ޖައްގައްޔެއްގައި ރޯވެފައިވާ އަލިފާންގަނޑެއް ފެތުރޭހާ ބާރަށް ކްލަބްހައުސް މުޅި ދުނިޔެއަށް އަންނަނީ ފެތުރެމުންނެވެ. ރާއްޖެއަށް އެކަނި ބަލައިލި ނަމަވެސް، ވޭތުވެދިޔަ ހަފުތާގެ ތެރޭގައިވެސް އެކަނިވެސް ކްލަބްހައުސް އާ ގުޅުނު މީހުންގެ އަދަދު ހަމަ ގައިމުވެސް އުޅޭނީ އެތަކެއް ހާހުން މަތީގައެވެ.
ކްލަބްހައުސް އަށް ވަންނަ ފަރާތްތަކުގެ އަދަދު އިންތިހާއަށް ގިނަވެފައިވާއިރު، މި އެޕްލިކޭޝަންގެ ނެރެފައިވަނީ އައިއޯއެސް ވާރޝަން އާއި އެންޑްރޮއިޑް ވާރޝަން އެކަންޏެވެ. ޑެސްކްޓޮޕް ވާރޝަންއެއް ނެރެން ނިންމާފައިވާކަން އަދި މިހާތަނަށް ކްލަބްހައުސް އިން ހާމަކޮށްފައެއް ނުވެއެވެ. ރަސްމީކޮށް ބޭނުންކުރެވޭނެ ޑެސްކްޓޮޕް ވާރޝަން އެއް ނެތަސް، ކްލަބްޑެކް މެދުވެރިކޮށް ކްލަބްހައުސް އަށް ފަސޭހަކަމާއެކު މިމަހުގެ 25 ވަނަ ދުވަހުގެ ކުރިން ވަދެވެއެވެ. ނަމަވެސް، އެ ދުވަހުން ފެށިގެން ކްލަބްޑެކްގައި ކްލަބްހައުސް އަށް ލޮގިން ނުވެވޭނެ ގޮތް ކްލަބްހައުސް އިން ވަނީ ހަދާފައެވެ.
އޫޕްސް، އަންނޯން އެރަރ!
ކްލަބްޑެކް ބޭނުންކޮށްގެން ކްލަބްހައުސް އަށް ލޮގިންވުމަށް މަސައްކަތްކޮށްލާ ހަމަ ކޮންމެ ފަހަރަކު އަންނަނީ ވަރަށް ހައިރާންކުރުވަނިވި މެސެޖެކެވެ. “އޫޕްސް، އަންނޯން އެރަރ.” އަރަނީ ލޮގިންވުމަށް ފޯނު ނަންބަރު ޖެހުމަށްފަހު، ފޯނަށް އަންނަ އެއްފަހަރު ބޭނުންކުރެވޭ ޕާސްވޯޑް (އޯޓީޕީ) ޖަހާ ހިސާބުންނެވެ. މިގޮތަށް މެސެޖް އަންނަން ފެށުމުން ކްލަބްޑެކް ބޭނުންކުރާ ފަރާތްތަކުން ރުޅިގަދަވެ، އެ މައްސަލަ ކްލަބްޑެކަށް ހުށައަޅަން ފެށިއެވެ.
Quick update: we have identified the issue, but now we need to find a way to resolve it. Apologies for the inconvenience, we’re doing our best to fix this asap! At this stage we won’t be able to provide an ETA unfortunately.
— Clubdeck (@ClubdeckApp) June 25, 2021
‘އަވަސް އަދާހަމައެއް: އަހަރުމެންނަށް މައްސަލަ ދަނެގަނެވިއްޖެ، ނަމަވެސް އެކަން ހައްލުކުރުމަށް ގޮތެއް އޮތްތޯ އަހަރުމެން ބަލަން ޖެހޭ. ދިމާވި ދަތިތަކަށްޓަކައި މަޢާފަށް އެދެން، މިކަން، ވީ އެއްމެ އަވަހަކަށް ހައްލުކުރުމަށް އަހަރުމެން މިގެންދަނީ މަސައްކަތްކުރަމުން! މި މަރުހަލާގައި، މިކަން ހައްލުކުރެވޭނެ ވަގުތެއް ބުނާކަށް ނޭނގޭ.’ ކްލަބްޑެކްގެ ރަސްމީ ޓްވިރުގައި މިމަހު 25 ވަނަ ދުވަހު ކޮށްފައިވާ ޓްވީޓްގައި ވެއެވެ.
New update: we’ve received hundreds of messages from all of our fans, thanks for your patience and support. We’re trying to get in touch with @Clubhouse, but bear in mind this is very early in their timezone. Thanks!
— Clubdeck (@ClubdeckApp) June 25, 2021
‘އައު އަދާހަމައެއް: އަހަރުމެންގެ ސަޕޯޓަރުންގެ ފަރާތުން އެތަކެއް ސަތޭކަ މެސެޖް އަހަރުމެންނަށް ލިބިއްޖެ، ތިޔަ ދެއްވާ އެއްބާރުލުމާއި ކެތްތެރިކަމަށްޓަކައި ޝުކުރިއްޔާ. އަހަރުމެން ކްލަބްހައުސް އާ ބައްދަލުކުރެވޭތޯ މަސައްކަތްކުރަމުން އެބަ ގެންދަމު. ނަމަވެސް ހަނދުމަފުޅުގައި ބަހައްޓަވާތި، މިއީ އެމީހުންގެ ގަޑިން (ޓައިމް ޒޯނުން) ވަރަށް އަވަސް ވަގުތެއް. ޝުކްރިއްޔާ.’ ކްލަބްހައުސް އަށް ޓެގްކޮށް ޖޫން 25ގައި ކޮށްފައިވާ ދެވަނަ ޓްވީޓްގައި ވެއެވެ.
Hello, just a quick update to let you know that we’re still not able to resolve the login bug. We’re trying to find an intro into the @Clubhouse team to try and work with them. Given that this is the week-end do not expect a resolution until next week. Thank you.
— Clubdeck (@ClubdeckApp) June 26, 2021
‘ހެލޯ، އަނެއްކާވެސް އަވަސް އަދާހަމައެއް މިދެނީ ލޮގިން ވުމަށް ހުރަސްއަޅާ ބަގްގެ މައްސަލަ އަހަރުމެންނަށް އަދިވެސް ހައްލުވެފައެއް ނުވޭ. ކްލަބްހައުސް ޓީމަށް އަހަރުމެން ތަޢާރަފުވެ އެމީހުންނާއެކުގައި މިކަން ހައްލުކުރުމަށް މަސައްކަތް ކުރެވޭނެ ގޮތެއް ވޭތޯ މި ގެންދަނީ ބަލަމުން. ކުރިންވެސް ބުނި ފަދައިން މިއީ ހަފުތާ ބަންދުކަމަށް ވުމާއެކު އަންނަ ހަފުތާ ފެށުމުގެ ކުރިން ހައްލެއް ލިބިދާނެ ކަމަށް އުއްމީދު ނުކުރެއްވުން އެދެން. ޝުކްރިއްޔާ.’ މިފަހަރުވެސް ކްލަބްހައުސް އަށް ޓެގްކޮށް ހަމަ އެ ތާރީޚުގައި ކޮށްފައިވާ ޓްވީޓްގައި ވެއެވެ.
“އޫޕްސް، އަންނޯން އެރަރ.” އަރާ މައްސަލައިގެ ޙަޤީޤަތް ސާފުކޮށްލުމަށް ރާއްޖޭގެ ޓެކް ދާއިރާގައި ފުންނާބުއުސް ފަރާތެއް ކަމަށްވާ ނައްޓު އާ މުނިއަވަސްގެ ފަރާތުން ސުވާލުކޮށްލުމުން ބުނީ ކްލަބްޑެކަކީ ކްލަބްހައުސްގެ ރަސްމީ އެޕްލިކޭޝަނެއް ނޫންކަމަށެވެ. އަދި ކްލަބްހައުސް އިން އައު އަދާހަމަތައް ގެންނަމުން އަންނައިރު ކްލަބްޑެކަކީ ތާރޑް ޕާޓީ އެޕަކަށް ވުމުން ބްރޭކްވާނެ ކަމަށެވެ.
ކައިރި ކުރިމަގެއްގައި ކްލަބްހައުސްގެ ޕީސީ ވާރޝަނެއް ނެރެފާނެ ކަމަށް އެއްވެސް ވަރެއްގެ އުއްމީދެއް އެބަ އޮތްތޯ އަހައިލުމުން ނައްޓު ބުނީ އެކަން އެގޮތަށް ކޮށްފާނެ ކަމާމެދު އޭނާއަށް ވަރަށް ބޮޑަށް ޝައްކުކަމަށެވެ.
“އިންސްޓަގްރާމްގެ ވެބް ވާރޝަން ގެންނަން އެމީހުންވެސް ނެގި11 އަހަރު. އެއީ ޑެސްކްޓޮޕުން ބްރައުޒްކޮށްލައި ކޮމެންޓްކޮށްލެވޭ މިންވަރު. އަދިވެސް ކޮމްޕިއުޓަރަކުން ފައިލެއް އަޕްލޯޑްކޮށްލާނެ އެއްވެސް ރަސްމީ ގޮތެއް ނެތް.” ނައްޓު ބުނެފައިވެއެވެ.
I highly doubt they would. Instagram took 11 years to bring their web version to the desktop just to browse and comment. Still no official way to upload files from the computer.
As the majority of the people would be using mobile to interact with Clubhouse.
— Nattu 🇲🇻 (@reallynattu) June 27, 2021
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
