ޓެލެވިޛަން މޯލްޑިވްސް އިން މީގެ އަހަރުތަކެއް ކުރިން ދެއްކި އެއްމެ މަޤްބޫލު އެއް ޑްރާމާ ސީރީޒް “ރޭޝަމް” ބައިސްކޯފަށް ގެންނަން ތައްޔާރުވެއްޖެއެވެ. ބައިސްކޯފުން ކުރި ޓްވީޓެއްގައި ބުނީ އަބަދުވެސް ގިނަބައެއްގެ މަޤްބޫލުކަން އެންމެ ބޮޑަށް ލިބިފައިވާ ކްލެސިކް ހިޓް “ރޭޝަމް” ބައިސްކޯފަށް ވަރަށް އަވަހަށް އަންނާނެ ކަމަށެވެ.
2000ވަނަ އަހަރު ޢަބްދުލް ފައްތާޙް (އާފް) ޑައިރެކްޓްކޮށް ގެނެސްދިން 22 އެޕިސޯޑްގެ “ރޭޝަމް” އަކީ ހަމަ ގައިމުވެސް އޭނާގެ އެންމެ ކާމިޔާބު ޑްރާމާ ސިލްސިލާއޭ ބުނުން ގޯހަކަށް ނުވާނެއެވެ.
މަރިޔަމް ނިޝާއާއި އަޙްމަދު މައިގަނޑު ރޯލުތަކުން ފެނިގެންދިޔަ މި ސިލްސިލާގައި މަރިޔަމް ނާޒިމާ، ފައިސަލް، އައްސަދު ޝަރީފް، ފައުޒިއްޔާ ޙަސަން، އާމިނަތު ރަޝީދާ މުހިންމު ރޯލުތަކެއް ކުޅެފައިވެއެވެ.
އަސަރުގަދަ، ރީތި ވާހަކައާއި މަރިޔަމް ނިޝާގެ މޮޅު އެކްޓިންގެ ސަބަބުން ޑްރާމާ އެހާ މަޤުބޫލުވީއިރު މި ޑްރާމާއަކީ މަރިޔަމް ނިޝާގެ ފިލްމީ ޙަޔާތުގައި އޭނާގެ ފަރާތުން ފެނުނު އެންމެ މޮޅު އެކްޓިންގ ކަމަށް ގިނަ ބަޔަކު އިއްތިފާޤުވެއެވެ.
އަމިއްލަ ރާގަކަށް އަޙްމަދު އާމިރުގެ އަޑުން ކިޔާފައިވާ ޑްރާމާގެ ތީމް ލަވަ ”ރޭޝަމް“ އަކީ އަދިވެސް ވަރަށް މަޤުބޫލު ލަވައެކެވެ. މި ލަވައިގެ ކަވަރ ލަވަތަކެއް އިވިގެން ދިޔަނަމަވެސް އަސްލު ލަވައާއި އެއްވަރަކަށް މަޤުބޫލެއް ނުވިއެވެ.
All-time favorite classic hit ‘Reysham’ is coming soon to #Baiskoafu
Stay tuned! pic.twitter.com/y2EmSDMmOk— Baiskoafu (@baiskoafu) December 16, 2020
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 23 ނޮވެމްބަރ 2024ޚަބަރުޓިކްޓޮކް ރީިތި އަޑު ޝާފީ ކާމިޔާބުކޮށްފި
- 15 ނޮވެމްބަރ 2024ޚަބަރު“ބިބީ” ސްޕެއިން އަށް!
- 15 ނޮވެމްބަރ 2024ޚަބަރު“ދޭދަރު ރުއިން” 20 ނޮވެމްބަރުގައި އެޅުވުން ކެންސަލެއް ނުވޭ!
- 13 ނޮވެމްބަރ 2024ޚަބަރު“ދޭދަރު ރުއިން” ޕްރިމިއާއަށް ނަގާފައިވާ އޮލިމްޕަސް ހޯލު އެންސީއޭ އިން އަތުލައިފި
