ރާއްޖޭގެ އެންމެ މޮޅު ފެޝަން ޑިޒައިނަރުންގެ ތެރޭގައި ހިމެނޭ ރަޒީނާ ތައުފީގުގެ “ޑިޒައިނަރ ރަޒީ” ފިހާރައިން ލަގްޝަރީ މެޓީރިއަލްއަށް ބައެއް ޚާއްޞަކޮށްފި އެވެ.
“ޑިޒައިނާރަޒީ ފެބްރިކް ސްޓޯރ”ގެ ނަމުގައި އެއް ފަންގިފިލާ އެއްކޮށް ޚާއްޞަކޮށްފައިވާއިރު އެތަނުން އާއްމުކޮށް ގަންނަން ނުލިބޭ ޒާތުގެ އަގުބޮޑު ފޮަތީގެ އެކި ބާއްވަތްތައް ލިބެން ހުންނާނެ ކަމަށް ރަޒީ މަޢުލޫމާތު ދެއެވެ. އެގޮތުން އެތަނުގައި ވިއްކަން ހުންނާނީ ހަމަ ސީދާ ރަޒީ ހޮވާލައިގެން ގެނެސްފައިވާ (ހޭންޑްޕިކްޑް) ފޮތިކަމަށްވެސް ރަޒީ ބުނެއެވެ.
“މި ފިހާރައަކީ ބައިވަރު ޚިދުމަތްތައް ދޭ ތަނެއް. އެގޮތުން ވެޑިން ޕެކޭޖްފަދަ ޚިދުމަތްތައްވެސް ދޭނެ. މި ފިހާރައިގެ ތިރީ ފްލޯ އެއްކޮށް މި ޚާއްޞަކުރީ ލަގްޝަރީ މެޓީރިއަލްސް އަށް.” ޑިޒައިނާ ރަޒީ ފިހާރައަށް އިތުރުކުރި ބައިގެ މަޢުލޫމާތު ދެމުން ރަޒީ ފާހަގަކުރިއެވެ.
“ޑިޒައިނަރ ރަޒީ”ގެ މަތީ ފަންގިފިލާ ޚާއްޞަކޮށްފައިވަނީ ބްރައިޑަލް ޕެކޭޖްތަކަށެވެ. އެތަނުން ވެޑިންގ އާއި ގުޅޭ ގިނަ ޚިދުމަތްތަކެއްދެއެވެ. އެގޮތުން ވެޑިންގ ޑްރެސްގެ އިތުރުން ވެޑިންގ މޭކަޕް، ވެޑިންގ ފޮޓޯގްރަފީގެ އިތުރުން ވެޑިންގ ޑެކަރޭޝަންގެ ޚިދުމަތްވެސް ފޯރުކޮށްދެއެވެ.
View this post on Instagram
“ދެން ކުރީގެ ސްޓޮކްގެ ތިރީސް ޕަސެންޓް ހަމަ ބްރައިޑަލް ސެޓްތައް ޚާއްޞަކޮށް ދޫކޮށްލަނީ ވަރަށް އަގުހެޔޮކޮށް.” ރަޒީ ބުނީ މާލޭގައި ބްރައިޑަލް ފޮތި ވިއްކާ އަގަށް ވުރެން މާ ބޮޑަށްވެސް ހެޔޮކޮށް އެ ސްޓޮކް ވިއްކާލުމަށް ހަމަޖެހިފައިވާ ކަމަށެވެ.
“ބްރައިޑަލް ސެޓިންގ ފޮތިން ޢާއްމުކޮށް ބޭނުންކުރާ މެޓީރިއަލްގެ ތިރީސް ޕަސެންޓް މިހާރު އަގުހެޔޮވާނެ.” ޚާޢްޞަކޮށް ލަގްޝަރީ މެޓީރިއަލް ރާއްޖެއަށް ގެނެސްގެން ވިއްކާ އެހެން ބަޔަކު ރާއްޖޭގައި ނެތް ނަމަވެސް ޑިޒައިނަރ ރަޒީއަށް އިތުރުކޮށްފައިވާ ފްލޯއިން މިހާރު އެފަދަ މެޓީރިއަލްތައް ލިބެން ހުންނާނެއެވެ.
“އަޅުގަނޑުމެންނަށް ޑިޒައިން ދީގެން ފޮތި އުފައްދައިގެންވެސް ގެނެސްދެން.” ރަޒީ ބުނީ ކޮންމެ ހަ މަހުން ހަ މަހުން ފޮތީގެ އައު ޑިޒައިންތައް ޑިޒައިނަރ ރަޒީން ލިބެން ހުންނާނެ ކަމަށެވެ.
“ޑިޒައިނާ ރަޒީ” އިން ޚާއްޞަ މުނާސަބާތަކަށް ހެދުން ފެހުމަށް ބޭނުންވާނެ ފޮއްޗާއި އެއަށް ބޭނުންވާ މެޓީރިއަލްތައް ލިބެން ހުންނާނެއެވެ. އެގޮތުން ކައިވެނީގެ ހެދުމާއި އެކިއެކި ހަފުލާތަކަށާއި ޓީވީ ޝޯވތައް ފަދަ ކަންކަމަށް ހެދުން ފެހުމަށް ބޭނުންވާ ފޮއްޗާއި އިތުރު މެޓީރިއަލްތައް އެތަނުން ލިބެން ހުންނާނެއެވެ.
View this post on Instagram
ރަޒީއަކީ މިހާރު ރާއްޖޭގައި ގުނާލެވޭ އެންމެ މޮޅު ފެޝަން ޑިޒައިނަރުންގެ ތެރެއިން އެކެވެ. އޭނާއަކީ މަޝްހޫރު ފިލްމީ ތަރިންގެ ހެދުންތަކާއި، މޯލްޑިވިއަން އައިޑޮލްގެ ބައިވެރިންގެ ހެދުންތައް ފަހައިދިން އެކަކުވެސް މެއެވެ. އަދި ފެޝަން ޝޯވތަކުގައިވެސް ރަޒީގެ ޑިޒައިންތަކަކަކީ ފާހަގަކޮށްލެވޭ ޑިޒައިންތަކެކެވެ. ރަޒީ އާއި އެކުގައި މަޝްހޫރު މޭކަޕް އާޓިސްޓް ސޭންޑީވެސް “ޑިޒައިނަރ ރަޒީ”ގައި މަސައްކަތްކުރެއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 29 ޑިސެމްބަރ 2024ޚަބަރު“ރޯމްދުނިޔެ” އިން އީސިމް ނެގުން ދިވެހީންނަށް މާ ސަޅިވާނެ!
- 27 ޑިސެމްބަރ 2024ޚަބަރުޑާކް ރެއިން އިން މިފަހަރު “ފެށުމާއި ނިމުން”
- 24 ޑިސެމްބަރ 2024ޚަބަރުނިޝާ އާރްޖޭއަކަށް!
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
