ރާއްޖޭގެ ރިސޯޓުތަކުގައި ފޮޓޯގްރާފަރުންގެ ގޮތުގަ އާއި މިއުޒިކީ އެކިއެކި ހަރަކާތްތަކުގައި ހަރަކާތްތެރިވަމުން އަންނަ 60 ބިދޭސީން ރާއްޖެއިން ފުރުވާލަން އަންގާފައިވާ ކަމަށް މޯލްޑިވްސް އިމިގްރޭޝަނުން ބުނެފި އެވެ. މިއީ އެ ދާއިރާތަކުގައި ބިދޭސީން ޝާމިލުކުރަމުން އަންނަކަމުގެ ޝަކުވާ އުފުލާފައިވާާތީ އެކަން ހައްލުކުރުމަށް ފެށި މަސައްކަތެއް ކަމަށް މަޢުލޫމާތު ލިބެއެވެ.
އިމިގްރޭޝަނުން ބުނީ މީހުން ރާއްޖެއިން ފޮނުވާލުމަށް އަންގާފައިވަނީ އެމީހުންނާ ގުޅޭ ކަންކަން ބެލުމަށް ފަހު ކަމަށާ އެކިއެކި ހުއްދައިގެ ދަށުން ރާއްޖެ އެތެރެ ވުމަށްފަހު އެ މީހުންނަށް ދީފައިވާ ހުއްދައިގެ ބޭރުން ބިދޭސީން މަސައްކަތް ކުރަމުންދާ ކަމުގެ ޝަކުވާ ލިބޭ ކަމަށެވެ. އަދި އެފަދަ ޝަކުވާގެ ތެރެއިން އެންމެ ގިނައީ ރިސޯޓުތަކުން ފޮޓޯގްރާފަރުންގެ ގޮތުގަ އާއި މިއުޒިކީ އެކިއެކި ހަރަކާތްތަކުގައި ބިދޭސީން ޝާމިލް ކުރަމުންދާ ކަމުގެ ޝަކުވާތައް ކަމަށް ވެސް އިމިގްރޭޝަނުން ބުނެއެވެ.
“ޝަކުވާތަކާއި ގުޅިގެން މި އިދާރާއިން އެ މައްސަލަތައް ބަލާ 60 ފަރާތެއް ރާއްޖެއިން ފުރުވާލުމަށް ވާނީ އަންގާފައި. އަދި މި ދެންނެވި ފަރާތްތަކުގެ ތެރެއިން މިހާތަނަށް ބޯޑަރު ހުޅުވާފައިވާ ގައުމުތަކަށް ނިސްބަތްވާ ބިދޭސީން މިހާރު ވަނީ ފުރާފައި،” އިމިގްރޭޝަނުން ބުންޏެވެ.
ރާއްޖޭގެ ރިސޯޓްތަކުގައި ޕާފޯމްކުރުމަށް ބިދޭސީ ފަންނުވެރިން ގެނައުމާ ދެކޮޅަށް މިއުޒިޝަންސް ޔޫނިއަން އޮފް މޯލްޑީވްސް (އެމް.ޔޫ.އެމް)އިން މީގެ ހަތަރު ވަރަކަށް ދުވަސް ކުރިން ވަރުގަދަ ކެމްޕޭނެއް ފަށާފައިވެއެވެ.
ލިޔުންތެރިޔާގެ ފުރަމަލަ
- ތަފާތު މަޢުޟޫތަކަށް ދީމާ ލިޔާނެއެވެ. އެންްމެ ޝައުޤުވެރިވަނީ ފިލްމީ ދާއިރާ އަށެވެ.
މި ލިޔުންތެރިޔާގެ ބައެއް އެހެން ލިޔުންތައް
- 25 މާރޗް 2024ރަހަފަތްއާފަލު ކޭކު – މުނިއަވަސް ރަހަފަތް
- 24 މާރޗް 2024ރަހަފަތްގާލިކް ބްރޮއިލްޑް ޗިކަން – މުނިއަވަސް ރަހަފަތް
- 23 މާރޗް 2024ރަހަފަތްބިސް ޗީޒް ޕެޓީސް – މުނިއަވަސް ރަހަފަތް
- 18 ސެޕްޓެމްބަރ 2021ޚަބަރުވަންރާޖްގެ މޫނުމަތީގައި އަނޫޕަމާ މިފަހަރު ޖެހީ ވަރަށް ވަރުގަދަ ތަފާލެއް!
