ހއ. ބާރަށުގައި މިފަހަރުވެސް ކުލަގަދަކޮށް ބޮޑުއީދު ފާހަގަކުރުމަށް އަންނަނީ ތައްޔާރުވަމުންނެވެ. ބާރަށު ދެކުނު ޒުވާނުން އިސްނަގައިގެން އެރަށުގައި ބޮޑުއީދު ކުޅިވަރު ކުރިއަށްދާނެ ގޮތް މިހާރުވަނީ އިއުލާނުކޮށްފައެވެ. 

ބާރަށުގައި އީދުކުޅިވަރުތައް ކުޅުމަށް ހަމަޖެހިފައިވާ ތާވަލްވެސް މިހާރުވަނީ އިޢުލާންކޮށްފައެވެ. އީދު ދުވަހުގެ ފުރަތަމަ ދުވަހުގެ 16.00 ގައި ކުޅިވަރުތައް ފެށިގެން ދާއިރު މި ކުޅިވަރުތަކުގެ ތެރޭގައި ދިވެހިންގެ ސަގާފީ ކުޅިވަރުތައް ހިމެނޭކަން ފާހަގަކޮށްލެވެއެވެ. އެގޮތުން ބޮޑު އީދަށް ޚާއްސަ ބޮޑުމަހުގެ ކުޅިވަރާއި ދަފިނެގުން ފަދަ ކުޅިވަރުތަށް އެކި އުމުރުފުރައިގެ މީހުންނަށް ވެސް ބައިވެރި ވެވޭގޮތަށް ކުރިއަށް ގެންދިއުމަށް ހަމަޖެހިފައިވާ ކަމަށް ބާރަށު ދެކުނު އަވަށު ޒުވާނުންގެ ފަރާތުން މަޢުލޫމާތު ދެއެވެ.

އީދުގެ ފޯރި އިތުރަށް ގަދަކޮށްލުމުގެ ގޮތުން މިފަހަރުގެ އީދު ޕްރޮމޯޓްކުރުމަށް ވީޑިއޯއެއްވެސް ޒުވާނުންގެ ފަރާތުން ވަނީ ތައްޔާރުކޮށްފައެވެ.

ބާރަށަކީ ކޮންމެ އަހަރެއްގެ ބޮޑުއީދުވެސް ވަރަށް ފޯރިއާއެެކު ކުޅިވަރުތައް ކުރިއަށް ގެންދާ ރަށެކެވެ. ރާއްޖޭގައިވެސް ކޮވިޑް-19 ފެތުރެމުންދާ މި ދަނޑިވަޅުގައި މިފަހަރުގެ އީދު ކުޅިވަރުތައް ކުރިއަށް ގެންދާނީ ރައްކާތެރިކަމުގެ ޚާއްސަ ފިޔަވަޅުތަކާއި އެކުގައި ކަމަށް ވެސް ދެކުނު ޒުވާނުންގެ ފަރާތުން މަޢުލޫމާތު ދެއެވެ.

ލިޔުންތެރިޔާގެ ފުރަމަލަ

ފާޠިމަތު ޒުހުދާ (ޒުހޫ)

އަލިއަޅުވައިލަން ޖެހިފައިވާ މުހިންމު މައްސަލަތަކާއި ހާދިސާތަކަށް ވާހަކައާއި ރިޕޯޓް ލިޔުމަކީ ޒުހުދާގެ ޚާއްޞަ ދާއިރާއެކެވެ.

މި ލިޔުންތެރިޔާގެ ބައެއް އެހެން ލިޔުންތައް

• 21 އޮކްޓޯބަރ 2023ޚަބަރުއަންހެން ޑިވިޝަންގެ ޗެމްޕިއަންސްކަން ޗަޑްސްއަށް
• 21 އޮކްޓޯބަރ 2023ޚަބަރުފިރިހެން ޑިވިޝަންގެ ޗެމްޕިއަންކަން ޗެލެންޖާރސްއަށް
• 19 އޮކްޓޯބަރ 2023ޚަބަރުފައިނަލްގައި ޗެލެންޖާސް އަދި ރޯޔަލް ފްރެންޑްސް
• 18 އޮކްޓޯބަރ 2023ޚަބަރުޑްރެގަންސް ބަލިކޮށް ޗަޑްސް އިން ފައިނަލަށް