ޑީސެންޓްރަލައިޒްޑް އެންއެފްޓީ މާކެޓް ޕްލޭސް ފޯ މިއުޒިކް އާޓްސް، އެންއެފްޓީ ޓޯންސްގެ އެމްބަސަޑަރު ކަމަށް ރާއްޖޭގެ މަޝްހޫރު ގިޓަރިސްޓެއް ކަމަށްވާ ޝަހީދު ލެގަސީ ހަމަޖައްސައިފި އެވެ.

ޝަހީދުގެ މިއުޒިކީ ހަޔާތް ފެށީ 2004 ވަނަ އަހަރު ދެ ރައްޓެއްސަކާއެކު އެވެ. ޝަހީދު މަޝްހޫރުވެފައި ވަނީ މެޓަލް ބޭންޑް ސެކްރެޑް ލެގަސީގެ ލީޑް ގިޓަރިސްޓްގެ ގޮތުގައެވެ.

“ސެކްރެޑް ލެގަސީ” ކިޔާ ބޭންޑެއް 2006 ވަނަ އަހަރު ޝަހީދު އަމިއްލައަށް އުފައްދާ އޭނާގެ މިއުޒިކް ހަޔާތް ކުރިއެރުވި އެވެ. ޝަހީދުގެ ފުރަތަމަ ސޯލޯ އަލްބަމް  2006 ގައި ނެރުނެވެ. ވަރަށް ބޮޑު ތަރުހީބެއް ލިބިގެން ދިޔަ އެ އަލްބަމް ވެގެން ދިޔައީ މެޓަލް މިއުޒިކަށް ލޯބިކުރާ މީހުންގެ ސަމާލުކަމާއި ޝައުގުވެރިކަން އެއަހަރު އެންމެ އަވަހަށް ހޯދި އަލްބަމަށެވެ.

ޝަހީދުގެ ސޯލޯ މިއުޒިކަށް އޮތް ޑިމާންޑާއެކު ޝަހީދުގެ ސޯލޯ ކެރިއަރު ފަށައި އޭޝިއާ އާއި ޔޫރަޕްގައި ޝަހީދުގެ ސޯލޯ މިއުޒިކްވަނީ މެޓަލް މިއުޒިކަށް ލޯބިކުރާ ފަރާތްތަކުގެ ސަޕޯޓް ލިބިފައެވެ.

އެންއެފްޓީ ޓޯންގެ ޕްލެޓްފޯމަކީ އެކި މިއުޒިޝަނުން އެކަކު އަނެކަކަށް ތައާރަފްވެ އިންވެސްޓަރުން ހޯދަން ހުޅުވިފައިވާ ޕްލެޓްފޯމެކެވެ.