ޗައިނާގެ ޑޮކްޓަރެއް ނެގި މި ފަނި ތަކަކީ ‘ނެމަޓޯޑްސް’ ނަމަކަށް ކިޔާ ޕެރަސައިޓެކެވެ. މިއީ އާއްމު ގޮތެއްގައި ކުއްތާ، ބުޅާ ފަދަ ޖަނަވާރު ތަކުގެ ލޮލުގެ ކޮންޖަކްޓިވަލް ސެކް އަދި ކަރުނަ ވަޅުގެ ތެރެއިން ފެންނަ ޕެރަސައިޓެކެވެ.

އުމުރުން 60 އަހަރުގެ ވޯން ބުނާ ގޮތުން މީގެ މަސްތަކެއް ކުރިން އޭނާގެ ލޯ އާދަޔާޚިލާފަށް ކަހައި ހިރުވަން ފެށިއެވެ. އޭނާ ހީކުރީ އެއީ ވަރުބަލިކަމުގެ ސަބަބުން ނުވަތަ ނިދިމަދުވުމުގެ ސަބަބުން ކުރިމަތިވާން ފެށި ކަމެއް ކަމަށެވެ. އެހެންކަމުން އެކަމާ އަޅައިނުލާ ހުރި ކަމަށްވެސް ވޯން ބުނެއެވެ.

ނަމަވެސް، ލޯ ހިރުވުން ރަނގަޅު ނުވުމުން ސުޒޯ ހޮސްޕިޓަލުގެ ޑޮކްޓަރަކަށް ދެއްކިއެވެ. އެ ހޮސްޕިޓަލުގެ ޑޮކްޓަރުން ގިނަ ޓެސްޓްތަކެއް ހަދައި ބެލުމުން އެނގުނީ މަދުވެގެން 20 ވަރަކަށް ދިރޭ ފަނި އޭނާގެ ލޮލު ބޮނޑި ތެރޭގައި ހުރި ކަމެވެ.

އެ ހޮސްޕިޓަލުގެ ޑޮކްޓަރު ޒީ ޓިންގް މެޑިކަލް ޕްރޮސީޖަރ އެއް ކުރިއަށް ގެންދިޔައެވެ. 20 ފަނި ނަގައި ޓެސްޓްކޮށް ބެލުމުން އެނގުނީ ވޯންގެ ލޮލުގައި ހުރި ފަނި ތަކަކީ ‘ނެމަޓޯޑްސް’ ނަމަކަށް ކިޔާ ޕެރަސައިޓެއް ކަމެވެ.

https://www.youtube.com/watch?v=jF6tvgDd42E

‘ނެމަޓޯޑްސް’ އަކީ އާއްމު ގޮތެއްގައި ކުއްތާ، ބުޅާ ފަދަ ޖަނަވާރު ތަކުގެ ލޮލުގެ ކޮންޖަކްޓިވަލް ސެކް އަދި ކަރުނަ ވަޅުގެ ތެރެއިން ފެންނަ ޕެރަސައިޓެކެވެ. އެފަދަ ފަނީގެ ބިސް، ލާވާ ސްޓޭޖަށް ބަދަލުވުމަށް ނަގާނީ 15 ދުވަހާއި 20 ދުވަހާއި ދެމެދުގެ މުއްދަތެއް ކަމަށް ޒީ ޓިންގް ވިދާޅުވެއެވެ.

އެމީހާގެ ލޮލަށް އެ ފަނިތައް ވަނީ ކިހިނެއްކަމެއް ސާފެއް ނުވެއެވެ. ޑޮކްޓަރުން ކައިރީ ވޯން ބުނިގޮތުން އޭނާ އަކީ ބުޅަލާއި ކުއްތާ ފަދަ އެއްވެސް ޖަނަވާރެއް ގެންގުޅޭ މީހެއް ނޫނެވެ. އެހެންކަމުން އޭނާ ގަބޫލުކުރަނީ ފަނިތައް ނުވަތަ ފަނީގެ ބިސް އޭނާގެ ލޯ ތެރެއަށް ވާސިލުވީ ގެއިން ބޭރުގައި އުޅުމުގެ ތެރޭގައި ކަމަށެވެ.

2018 ވަނަ އަހަރު، އެމެރިކާ އަންހެނެއްގެ މޫނުގައި ހުރި އައިބުތަކެއް (ލަކުނެއްގެ ސިފައިގައި ހުރި ތަނެއް) މޫނުގެ އެކި ހިސާބަށް ބަދަލުވާތަން ފެނުމުން ހައިރާންކަން ލިބުނެވެ. އޭނާ ޑޮކްޓަރަށް ދެއްކުމުން އެނގުނީ އެއީ ދެހަން ދޭތެރޭގައި ދުވާ ޕެރަސައިޓް ފަންޏެއްގެ ސަބަބުން ކުރިމަތިވި ކަމެއް ކަމަށެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: