މިމަހު 16 ގައި ސްޓާ ޕްލަސް އިން ދައްކަން ފަށާ ސީރީޒް “އިމްލީ” އަކީ ދިވެހިންނަށް ވަރަށް ކަމުދާނެ ސީރީޒަކަށް ވާނެކަމަށް ޤަބޫލުކުރެވެއެވެ.

“އިމްލީ” އަކީ ރަށްފުށުގެ ދިރިއުޅުމަށް ލޯބިކުރާ ވަރަށް އާދައިގެ ނިކަމެތި އާއިލާއެއްގެ އަންހެން ކުއްޖެކެވެ. މި ސީރީޒްގައި ކިޔައިދޭނީ ދަތުރުވަރެއްގައި ރަށްފުށަށް ދާ ޒުވާނަކާއި “އިމްލީ” އާ ދެމެދު ހިނގާ ކަންތައްތަކެއްގެ ސަބަބުން އެ ދެ މީހުންނަށް ކައިވެނިކުރަން މަޖުބޫރުވެ، ބީރައްޓެހި މާހައުލަކަށް އިމްލީ ހިޖުރަކުރާ ފަހުން އެނގެނީ ފިރިމީހާ އެހެން ކައިވެންޏެއް ކޮށްގެން އުޅޭ ކަމެވެ. އެކަމުގެ ސަބަބުން އިމްލީ އަށް ދިމާވާ އަސަރު ގަދަ ހާދިސާތަކެއް މި ސީރީޒްގައި ކިޔައިދޭނެ އެވެ.

https://www.youtube.com/watch?v=3Xmpk10OVug

ބެންގޯލީ ސީރީޒެއްގެ ރީމޭކް “އިމްލީ” އަކީ މަޝްހޫރު ޓީވީ ޝޯވތައް ކަމަށްވާ “އިޝްޤްބާޒް” އާއި “ކުލްފީ ކުމާރް ބަޖެވާލާ” ޕްރޮޑިއުސްކުރި ގުލް ޚާންގެ ‘ފޯރ ލަޔަންސް’ އިން އުފައްދާ ސީރީޒެކެވެ.

ސީރީޒްގެ ލީޑްގައި އުޅެނީ ސުމްބުލް ތޯކީރް އާއި ގަޝްމީރް މަހަންޖާނީ އެވެ. ގަޝްމީރް އަކީ ނޫސްވެރިއެކެވެ. އޭނާ ދެކޭގޮތުން ރަށްފުށުގެ އެންމެންނަކީ ލިޔަންކިޔަން ނުދަންނަ ގަމާރުންނެވެ.

https://www.youtube.com/watch?v=zHuYR95l770

މި މަހުގެ 16 ވަނަ ދުވަހުގެ ރޭ ދައްކަން ފަށާ މި ސީރީޒް ކޮންމެ ހަފުތާއެއްގެ ހޯމަ ރެއިން ހޮނިހިރު ދުވަހުގެ ރެއާ ހަމައަށް  އަންނާނެއެވެ. “އިމްލީ”ގެ އެޕިސޯޑްތައް ދައްކާނީ ރާއްޖޭ ގަޑިން 0800 ގައެވެ.

ލިޔުންތެރިޔާގެ ފުރަމަލަ

މަރިޔަމް ދީމާ
ތަފާތު މަޢުޟޫތަކަށް ދީމާ ލިޔާނެއެވެ. އެންްމެ ޝައުޤުވެރިވަނީ ފިލްމީ ދާއިރާ އަށެވެ.

ގުޅުންހުރި ލިޔުން: