ސުޝާންތަށްވެސް ދެވޭ ދެރައެއް ކަމަށެވެ.
ސުޝާންތުގެ ސަޕޯޓަރުންގެ މި ޝަކުވާތަކަށް “ދިލް ބޭޗާރާ”ގެ ޑައިރެކްޓަރު މުކޭޝް ޗަބްރާ ވަނީ ޖަވާބު ދީފައެވެ. ޕިންކްވިލާއަށް ދިން އިންޓަވިއުއެއްގައި މުކޭޝް ބުނެފައިވާ ގޮތުގައި ފިލްމަށް ޑަބްކުރަމުން ދިޔައިރު ސުޝާންތު ފިލްމު ބެލި ކަމަށާއި ފިލްމުގެ ފައިނަލް ކަޓް ބަލައިލުމުގެ ފުރުސަތު ސުޝާންތަށް ނުލިބުނު ނަމަވެސް އޭނާ ހުރީ ކުރެވުނު މަސައްކަތާއި ދޭތެރޭ ވަރަށް ހިތްހަމަޖެހި އުފާވެފައި ކަމަށެވެ. އަދި ފިލްމު ޑިޖިޓަލްކޮށް ރިލީޒްކުރުމަށް ސުޝާންތު އެއްބަސްވެފައިވާ ކަމަށާއި ހާލަތަށް ބަލައި އޭނާވެސް ލަފާ ދީފައިވަނީ ޑިޖިޓަލްކޮށް ފިލްމު ރިލީޒްކުރުމަށް ކަމަށް މުކޭޝް ބުނެފައިވެއެވެ.
“އޮންލައިންކޮށް ފިލްމު ރިލީޒްކުރުމަށް ސުޝާންތު ހުރީ ހޭލުންތެރިވެފައި. އޭނައަށްވެސް ވިސްނިފައި އޮތީ މިވަގުތަށް އެންމެ ރަނގަޅު ގޮތަކީ ޑިޖިޓަލްކޮށް ރިލީޒްކުރުންކަން. އޭރުން އެންމެނަށްވެސް ބަލައިލެވޭނެ. އަނެއްކޮޅުން ސިނަމާތައް ހުޅުވޭނެ ދުވަހެއް އެނގެނީއެއް ނޫން. ސުޝާންތަށްވެސް އެކަން އެނގޭ. އެހެންވެ އޭނަ ހުރީ އެގޮތާ ރުހި އުފާވެފައި.”
މުކޭޝް ބުނެފައިވެއެވެ.
މިމަހުގެ 24 ވަނަ ދުވަހު މި ފިލްމު ޑިސްނީ ޕްލަސް ހޮޓްސްޓާއިން ބަލައިލެވޭނެއެވެ. ސުޝާންތުގެ ފޭނުންނަށްޓަކައި ހޮޓްސްޓާއަށް ސަބްސްކްރައިބް ނުކޮށް މި ފިލްމު ބަލައިލެވޭނެ ކަމަށް މި ފިލްމުގެ ޓީމުން ކުރިން ބުނެފައިވެއެވެ.
ލިޔުންތެރިޔާގެ ފުރަމަލަ
- މުނިއަވަސްގެ ޑެޕިއުޓީ އެޑިޓަރ ސާޖިދު އަކީ ވާހަކަ ލިޔުމުގެ އިތުރުން ޚަބަރު ލިޔުމުގައިވެސް ހުނަރުވެރި ލިޔުންތެރިއެކެވެ.
މި ލިޔުންތެރިޔާގެ ބައެއް އެހެން ލިޔުންތައް
- 1 މެއި 2024ވާހަކައިމްނާ
- 16 އޮކްޓޯބަރ 2023ޚަބަރުމާމޮރިސް ބ: ގޮއިދޫ ފުޓްސަލް ފިއެސްޓާ 2023 : ޓީމް ޗަޑްސް އިން އުންމީދު އާކޮށްފި
- 16 އޮކްޓޯބަރ 2023ޚަބަރުމާމޮރިސް ބ. ގޮއިދޫ ފުޓްސަލް ފިއެސްޓާ 2023 : ރޯޔަލް ފްރެންޑްސް އާއި ޗެލެންޖާސް ސްޕޯޓްސް ކްލަބަށް މޮޅެއް
- 14 ސެޕްޓެމްބަރ 2023ޚަބަރުހަމް ޓީވީއިން މިފަހަރު ގެނެސްދެނީ “ފިތުނާ”
