އިންޓަރނޭޝަނަލް އައިއެސްބީއެން އޭޖެންސީގެ މިއަހަރުގެ އަހަރީ އާންމު ޖަލްސާގައި ދިވެހިރާއްޖެއިން ފުރަތަމަ ފަހަރަށް ބައިވެރިވެއްޖެއެވެ. މި ޖަލްސާ ބާއްވާފައިވަނީ 9 ސެޕްޓެމްބަރ 2020 ވަނަ ދުވަހު އޮންލައިންކޮށެވެ.
މި ޖަލްސާގައި ރާއްޖެ ތަމްޞީލުކުރެއްވީ ނޭޝަނަލް ބިއުރޯ އޮފް ކްލެސިފިކޭޝަންގެ އެސިސްޓަންޓް ކްލެސިފަޔަރ އިބްރާހިމް ރިމާޒް އަޙުމަދެވެ.
މި ބައްދަލުވުމުގައި ދިވެހިރާއްޖެއިން ވަނީ، ނޭޝަނަލް ބިއުރޯ އޮފް ކްލެސިފިކޭޝަނުން ދިވެހިރާއްޖޭގައި އައިއެސްބީއެން ނަންބަރު ދޫކުރުމުގެ މަސައްކަތް ކުރަމުންދާ ގޮތާއި ގުޅޭގޮތުން ބައްދަލުވުމުގެ ބައިވެރިންނާއި މަޢުލޫމާތު ހިއްސާކޮށްފައެވެ.
ދިވެހިރާއްޖެއިން އިންޓަރނޭޝަނަލް އައިއެސްބީއެން އޭޖެންސީގެ މެންބަރަކަށް ވުމަށްފަހު ފުރަތަމަ ފަހަރަށް އެ އޭޖެންސީގެ އަހަރީ އާންމު ޖަލްސާގައި ބައިވެރިވުމުން، އެ އޭޖެންސީގެ އެގްޒެކެޓިވް ޑިރެކްޓަރ ސްޓެލާ ގްރިފިތު ވަނީ އެކަން ފާހަގަކުރައްވައި ރާއްޖެއަށް މަރުޙަބާ ދަންނަވާފައެވެ. އަދި ކުރިއަށް އޮތް މިފަދަ ޖަލްސާތަކުގައިވެސް ރާއްޖޭގެ ބައިވެރިވުން ފެނިގެންދާނެކަމަށް އުއްމީދުކުރައްވާ ކަމަށް އެކަމަނާ ވަނީ ވިދާޅުވެފައެވެ.
އިންޓަރނޭޝަނަލް އައިއެސްބީއެން އޭޖެންސީގެ މިއަހަރުގެ އަހަރީ އާންމު ޖަލްސާ ބޭއްވުމަށް ކުރިން ހަމަޖައްސާފައި އޮތީ ނޯވޭގެ އޮސްލޯގައެވެ. ނަމަވެސް މިހާރު ދުނިޔެއަށް ކުރިމަތިވެފައިވާ އާލަމީ ވަބާގެ ސަބަބުން މި ބައްދަލުވުން އޮންލައިންކޮށް ބާއްވާފައިވާއިރު މިއީ އެ އޭޖެންސީއިން އޮންލައިންކޮށް ބޭއްވި މިފަދަ ފުރަތަމަ ޖަލްސާ އެވެ.
ނޯވޭގައި ބޭއްވުމަށް ހަމަޖެއްސި ބައްދަލުވުން ބޭއްވޭގޮތް ނުވުމުން އެހެން އަހަރަކު ނޯވޭގައި މި ބައްދަލުވުން ބާއްވަން ނިންމާފައިވާއިރު، 2021 ވަނަ އަހަރު އިންޓަރނޭޝަނަލް އައިއެސްބީއެން އޭޖެންސީގެ އަހަރީ އާންމު ޖަލްސާ ބާއްވަން ނިންމާފައިވަނީ މޮރޮކޯގެ ރަބާތުގައެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 9 ނޮވެމްބަރ 2024ޚަބަރު“ދޭދަރު ރުއިން” ގެ ޓިކެޓް ވިއްކަން ފަށައިފި
- 8 ނޮވެމްބަރ 2024ޚަބަރުހިލްމީގެ “ލަމްހާ” ގެ ނަން އާއްމުކޮށްފި
- 6 ނޮވެމްބަރ 2024ޚަބަރު“ދޭދަރު ރުއިން” ޓްރެއިލާއިން އެހެން ޝަރަފެއް
- 1 ނޮވެމްބަރ 2024ޚަބަރުނޫމާއަށް އެކްޓްކުރަން އެންމެ ފަސޭހައީ ކާކާ އެކުގައިބާ؟
