މީރީ ޕްރޮޖެކްޓް ގެ ފަރާތުން އެންޓްރެޕްރުނުއަރސް ލައިވް ވެބިނާ ސީރީޒް މިނިސްޓަރ އޮފް ހަޔަރ އެޑިޔުކޭޝަން ޑރ. އިބްރާހިމް ޙަސަން މިމަހު 28ގައި އިފްތިތާޙް ކޮށްދެއްވައިފިއެވެ.
މިޕްރޮގްރާމްގެ މައިގަނޑު މަގުސަދަކީ ޒުވާނުންގެ މެދުގައި އަމިއްލަ ވިޔަފާރިކުރުގެ ދާއިރާއިން ތަޖުރިބާ އާއި ހުނަރު ބަދަލުކުރުމުގެ ޕްލެޓްފޯމެއް ގާއިމްކުރުމެވެ. މިވެބިނާ މެދުވެރިކޮށް ޒުވާން ވިޔަފާރިވެރިން އަދި އަމިއްލަ ފަރުދުންގެ މެދުގައި ވިޔަފާރިކުރުމާއި މައުލޫމާތު ހިއްސާކުރެވޭނެއެވެ.
މިޕްރޮޖެކްޓަކީ މިނިސްޓްރީ އޮފް ހަޔަރ އެޑިޔުކޭޝަނާއި މިނިސްޓްރީ އޮފް އިކޮނޮމިކް ޑިވެލޮޕްމަންޓް ގުޅިގެން ވޯރލްޑް ބޭންކުގެ އެހީގައި ހިންގާ 05 އަހަރު ދުވަހުގެ 20 މިލިއަން ޑޮލަރުގެ މަޝްރޫއެކެވެ.
މީރީ މަޝްރޫޢުގެ މައިގަނޑު މަގްސަދަކީ ޒުވާނުންނަށް ވަޒީފާގެ ފުރުސަތު ފަހިކޮށްދިނުމެވެ. ޓެކްނިކަލް ވޮކޭޝަނަލް ދާއިރާ އާއި ވިޔަފާރީގެ ހުނަރުތައް ތަރައްގީކުރުމެވެ. އެގޮތުން މިޕްރޮޖެކްޓުން އިސްކަންދޭ ދާއިރާތަކަކީ ފަތުރުވެރިކަން، ފަތުރުވެރިކަމާއި ގުޅޭ ޢުމްރާނީ މަސައްކަތް، އައި.ސީ.ޓީ އަދި ދަނޑުވެރިކަމެވެ. ކޮވިޑް 19ގެ ސަބަބުން ވިޔަފާރިތަކަށް ވަނީ ތަސައްވަރުނުކުރެވޭ ފަދަ ގެއްލުންތަކެއްވެފައެވެ. މިކަމުގެ ސަބަބުން، “ނިއު ނޯރމަލް” ގެ ހާލަތުގައި އައު އިސްތިރާޖުތަކެއް އެކަށައަޅަންވަނީ މަޖުބޫރުވެފައެވެ.
މިކަމަށް އެހީތެރިކަން ފޯރުކޮށްދިނުމަށްޓަކައި މީރީ މަޝްރޫޢުގެ ފަރާތުންވަނީ “އެންޓްރަޕްރެނުއާޒް ލައިވް” ގެ ނަމުގައި ޒުވާނުންނަށް އަމާޒުކޮށް ޚާއްސަ ސިލްސިލާ ވެބިނަރއެއް އިފްތިތާޙް ކޮށްފައެވެ. މި ވެބިނާގައި ތަފާތު ދާއިރާތަކުގެ ވިޔަފާރިވެރިންގެ ތަޖުރިބާ ހިއްސާކުރުމާއި މައުލޫމާތު ބަދަލުކުރުން ހިމެނެއެވެ. މި ސިލްސިލާ ވެބިނާ ވެގެންދާނީ އަމިއްލަ ވިޔަފާރި ފެށުމަށް ޝައުޤުވެރިވާ ޒުވާނުންނަށް ލިބޭ ރަނުގެ ފުރުސަތަކަށެވެ.
“އަޅުގަނޑުމެން އުއްމީދުކުރަނީ މި ސިލްސިލާ ވެބިނާ މެދުވެރިކޮށް ޒުވާނުންނަށް ގިނަގުނަ އައު މައުލޫމާތު ލިބި، ނެޓްވަރކް ކުރަން އާ ފުރުސަތުތައް ފަހިވެ، މި ޕްލެޓްފޯމް މެދުވެރިވެ ތަޖުރިބާ ހިއްސާކޮށް، އެކަކު އަނެކެއްގެ ކިބައިން މަޢުލޫމާތު ލިބި، ބަދަލުކުރެވުން.” މި ހަފްލާގައި މިނިސްޓަރ އޮފް ހަޔަރ އެޑިޔުކޭޝަން، ޑރ. އިބްރާހީމް ޙަސަން ވިދާޅުވިއެވެ.
ހަތަރު ސެޝަނަކަށް ކުރިއަށް ގެންދާ މި ވެބިނާގެ ފުރުތަމަ ސެޝަން އިފްތިތާހު ކުރެވުނީ މިއަދެވެ. މި ވެބިނާ ސެޝަންތަކުގެ ރެކޯޑިންގ މީރީ ޕްރޮޖެކްޓްގެ ވެބްސައިޓްގައްޔާއި ސޯޝަލް މީޑިއާ ޕްލެޓްފޯމުތަކުގައި އާންމުކޮށް ފެންނާން ހުންނާނެއެވެ.
މިއަދުގެ ވެބިނާ ސެޝަންގައި، މީރީ ޕްރޮޖެކްޓްގެ ފަރާތުން ރާވާ އިންތިޒާމުކުރާ “ޕިޗް-އަޕް: ޔޫތު އެންޑްރޮޕްރިނިއަރޝިޕް ޗެލެންޖް” ތަޢާރަފުކުރެވުނެވެ. އޭޕްރީލް 5، 2021 ވަނަ ދުވަހު ފެށޭ މިމުބާރާތުގައި އައު ވިޔަފާރީގެ އުފެއްދުންތެރި ޚިޔާލާއި، ވިސްނުންތައް ހުށަހަޅާ، އެ ކަންކަން ފަށައިގަތުމަށް ޒުވާނުންނަށް ބޭނުންވާ މާލީ އެހީތެރިކަން ފޯރުކޮށްދެވޭނެއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 29 ޑިސެމްބަރ 2024ޚަބަރު“ރޯމްދުނިޔެ” އިން އީސިމް ނެގުން ދިވެހީންނަށް މާ ސަޅިވާނެ!
- 27 ޑިސެމްބަރ 2024ޚަބަރުޑާކް ރެއިން އިން މިފަހަރު “ފެށުމާއި ނިމުން”
- 24 ޑިސެމްބަރ 2024ޚަބަރުނިޝާ އާރްޖޭއަކަށް!
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
