ރާއްޖެ ހިމެނޭގޮތަށް، އެސިއާޕެސިފިކް ރީޖަންގެ ގައުމުތަކުގެ މާލީވަޒީރުންގެ ވަރޗުއަލް ބައްދަލުވުމެއް، މިއަދު، 2 ޑިސެމްބަރ 2020 ގައި ބާއްވައިފިއެވެ. މި ޖަލްސާގައި، ފެނާއި ނަރުދަމާއާއި، ސާފު ތާހިރުކަމާއި ސިއްހަތާއި (ވޯޝް) ބެހޭ ދާއިރާއަށް ލިބިފައިވާ މާލީ ވަސީލަތްތައް އިހުނަށްވުރެން ރަގަޅަށް ބޭނުންކުރާނެ ގޮތްތަކާއި އަދި މިދާއިރާއަށް އިތުރު ވަސީލަތްތައް ގެނެވޭނެ ގޮތްތަކާއި މެދު މަޝްވަރާ ކުރެވުނެވެެ. މި ބައްދަލުވުމުން އެ ބޭފުޅުންގެ މެދުގައި ވޯޝްއަށް ފާއިދާހުރިމޮޅު އިންވެސްޓްމެންޓަށް މަގުފަހިވާ ގޮތުގެ މަތީން ތަފާތު ދާއިރާތަކާއި ސަރަހައްދުތަކުގެ ޕާރޓްނާޝިޕް ގާއިމުކޮށް މިފަދަ ގުޅުންތައް ހަރުދަނާ ކުރުމުގެ ފުރުސަތު ހުޅުވިގެން ދާނެ ކަމުގައި ފާހަގަކުރެވުނެެވެ.

ކޮވިޑް 19 އިން ގައުމު ތަކުގެ އިގުތިސޯދަށް ކުރުވަމުންދާ އަސަރު ތަކުން މި އެގެމުންދަނީ، ފެނާއި ސާފުތާހިރު ކަމާއި ގުޅުންހުރި މައްސަލަތައް އާއްމު ސިއްހަތުގެ ދާއިރާއިން ބޭރުގެ އެތަކެއް ދާއިރާތަކާ ގުޅިލާމެހިފައިވާކަމެއް ކަމުގައެވެ. މިގޮތުގެމަތީން ތަފާތު ގައުމީ ދާއިރާތަކާއި، އަދި ބައިނަލް އަގުވާމީ އެކި ފަރާތްތަކާއި ގުޅިގެން ދެމެހެއްޓެނިވި ހައްލަކަށް އަމާޒުކޮށް މާލީ ޕޮލިސީ ހެދުމުގެ ބޭނުންތެރިކަން ވެސް ހާމަވެގެންދިޔައެވެ.

މި ބައްދަލުވުން އިންތިޒާމު ކުރަނީ، ސަރަހައްދީ ގައުމުތަކުގެ ސަރުކާރާއި، އެހީދޭ ފަރާތް ތަކާއި، އާއްމު ޖަމިއްޔާ ޖަމާއްތަކާއި އަދި ތަރައްގީއަށް އެހީތެރިވާ އެހެނިހެން ފަރާތްތަކާއި، އާއްމުކޮށް ފެނާއި ސާފުތާހިރު ކަމުގެ ވަސީލަތްތައް ފޯރުކޮށް ދިނުމަށް އެއްބަސްވެފައިވާ އަމާޒަށް މަސަތްކައް ކުރާ ފަރާއް ތަކުގެ ގުޅުމަކުން ނެވެ. މިފަރާތްތްކުގެތެރޭގައި ސެނިޓޭޝަންއެންޑްވޯޓާފޯއޯލް (އެސް.ޑަބުލިޔޫ.އޭ.)، ޔުނިސެފް، ވޯލްޑް ބޭންކް، ގްލޯބަލް ވޯޓާ ޕުރެކްޓިސް އާއި އޭސިޔާ ޑިވެލޮޕްމެންޓް ބޭންކުންނެވެ.

ކުރީ އަހަރުތަކާއި ހިލާފަށް މި އަހަރުގެ ޖަލްސާ ބޭއްވީ ވާރޗުއަލްކޮށެވެ. އަދި ދުނިޔޭގެ ކަންކޮޅު ތަކަށް އޮންލައިންކޮން ޖަލްސާ ބްރޯޑް ކާސްޓް ކުރެވޭނެއެވެ.

މިޖަލްސާއިންތިޒާމުކުރުމުގެ އިސްދައުރެއްއަދާކުރާ ސެނިޓޭޝަންއެންޑުވޯޓާރފޯރ އޯލް އަކީ އެންމެނަށް ފެނާއި ސާފުތާހިރު ކަމުގެ ހިދުމަތް ފޯރު ކޮށްދިނުމަށް މަސައްކަތް ކުރާ ބައިނަލް އަގުވާމީ ޕާރޓްނާރ ޝިޕްއެކެވެ. މިގުޅުން މެދުވެރިކޮށް 2 ޑިސެމްބަރ ގައި ބާއްވަން ހަމަޖެހިފައި ވާއޭޝިއާޕެސިފިކުސަރަހައްދުގެ މާލީމިނިސްޓަރުންގެ ޖަލްސާ އާއި ބެހޭ ގޮތުން އާމު ހޭލުން ތެރިކަން އުފެއްދުމަށް ޖަމިއްމިއްޔާތަކުން ހިންގާ ހަރާކާތް ތަކަށް އެހީތެރި ވަނީ ވޯޓާރކެއާރ، ވޯޓާސޮލޫޝަންސް، ސޭވްމޯލްޑިވުސް އިންނެވެެ. މިޕްރޮގްރާމް ގެ މައިގަޑު މަގުސަދަކީ އެކަކުވެސް ބާކީ ނުކޮށް ފެނާއި ސާފު ތާހިރު ކަމުގެ ޙިދުމަތް 2030 ވާންވާއިރަށް އެއްމެނަށް ފޯރުކޮށްދިނުމެވެ. އަދި މިޕްރޮގުރާމަށް އެހީތެރިކަން ފޯރުކޮށްދޭ ބައިވެރީންގެ ތެރޭގައި، ސެނިޓޭޝަން އެންޑު ވޯޓާރފޯރ އޯލް އާއި އެންޑު ވޯޓާރ ޕަވަރޓީ އެވެ.

މި ޖަލްސާއަށް ތައްޔާރުވުމުގެ ގޮތުން ރާއްޖޭގެ ފެނާއި ނަރުދަމާއާއި ތިމާވެއްޓާއި ގުޅުންހުރި ކަންކަން ކުރިއެރުވުމަށް ވަކާލާތުކުރާ ބައެއް ޖަމިއްޔާ ޖަމާއަތްތައް ބައްދަލުވެ، ފައިނޭންސް މިނިސްޓަރުންގެ މިޖަލްސާގައި ފޯކަސްކުރުމަށް މުހިއްމު ބައެއް ކަންތައްތައް ވަނީ ފާހަގަކޮށްފައެވެ. މިގޮތުން، ފެނާއި ނަރުދަމާއާއި ސެނިޓޭޝަންގެ ދާއިރާގެ ތަރައްގީއަށް ކަޑައެޅިފައިވާ ފައިސާ ދެކޮޅުޖެހޭ އުސޫލަކުން ބޭނުންކުރެވޭނެ ގޮތްތައް ހޯދުމަށްޓަކައި މިދާއިރާގެ މުއައްސަސާތައް ހަރުދަނާކޮށް، ކެޕޭސިޓީ އިތުރުކޮށް، ހިންގުންތެރިކަން ވަރުގަދަކުރުމަކީ މުހިއްމު ކަންތައްތައް ކަމުގައި ވަނީ ފާހަގަކޮށްފައެވެ.

މިއަދު މިބޭއްވި އޭޝިއާ ޕެސިފިކް ސަރަހައްދުގެ ފައިނޭންސް މިނިސްޓަރުންގެ ޖަލްސާގައި ފެނާއިނަރުދަމާގެ އާއި ތިމާވެއްޓާއި ބެހޭ ދާއިރާގެ މިނިސްޓަރުންވެސް ބައިވެރިވެވަޑައިގަތެވެ. މިޖަލްސާގައި ކުރިން ފާހަގަކުރި ކަންތައްތައް ކުރިއެރުވުމައްޓަކައި ގައުމުތަކުގެ ސިވިލްސޮސައިޓީގެ ބައިވެރިވުން އިތުރުކުރުމާއި އެއްފަރާތުން އަނެއްފަރާތް ޒިމްމާދާރު ކުރުވުމުގެ މުހިއްމުކަމާއި އާއްމުކޮށް ހިދުމަތް ލިބޭ ފަރާތްތަކުގެ ހިއްސާ އިތުރުކުރުމާއެކު ތަފާތު ދާއިރާތައް ގުޅިގެން މަސައްކަތް ކުރުމުގެ ބޭނުންތެރި ކަމާމެދު ވާހަކަދެކެވުނެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: