މަޝްހޫރު އެކްޓަރ/ޑައިރެކްޓަރ ޢަލީ ސީޒަންގެ ޕްރޮޑަކްޝަން ހައުސް ‘އެސް ޕްރޮޑަކްޝަން’ އާއި ރާއްޖެ ޓީވީ ގުޅިގެން އުފައްދާ މި އަންނަ ރަމަޟާން މަހު ގެނެސްދޭން ނިންމާފައިވާ ވަރުގަދަ ޝޯ “ޕްރިސްޓަރ އޮއިލް ސެލެބްރިޓީ ރޭސް”ގެ ޓްރެއިލާ ދައްކާލައިފިއެވެ.
“ޕްރިސްޓަރ އޮއިލް ސެލެބްރިޓީ ރޭސް”ގެ ޓްރެއިލާ ޕޯސްޓަރާއި ވީޑިއޯ އާއްމުކޮށްފައިވަނީ އެސް ޕްރޮޑަކްޝަންގެ މީޑިއާ ވައިބަރ ގްރޫޕް މެދުވެރިކޮށެއެވެ.
ސީޒަން ހުށައަޅައިދޭ ރިއަލެޓީ ޝޯވގައި ރާއްޖޭގެ މަޝްހޫރު 8 ފިލްމީ ތަރިން ފެނިގެންދާނެއެވެ. އެގޮތުން މުހައްމަދު މަނިކު، އިސްމާއީލް ޖުމައިހް (ޖުމާ)، ސަރާ، ނާޝިދާ މުހައްމަދު (ނާއްކޮ)، އަހްމަދު އީސާ (އާނަންދު)، ޖާދުﷲ އިސްމާޢީލް (ޖާދު)، މަރްޔަމް ޝިފާ އަދި އައިމިނަތު ރަޝްފާ (އާޝާ) މި ޝޯގައި ބައިވެރިވެއެވެ.
މި ޝޯވއާމެދު ސީޒަން ބުނީ މިއީ ޗެލެންޖިންގ ޝޯވ އެއް ކަމަށާއި، މިއީ ރާއްޖޭގެ ޓީވީ ޗެނަލަކުން އުފައްދާ އެންމެ މަސައްކަތް ބުރަ ޝޯވއަށް ވެގެންދާނެ ކަމަށާއި، މި ޝޯވ އާއި މެދު ވަރަށް ބޮޑު އުންމީދެއް އެބައޮތް ކަމަށެވެ. އަދި މި ޝޯވ އަކީ މި ރޯދަމަހު ރާއްޖޭގެ ޗެނަލަކުން ދައްކާނެ އެންމެ ވަރުގަދަ ޝޯވ އަށް ވެގެންދާނެ ކަމަށް ޝީޒަން ބުންޏެވެ.
ޢަލީ ސީޒަން އަކީ އެކްޓިން އާއި ފިލްމީ މަސައްކަތުގެ އިތުރުން ޝޯ ހުށައަޅައިދިނުމުގައި ބެލުންތެރިން ބަލައިގެންފައިވާ ހުނަރުވެރި ހުށައެޅުންތެރިއެއްކަން ފާހަގަކޮށްލެވޭ ފަންނާނެކެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ސެޕްޓެމްބަރ 2024ޚަބަރު“ދޭދަރު ރުއިން” ފިލްމުގެ ފުރަތަމަ ޕޯސްޓަރު ދައްކާލައިފި
- 19 ސެޕްޓެމްބަރ 2024ޚަބަރު“އުދަބާނި” މިރޭ އޮލިމްޕަހަށް
- 17 ސެޕްޓެމްބަރ 2024ޚަބަރު“ބިބީ” ގެ ޓިކެޓް ވިއްކަން ފަށައިފި
- 16 ސެޕްޓެމްބަރ 2024ރިޕޯޓްބުލީގެ ޝިކާރައެއް! އެހަނަސް، މިއީ ފިސާރި ހުނަރުވެރިއެއް!