މީޑިއާނެޓް އޮރިޖިނަލްސް އިން ގެނެސްދިނުމަށް ޑާކްރެއިން އެންޓަޓެއިންމެންޓުން ހަދާ ވެބް ސީރީޒް “ރޫމީ އާ ޖަންނަތު“ގެ މައިގަނޑު ތަރިން ހާމަކޮށްފިއެވެ.
ވަރުގަދަ ކާސްޓެއް ހިމެނޭ “ރޫމީ އާ ޖަންނަތު“ގައި ހަރަކާތްތެރިވަނީ މަޤުބޫލުކަން ހޯދާފައިވާ ތަރިންތަކެކެވެ. އެގޮތުން ޙަސަން މަނިކް (ރޯނު)، އަޙްމަދު ސަޢީދު، ޝީލާ ނަޖީބު، މުޙައްމަދު ފައިސަލް، އަބްދުﷲ ޝާފިއު (ފުބޫ)، މަރިޔަމް މަޖުދާ (މަޖޫ)ގެ އިތުރުން އާދަމް ރިޒްވީ (ރެކްސް)، މާރިޔާ ތެރޭސާ ހިމެނެއެވެ.
“ރޫމީ އާ ޖަންނަތު“ގެ އެއް ޕްރޮޑިއުސަރ އަދި ޑާކް ރެއިންގެ ވެރިޔާ މުޙައްމަދު ޢަލީ (މޮގާ) ބުނީ މި ސީރީޒްގެ މަސައްކަތްތަކުގައި އެމްއެންޑީއެފްގެ އެހީތެރިކަން ވަރަށް ބޮޑަށް ލިބިފައިވާ ކަމަށެވެ. އެކަމަށްޓަކައި އެމްއެންޑީއެފަށް ޝުކުުރުއަދާކުރަމުން މި ސީރީޒްގައި މަޖޫ ފެނިގެންދާނެ ތަފާތު އަދި މުހިންމު ކެރެކްޓަރގެ މަޢުލޫމާތުވެސް މުނިއަވަސްއާ ހިއްސާކުރިއެވެ. މަޖޫ ފެނިގެންދާނީ އެމްއެންޑީއެފްގެ އަސްލު ޔުނިފޯމުގައި ޖަންނަތުގެ ރޯލުން ކަމަށް މޮގާ ބުންޏެވެ.
“ރޫމީ އާ ޖަންނަތު“ގެ ލީޑުން ފެނިގެންދާނީ ފުބޫ އާއި މަޖޫ އެވެ.
ފިލްމު “މާމުއި”، “މީ ލޯތްބަކީ” އަދި “ވާށޭ މަށާ އެކީ”ގެ މަޖާ ރަހަތައް ގެނެސްދިން ޑާކް ރެއިންގެ “ރޫމީ އާ ޖަންނަތު” ސިޓްކޮމްގެ ސްކްރީންޕްލޭ ލިޔަނީ ޢާއިޝަތު ފުއާދު ތަޢުފީޤާއި އަޙްމަދު ޠަލާލެވެ. ޑައިރެކްޓްކުރަނީ ޢަލީ ޝިފާޢު (ޗިއްޕެ) އާއި މުޙައްމަދު ފައިސަލެވެ. ޕްރޮޑިއުސްކުރަނީ ޢާއިޝަތު ފުއާދު ތަޢުފީޤާއި މުޙައްމަދު ޢަލީ (މޮގާ) އެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
ރަނގަޅު ހޮވުމެއް. ލުކިން ފޯވާޑް
މަޖޫގެ ތަފާތު ރޯލެއްދޯ. ފައްކާ ވާނެ. މަޖޫތީ ފިސާރި މަންޖެއެއް