މޯލްޑިވިއަން އައިޑަލްގެ އެންމެ ތިން ސީޒަން އާއި ބައްދަލުކުރުމުގެ ނަސީބު ލިބިފައިވާ ދިވެހީންގެ ތެރެއިން ލަވައަށް ލޯބިކުރާ ފަރާތްތަކުން މި ދުވަސްކޮޅު އެންމެ ބޮޑަށް މަޒާކުރަމުން އަންނަ ޝޯއަކަށް ވެގެންދާނީ ‘އިންޑިޔަން އައިޑަލް 12’ ކަމަށް ބުނެވިދާނެއެވެ. މި ޝޯވ ބަލަމުން އަންނަ ފަރާތްތަކަށް ޝަންމުކްޕްރިޔާ އަކީ ހަމަ ގައިމުވެސް އައު ނަމަކަށް ނުވާނެއެވެ. އެހެނީ ޝަންމުކްޕްރިޔާގެ ކޮންމެ ހުށައެޅުމަކީ ‘މޯލްޑިވިއަން އައިޑަލްގެ ޖަޖް އައްމަޑޭ’ އެ ބުނާ ބީދައިން “ލަވަ ފަޅަމުން” އަންނަ ބައިވެރިއެއްކަން ޝަންމުކްޕްރިޔާގެ ކޮންމެ ހުށައެޅުމަކުން ފެނިގެންދެއެވެ.
ޝަންމުކްޕްރިޔާ އަކީ ވަރަށް އަމިއްލަވަންތަ ވޯކަލް ސްޓައިލެއް ގެންގުޅޭ ހުނަރުވެރި ބައިވެރިއެކެވެ. އަޑުގައި ތަފާތު ވޭރިއޭޝަންތަކާއި ބަނޑިތަކާއި ވައިބްރާޓޯތައް ގެންގުޅެނީ އަޑުއަހާ މީހާގެ ގައިން ހީބިހި ނަގައިގެންދާހާ މޮޅަށެވެ.
މަޝްހޫރު ލިޖެންޑަރީ ލަވަކިޔުންތެރިޔާ ކިޝޯރް ކުމާރުގެ ވަރުގަދަ ސަޕޯޓަރު، ޝަންމުކްޕްރިޔާ އަށް ‘ޔޯޑްލިން’ އަކީ ކުރިން އައު ކަމެކެވެ. ނަމަވެސް މިހާރު އޭނާއަކީވެސް ކިޝޯރްދާ ފަދައިން މޮޅަށް ‘ޔޯޑްލިންގ’ ކޮށްލާ ހުނަރުވެރިއެކެވެ.
މިހާރު ކުރިއަށްދާ އިންޑިއަން އައިޑަލްގައި ޝަންމުކްޕްރިޔާ އަންނަނީ އެތަކެއް ބައެއްގެ ހިތް އަތުލަމުންނެވެ. އަމިއްލަވަންތަ ސްޓައިލްގެ މޮޅު ހުށައެޅުންތަކުގެ ސަބަބުން އޭނާ ވަނީ ޓޮޕް 15 އާއި ހަމައަށް ވެސް ވާޞިލްވެވިފައެވެ.
https://www.youtube.com/watch?v=jddG6xquakc
* މަޒާކުރަމުން – އެންޖޯއީ ކުރަމުން
ލިޔުންތެރިޔާގެ ފުރަމަލަ
- ތަފާތު މަޢުޟޫތަކަށް ދީމާ ލިޔާނެއެވެ. އެންްމެ ޝައުޤުވެރިވަނީ ފިލްމީ ދާއިރާ އަށެވެ.
މި ލިޔުންތެރިޔާގެ ބައެއް އެހެން ލިޔުންތައް
- 25 މާރޗް 2024ރަހަފަތްއާފަލު ކޭކު – މުނިއަވަސް ރަހަފަތް
- 24 މާރޗް 2024ރަހަފަތްގާލިކް ބްރޮއިލްޑް ޗިކަން – މުނިއަވަސް ރަހަފަތް
- 23 މާރޗް 2024ރަހަފަތްބިސް ޗީޒް ޕެޓީސް – މުނިއަވަސް ރަހަފަތް
- 18 ސެޕްޓެމްބަރ 2021ޚަބަރުވަންރާޖްގެ މޫނުމަތީގައި އަނޫޕަމާ މިފަހަރު ޖެހީ ވަރަށް ވަރުގަދަ ތަފާލެއް!
