ލ. ފޮނަދޫ ކުރިގަމު އަވަށު ހުންނަ “ރަކްޝް ޓެއިލާރސް“އަކީ ބަލާބެލުމަށް އާދައިގެ ކުޑަކުޑަ ވިޔަފާރިއެއް ކަމަށް ހީވެދާނެއެވެ. ނަމަވެސް، ތަނުގެ ޚިދުމަތްތަކާއި މިހައިތަނަށް ކޮށްފައިވާ މަސައްކަތްތަކަށް ބަލައިލުމުން “ރަކްޝް ޓެއިލާރސް“އަކީ ލ. ފޮނަދޫ-ގަން ސަރަޙައްދުގައި ނިސްބަތުން ގުނާލެވޭ ފަހާތަނެއްކަން އެނގެއެވެ.
“ރަކްޝް ޓެއިލާރސް“ގެ މަސައްކަތް ފެށީ މީގެ އެއް އަހަރު ކުރިންނެވެ. 2019 ވަނަ އަހަރުގެ އޮކްޓޫބަރު މަހުގައެވެ. މި އަހަރު އޮކްޓޫބަރަށް ދެ އަހަރު ފުރޭނެއެވެ.
މިތަނުން ދެމުން އަންނަ ފެހުމުގެ ޚިދުމަތްތަކަށް ބަލާލާއިރު، ހުރިހައި ވައްތަރެއްގެ އަންނައުނުވެސް ފަހައިދެއެވެ. އެގޮތުން އެކި ޑިޒައިންތަކުގެ ހެދުން، ގަމީސް، ފަޓުލޫނުގެ އިތުރުން ހުރިހައި ވައްތަރެއްގެ ޔުނިފޯމުވެސް ފަހައިދެއެވެ. މީގެ އިތުރުން، ދޮރުފޮތި، ބެޑްޝީޓް ފަދަ ތަކެތިވެސް ފަހައިދެއެވެ.
“ފެހުމެއް ވެއްޖެއްޔާ ވާނެ!” ތަނުގެ ޚިދުމަތް ކުރުކޮށް ފޮނިކޮށް ބަޔާންކޮށްދެމުން ތަނުގެ ވެރިފަރާތުން ބުންޏެވެ.
ފެހުމުގެ ޚިދުމަތްތައް ހޯދުމަށް “ރަކްޝް ޓެއިލާރސް” އިޚްތިޔާރުކުރަންވީ ކީއްވެ؟
ފެންވަރު ރަނގަޅު އަވަސް ޚިދުމަތްތަކެއް ލިބޭތީއެވެ. ފެހުމުގެ ރީތިކަމާއި ވައްޓަފާޅި ހުންނާތީއެވެ. ޚިދުމަތް ހޯދާ ފަރާތްތަކުން ބޭނުންވާ ޑިޒައިނެއް ދެއްކުމުން އެ ދެއްކި ގޮތަކަށް ހެދުން ފަހައިދޭތީއެވެ.
“ގޫގްލް ސާރޗްކޮށްލާފަ މިވެނި ގޮތަކަށް ފަހައިދޭށޭ ބުންޏަސް އިންޝާﷲ، އެގޮތަށް “ރަކްޝް ޓެއިލާރސް“އިން ފަހައިދޭނެ.” ރަކްޝް ޓެއިލާރސް އިން ބުންޏެވެ.
“ރަކްޝް ޓެއިލާރސް“ގެ ފެންވަރު ރަނގަޅު ޚިދުމަތްތަކުގެ ތެރެއިން ޔުނިފޯމު ފަހައިދިނުމަކީ ފާހަގަކޮށްލެވޭ ކަމެކެވެ. ހަމަ އެކަނި ސްކޫލް ޔުނިފޯމެއް ނޫނެވެ. ލ. އަތޮޅު ތަޢުލީމީ މަރުކަޒުގެ ބޭންޑް ދަރިވަރުންގެ ޔުނިފޯމުތައް ވެސް އެންމެ ފަހުން ފެހީ “ރަކްޝް ޓެއިލާރސް“އިންނެވެ.
ފޮނަދުއާއި ގަމުގެ ރެސްޓޯރެންޓްތަކުގެ ވޭޓަރުންގެ ޔުނިފޯމުވެސް “ރަކްޝް ޓެއިލާރސް“އިން ފަހައިދޭން ފަށައިފިއެވެ. އެގޮތުން ފޮނަދޫގައި ހުންނަ ހިތްގައިމު ރެސްޓޯރެންޓް، ޖޭމް ކިޗަންގެ ވޭޓަރުންނާއި މުވައްޒަފުން މިހާރު ލާން ފަށާފައިވާ ޔުނިފޯމަކީ ހަމަ ގައިމުވެސް ފާހަގަކޮށްލެވޭ ޔުނިފޯމެކެވެ.
“ބޮޑަށް ބެލީ ރެސްޓޯރެއްޓެއްގެ ޔުނިފޯމަކަށް ވެފައި، ކެޝުއަލް އަދި އެންމެ ފަހުގެ ފެޝަން، ޕްލަސް ޑީސެންޓް ސްޓައިލަކަށް ފަރުމާކޮށް ފެހޭތޯ. އެގޮތަށް ފަހާފަ ހުންނާނީ.” ޖޭމް ކިޗަންގެ ޔުނިފޯމުތައް ފެހުމުގައި ވިސްނުން ގެންގުޅުނީ ކިހިނެއްތޯ އަހައިލުމުން ރަކްޝް ޓެއިލާރސް އިން ބުންޏެވެ.
ޖޭމް ކިޗަން ރެސްޓޯރެންޓްގެ ޔުނިފޯމު
ޖޭމް ކިޗަންގެ ޔުނިފޯމުގެ ޗާލު ޑިޒައިން ފެނި އެކަން މިވަނީ ކެފޭ/ރެސްޓޯރެންޓް ހިންގާ ފަރާތްތަކުގެ ސަމާލުކަމަށް އައިސްފައެވެ. އެގޮތުން ލ. ގަމުގައި ހުންނަ ‘ލެޒިސް ރެސްޓޯރެންޓް’ގެ ޔުނިފޯމުތައް ވެސް ފަހާ ނިންމާފައި ހުރިކަމަށް ރަކްޝް ޓެއިލާރސް އިން ބުންޏެވެ.
ކޮވިޑް-19 އައުމާއެކު ރަކްޝް ޓެއިލާރސް އިން މާސްކު ވިއްކުމުގެ މަސައްކަތްވެސް ވަނީ ފަށާފައެވެ. އެތަނުގެ މާސްކްތަކަކީވެސް ތިން ފަށަލައަށް، ދެމޭ ފޮތިން ފަހާފައިވާ މާސްކްތަކެކެވެ. ބޭނުންކޮށްލަން ފަސޭހަވެފައި ރައްކާތެރިކަން ކަށަވަރުވާނޭހެން ފަހާފައި ހުންނަކަން ފާހަގަކޮށްލެވެެއެވެ.
“ރަކްޝް ޓެއިލާރސްގެ މާސްކެއް ކަމެއް އޭރަކު ނޭނގޭ. ރަށުގެ ބޯކޮށާތަނުން ގަތީ ދެ މާސްކް، އަޅައިގެން އުޅެން ވަރަށް ފަސޭހަ. ނޭފަތާއި އަނގައާއި އެކުގައި ދަތްދޮޅީގެ ދަށުގައި މާސްކުގެ ތިރީބައި ރަނގަޅަށް ހަރުލާފައި ހުންނާތީ މިއީ ބޭނުންކޮށްލަން ވަރަށް ފަސޭހަ މާސްކެއް.” އެތަނުގެ މާސްކް ބޭނުންކުރަމުން އަންނަ މީހަކު ބުންޏެވެ. އެމީހާ ބުނީ އެތަނުގެ މާސްކް ބޭނުންކުރަމުން އަންނަތާ މިހާރު ހަތަރު ވަރަކަށް މަސް ވެއްޖެކަމަށާއި އެހާ ފަސޭހަ މާސްކެއް އެހެންތަނަކުން ލިބިފައިނެތްކަމަށެވެ.
“ފެހުމެއް ވެއްޖެއްޔާ ވާނެ!”ކަން ދަނެގެން، ރަކްޝް ޓެއިލާރސްގެ ޚިދުމަތުގެ ފެންވަރު ބަލައިލުން ކިހިނެއްވާނެ ހެއްޔެވެ؟
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 29 ޑިސެމްބަރ 2024ޚަބަރު“ރޯމްދުނިޔެ” އިން އީސިމް ނެގުން ދިވެހީންނަށް މާ ސަޅިވާނެ!
- 27 ޑިސެމްބަރ 2024ޚަބަރުޑާކް ރެއިން އިން މިފަހަރު “ފެށުމާއި ނިމުން”
- 24 ޑިސެމްބަރ 2024ޚަބަރުނިޝާ އާރްޖޭއަކަށް!
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
