ކޮވިޑް-19 އަށް ފައްސިވެފައިވާ އުމުރުން 19 އަހަރުގެ އަންހެން ކުއްޖެއް ރޭޕްކޮށްލައިފިއެވެ. ހޮސްޕިޓަލަށް ގެންދިއަ މަގުމަތީގައި އެ ކުއްޖާ ރޭޕްކޮށްލީ އެމްބިއުލާންސްގެ ޑްރައިވަރެވެ.

މިކަން ހިނގާފައިވަނީ އިންޑިއާގެ ކެރެލާ ސްޓޭޓްގެ ޑިސްޓްރިކްޓެއް ކަމަށްވާ ޕަތަނަމްތިއްތާ ގައި މިދިޔަ ހޮނިހިރު ދުވަހުގެ ރޭގެ ވަގުތެއްގައެވެ. ރޭޕްގެ ޝިކާރައަށްވި އަންހެން ކުއްޖާ ބުނީ އޭޭނާއަށް ހަމަލާދިނީ އުމުރުން 29 އަހަރުގެ ވީ-ނައުފަލް ކަމަށެވެ.

މިކަމާ ގުޅިގެން، ޖެހިގެން އައި އާދީއްތަ ދުވަހު ފުލުހުން ވަނީ ނައުފަލް ހައްޔަރުކޮށްފައެވެ. ފުލުހުން ބުނީ އެ މީހާ ޑްރައިވަރަކަށް ވުމުގެ ކުރިން ކޮންމެހެން ހޯދަންޖެގޭ ސެޓްފިކެޓްތައް ހޯދާފައިވެސް ނުވާ ކަމަށެވެ.

އެނގިފައިވާ ގޮތުން މި ޑްރައިވަރަކީ އާދަވެ އެތަކެއް ބާވަތުގެ ކުށްކުށަށް އަރައިގަންނަމުން އަންނަ މީހެކެވެ.

އިންޑިޔާގެ އަޑޫރް ގަވަރމެންޓް ޖެނެރަލް ހޮސްޕިޓަލުގައި ތިބި ކޮވިޑް-19 އަށް ފައްސިވެފައިވާ އުމުރުން 42 އަހަރުގެ އަންހެނަކާއި ރޭޕްގެ ޝިކާރައަށްވި އަންހެން ކުއްޖާ ނަގައިގެން ގޮސް އަރަންމުއްލާގައި ހުންނަ ކޮވިޑްގެ މަރުކަޒަށް 42 އަހަރުގެ މީހާ ބޭޭލުމަށްފަހު ޑްރައިވަރު ދެން ދަތުރު ފެށީ ޕަންޑާލަމް ގައި ހުންނަ ފަސްޓްލައިން ކޮވިޑް ޓްރީޓްމެންޓް ސެންޓަރަށް ދިއުމަށެވެ.

ބެންގަލޯރ މިރާރގައި ރިޕޯޓްކޮށްފައިވާ ގޮތުން ޕަންޑާލަމް ގައި ހުންނަ ފަސްޓްލައިން ކޮވިޑް ޓްރީޓްމެންޓް ސެންޓަރަށް ދިޔަ މަގުމަތީގައި އެކަހެރި ހިސާބަކަށް އެމްބިއުލާންސް މަޑުކުރުމަށްފަހު ޑްރައިވަރު އަޅައިގެން ހުރި ޕީޕީއީ ނަގައި އެ އަންހެން ކުއްޖާ ރޭޕްކޮށްލީ މިދިޔަ ހޮނިހިރު ދުވަހުގެ ރޭ 10:00 ހާއިރުއެވެ.

އަންހެން ކުއްޖާ ހޮސްޕިޓަލަށް ބޭލުމުގެ ކުރިން މިކަން ކުރި ޑްރައިވަރު އަންހެން ކުއްޖާގެ ކިބައިން ތަކުރާރުކޮށް މަޢާފަށް އެދުނުކަމަށާއި އެއްވެސް މީހެއް ކައިރީގައި އެވާހަކަ ނުބުނަށް ބުނެ ބިރުދެއްކި ކަމަށްވެސް މީޑިއާ ރިޕޯޓްތައް ބުނެއެވެ. ނަމަވެސް ޕަންޑާލަމް އަށް ދެވުމާއެކު ހޮސްޕިޓަލުގެ މުއައްޒަފުން ކައިރީގައި އަންހެން ކުއްޖާ ހުރިހައި ވާހަކައެއް ކިޔައިދިނެވެ. ހަމަ އެއާއެކު ޖެހިގެން އައި ދުވަހު ހެނދުނުގެ ވަގުތެއްގައި ޑްރައިވަރު ހައްޔަރުކުރެވުނެވެ.

ހެލްތު މިނިސްޓަރ ކޭކޭ ޝައިލާޖާ ކެރެލާގައި ހިނގި މިކަން ސިފަކުރެއްވީ ލާއިންސާނީ އަދި ކުއްލި ހައިރާންކަމެއް ލިބުނު ޢަމަލެއްގެ ގޮތުގައެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: