ގޭގައި ތިބެ، ފަސޭހަކަމާއެކު ހެއާރ ކެެއާރ މާސްކެއް ހަދާލަން ބޭނުންހެއްޔެވެ؟ މި ކިޔައިދެނީ ގޭތެރެއިން ލިބެންހުންނަ ބައެއް ތަކެތިން ހެއާރ ކެެއާރ މާސްކެއް ހަދާނެ ގޮތެވެ.
ހެއާރ ކެެއާރ މާސްކަކީ އިސްތަށިގަނޑަށް އޮފުކަމާއި ތާޒާކަން ގެނެސްދޭ އެއްޗެކެވެ. މީގެ އިތުރުން އިސްތަށިގަނޑު ވަރުގަދަކޮށްދީ އިސްތަށި ފެޅުމާއި ދިގުވުން އަވަސްކޮށްދެއެވެ.
ބައެއް މާސްކުތަކަކީ ވަކި ކަމަކަށް އަމާޒުކޮށް ތައްޔާރުކުރެވޭ މާސްކެވެ. އެގޮތުން އިސްތަށި ފޭބުން ހުއްޓުވުމަށް، ފުހުރުވުން ކުޑަކުރުމަށް، ކަފިވުން ހުއްޓުވުމަށް ވެސް މާސްކު ތައްޔާރުކުރެއެވެ.
ބޭނުންވާނެ ތަކެތި:-
2 ސައިސަމުސާ ކާށިތެޔޮ
2 ސައިސަމުސާ ޔޯގަޓް
3 ނުވަތަ 4 ވިޓަމިން-އީ ކެޕްސޫލް (އިސްތަށިގަނޑުގެ ދިގުމިނަށް ބަލާފައި)
ތައްޔާރުކުރާނެ ގޮތް:-
– ބޮނޑުތަށްޓެއްގައި، ހުރިހައި ތަކެތި ރަނގަޅަށް އެއްކުރާށެވެ. ޕޭސްޓަކަށް ވަންދެން ގަށަން ވާނެއެވެ.
– ގަށާފައި ހުރި ޕޭސްޓް، އިސްތަށިގަނޑާއި ބޮލުގެ ހަންގަނޑުގައި ހާކައި 15 މިނެޓް ވަންދެން މަސާޖުކުރާށެވެ.
– ޝަވަރ ކެޕެއް އަޅައި، އިސްތަށިގަނޑު ފޮރުވާލާށެވެ. 8 ވަރަކަށް ގަޑިއިރު ފަހުން ޝޭމްޕޫއާއި ކޮންޑިޝަނަރ އެއް ލައިގެން ބޯ ދޮންނާށެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
