ޕުޑިންގެ އެކި ވައްތަރު ތަކަކީ ޑެޒާޓެއްގެ ގޮތުގައި ނުވަތަ އަނގަ ފޮނިކޮށްލަން ކައިލަން ވަރަށް ގިނަ މީހުންނަށް ކަމުދާ ކެއުމެކެވެ. އެހެންކަމުން މި އަހަރު ރަމަޟާން މަހު މުނިއަވަސް ރަހަފަތުން މި ގެނެސްދެނީ ޗިޕްސްމޯ ޕުޑިން ތައްޔާރުކޮށްލާނެ ރަހަފަތެކެވެ.

ބޭނުންވާނެ ތަކެތި

❂ 3 ދަޅު ނެސްލޭ ކްރީމް
❂ 1 ދަޅު ގެރި ގިރު
❂ 1 1/2 މޭޒުމަތީ ސަމުސާ ކޮކޯ ޕައުޑަރ
❂ 1 ޕެކެޓް ޗިޕްސް މޯ ބިސްކޯދު

ތައްޔާރުކުރާނެ ގޮތް

❂ ތަށްޓަކަށް ނެސްލޭ ކްރީމް ދަޅު ކަނޑާލުމަށްފަހު އަޅުއްވާށެވެ.
❂ އެއަށްފަހު ގެރިކިރު ދަޅު އަޅާލުމަށްފަހު އެއްކޮށްލާށެވެ. ރަނގަޅަށް އެއްވުމުން ކޮކޯޕައުޑަރ ކޮޅުވެސް އަޅާލުމަށްފަހު އެއްކޮށްލާށެވެ.
❂ ޓްރޭއެއްގައި ބިސްކޯދުތައް އަތުރާލާށެވެ. އެއަށްފަހު ދެންމެ ހެދި ކްރީމް، ޓްރޭގައި ހުރި ބިސްކޯދު ތަކުގެ މަތީގައި ފަތުރާލާށެވެ. މިގޮތަށް ލެޔަރސްކޮށް ޓްރޭގައި އަތުރާލުމަށްފަހު މައްޗަށް ބިސްކޯދު ފުނޑުފުނޑުކޮށްލުމަށްފަހު ފަތުރާލުމަށްފަހު އައިސް އަލަމާރިއަށް ލާށެވެ.

❂ ޢައިސް އަލަމާރީގައި 3 ގަޑިއިރު ބެހެއްޓުމަށްފަހު ނަގާށެވެ. ޗިޕްސްމޯ ޕުޑިން މިހުރީ ތައްޔާރުވެފައެވެ.

ލިޔުންތެރިޔާގެ ފުރަމަލަ

އާއިޝަތު ފައިނާޒް (އައިޗަތު)
އާއިޝަތު ފައިނާޒް (އައިޗަތު)
ތަފާތު މައުޟޫތަކަށް އާއިޝަތު ފައިނާޒް (އައިޗަތު) ލިޔާނެއެވެ. އެގޮތުން ބަހާއި އަދަބިއްޔާތު، އިޖްތިމާޢީ ރޮނގުންނާއި އިތުރު ދާއިރާތަކުންވެސް ލިޔާނެއެވެ.

ގުޅުންހުރި ލިޔުން: