މަޝްހޫރު ތަރިންނަށް ވުމުގެ ހުވަފެން ފުރިހަމަކުރުމަށްޓަކައި ކޮންމެ އަހަރަކުވެސް ބޮލީވުޑަށް އައު ތަރިން ނުކުންނަމުން ދެއެވެ. އެގޮތުން މި އަހަރު ބޮލީވުޑަށް ނުކުމެ އެމީހުންގެ އަލަތު ފިލްމު ކުޅުމަށް މަޝްހޫރު ތަރިން ތަކެއްގެ ފަސް ދަރިން ތިބީ ތައްޔާރަށެވެ. 2021 ވަނަ އަހަރު ބޮޑު އިސްކިރީނުން ފެންނާނެ ކަމަށް ލަފާކުރެވޭ ޒުވާން ފަސް ތަރިންގެ ލިސްޓެއް ހުށައަޅައިލާނަމެވެ.
ޚުޝީ ކަޕޫރު
ބޯނީ ކަޕޫރާއި ޝްރީ ދޭވީގެ އެންމެ ހަގު ދަރިފުޅު އަދި މިހާރު ބޮލީވުޑްގައި ފައިތިލަ ސާބިތުކޮށްފައިވާ ޖާންވީ ކަޕޫރުގެ ކޮއްކޮ، ޚުޝީ ކަޕޫރު ވެސް ހުރީ ބޮލީވުޑަށް ފައިއެޅުމަށް ތައްޔާރަށެވެ. އަޑުތައް ފެތުރޭގޮތުން ޚުޝީ ކަޕޫރުގެ ފުރަތަމަ ފިލްމު މި އަހަރު ލޯންޗުކުރާނެވެ. ހިތްގައިމު ސިފަތަކެއް ހުންނަ ޚުޝީ އަކީ މީސް މީޑިއާގައިވެސް ވަރަސް ހަރަކާތްތެރި ކުއްޖެއްކަން ފާހަގަކޮށްލެވެއެވެ.
ޚުޝީ ކަޕޫރު – ފޮޓޯ: ޓައިމްސް އޮފް އިންޑިއާ
ސަނާޔާ ކަޕޫރު
މަޝްހޫރު އެކްޓަރު އަނިލް ކަޕޫރުގެ ކޮއްކޮ ސަންޖޭ ކަޕޫރާއި މަހީޕް ކަޕޫރުގެ ދަރިފުޅު ސަނާޔާ ކަޕޫރުގެ ހުނަރުވެރި ނެށުމެއް ދާދި ކުޑަ ހިނދުކޮޅެއްގެ ތެރޭގައި ވަރަށް ފަހުން ވައިރަލްވިކަން ހަނދާންވޭ ހެއްޔެވެ؟ އެ ވީޑިއޯ އަކީ ސަނާޔާ ކަޕޫރުގެ މަންމަ ރިލީޒްކުރި ވީޑިއޯ އެކެވެ.
ސަނާޔާގެ ދެބެންގެ ދެދަރި ދައްތަ ޖާންވީ ކަޕޫރުގެ ފިލްމު “ގުންޖަން ސަކްސޭނާ: ދަ ކާރގިލް ގާރލް”ގައި އެސިސްޓެންޓް ޑައިރެކްޓަރެއްގެ ގޮތުގައިވެސް ސަނާޔާ ކަޕޫރު މަސައްކަތްކޮށްފައި ވެއެވެ. ޚަބަރުތައް ބުނާގޮތުން ސަނާޔާ ކަޕޫރު ވެސް ވަރަށް އަވަހަށް ބޮލީވުޑްގެ ސިނަމާއަށް ނުކުންނާނެ އެވެ.
ޝަނާޔާ ކަޕޫރު – ފޮޓޯ: ނިއުސް އެޓީން
އާރްޔާން ޚާން
ބޮލިވުޑްގެ ރަސްގެފާނު، ކިންގް ޚާން ނުވަތަ ޝާހްރުކް ޚާންގެ ދޮށީ ފިރިހެން ދަރިފުޅު އާރްޔާން ޚާންގެ އަލަތު ފިލްމުވެސް މި އަހަރު ތެރޭގައި ފެނިގެންދާނެ ކަމަށް ޤަބޫލުކުރެވެއެވެ. އަންދާޒާކުރެވޭ ގޮތުން އޭނާ ބޮލީވުޑަށް ނެރޭނީ ޝާހްރުކްގެ އެކުވެރި ޑައިރެކްޓަރު ކަރަން ޖޯހަރުގެ ފިލްމަކުންނެވެ. އާރްޔާން އަކީވެސް އޭނާގެ ބައްޕައަށް ލިބިފައިވާ ހިތްގައިމު ސިފަތައް ލިބިފައިވާ ޒުވާނެކެވެ. އެހެންކަމުން ސްކްރީނުގައި ޝާހްރުކް ދައްކަމުން އަންނަ ޖާދޫ އާރްޔާން ވެސް ދަކާނެ ކަމަށް ޤަބޫލުކުރެވެއެވެ.
ޝާހްރުކްގެ ދަރިފުޅު އާރްޔާން ޚާން
ސުހާނާ ޚާން
ބައެއް ކުރު ފިލްމުތަކުން ސުހާނާ ޚާންގެ މޮޅު އެކްޓިން މިހާރުވެސް ވަނީ ދައްކާފައެވެ. އޭނާގެ ބައެއް ކުރުފިލްމުތައް ޔޫޓިއުބްގައިވެސް އާއްމުކޮށްފައި ވެއެވެ. މީޑިއާއަށް ލަދުރަކި ނަމަވެސް ސުހާނާގެ ރީތިކަމާއި ތޫނުފިލިކަން ފާހަކޮށްލެވެއެވެ. ޚަބަރުތައް ބުނާގޮތުން ސުހާނާގެ ފިލްމެއްވެސް މި އަހަރު ފެނުމަކީ ވަރަށް ގާތް ކަމެކެވެ.
ޝާހްރުކްގެ އަންހެން ދަރިފުޅު ސުހާނާ ޚާން
އަހާން ޕާންޑޭ
އަނަނިޔާ ޕާންޑޭ އާއި ދެބެއިންގެ ދެދަރި އަހާން ޕާންޑޭ އަކީވެސް ޒުވާން އަންހެން ކުދިންގެ ހިތްތައް ކަތިލާފަދަ ހިތްގައިމު ޒުވާނެކެވެ. އިވޭ އަޑުތައް ތެދުނަމަ، ޔަޝް ރާޖް ފިލްމު ޕްރޮޑަކްޝަންސް އިން އުފައްދާ ފިލްމެއްގައި އަހާން ޕާންޑޭ މި ދާއިރާއަށް މި އަހަރުތެރޭގައި ނެރޭނެއެވެ. މި ދާއިރާގައި އަނަނިޔާގެ ކެރިއަރު ވަރުގަދަކުރަމުން އަންނައިރު، އަހާން ޕާންޑޭވެސް ވަރުގަދައަށް ފައިތިލަ ސާބިތުކޮށްލާނެ ކަމަށް ޤަބޫލުކުރެވެއެވެ.
އަހާން ޕާންޑޭ
ލިޔުންތެރިޔާގެ ފުރަމަލަ
- ތަފާތު މަޢުޟޫތަކަށް ދީމާ ލިޔާނެއެވެ. އެންްމެ ޝައުޤުވެރިވަނީ ފިލްމީ ދާއިރާ އަށެވެ.
މި ލިޔުންތެރިޔާގެ ބައެއް އެހެން ލިޔުންތައް
- 25 މާރޗް 2024ރަހަފަތްއާފަލު ކޭކު – މުނިއަވަސް ރަހަފަތް
- 24 މާރޗް 2024ރަހަފަތްގާލިކް ބްރޮއިލްޑް ޗިކަން – މުނިއަވަސް ރަހަފަތް
- 23 މާރޗް 2024ރަހަފަތްބިސް ޗީޒް ޕެޓީސް – މުނިއަވަސް ރަހަފަތް
- 18 ސެޕްޓެމްބަރ 2021ޚަބަރުވަންރާޖްގެ މޫނުމަތީގައި އަނޫޕަމާ މިފަހަރު ޖެހީ ވަރަށް ވަރުގަދަ ތަފާލެއް!
