2019 ވަނަ އަހަރު ވީމީޑިއާ އޮރިޖިނަލްސް އިން އުފައްދަންފެށި ފިލްމު “ކޮސް ގިނަ މިސްޓޭކް” ވުޖޫދު ވެދާނެ ކަމުގެ އުންމީދެއް ނެތް ކަމަށް ފިލްމުގެ ޑައިރެކްޓަރު ޔޫސުފް ޝަފީޢު (ޔޫއްޕެ) ބުނެފިއެވެ.
ޔޫއްޕެ މިހެން ބުނީ މުނިއަވަސް އިން ކޮންމެ ރެއަކު ކްލަބްހައުސް މެދުވެރިކޮށް ބާއްވަމުން އަންނަ ‘މުނިއަވަސް ޚަބަރު / ކޯދު’ ޝޯވގައި ‘ޔޫއްޕެ އާއެކު މުނިއަވަސް’ ނަމުގައި ބޭއްވި ޚާއްޞަ ޝޯވގައި ވާހަކަދައްކަމުންނެވެ.
ވީޓީވީގައި ފިލްމު ޔުނިޓެއް އުފައްދާ އެފިލްމަށް ތަރުޙީބު ލިބުމުން ޔޫއްޕެ ބުނީ އެގޮތަށް ޓީވީ ޗެނަލް އަކާ ގުޅިގެން ފިލްމު ކުރިއަރުވަން ފަސޭހަ ވެދާނެ ކަމަށް ދެކިގެން މަސައްކަތް ފެށީ ކަމަށެވެ. ނަމަވެސް ދިމާވި މައްސަލައަކާ ގުޅިގެން ވަކި ހިސާބަކުން ފިލްމު ހުއްޓާލަން ޖެހުނީ ކަމަށާއި ވީޓީވީއާ ވެސް ވަކިވާން ޖެހުނީ ކަމަށް ޔޫއްޕެ ބުނެފައިވެއެވެ.
“އެފިލްމުގެ ވާހަކައާއި ޑައިރެކްޝަނަކީ ވެސް އަހަރެންގެ އަމިއްލަ އެއްޗަކަށް ވާތީ ކަން ނޭނގެ އެމީހުނަށް އެކަން ނުކުރެވިފަ މިހާރު އެއޮތީ! ދެން އޭރުގަ ފިލްމަކީ ވެސް ވީޓީވީގެ ނަން މަތީ އުފައްދާފައިވާ ފިލްމަކަށް ވާތީ އެކަން ހުއްޓިގެން ދިޔައީ، އެހެންވީމާ އުންމީދެއް ނުކުރަން އޭތި ވުޖޫދު ވެދާނެ ކަމަކަށް!” ޔޫއްޕެ ބުނެފައިވެއެވެ.
ފިލްމު “ކޮސް ގިނަ މިސްޓޭކް” އަކީ ލޯބީގެ ކޮމެޑީ ފިލްމެކެވެ. ފިލްމުގައި ފާހަގަކޮށްލެވޭ 13 އަށްވުރެން ގިނަ ކާސްޓުން ހިމެނެއެވެ.
ފިލްމުގެ ކާސްޓުންގެ ތެރޭގައި ހާމިދު ޢަލީ (ހާމިދު)، ޔޫސުފު ޝަފީޢު (ޔޫއްޕެ)، ޢަލީ ސީޒަން (ސީޒަން)، މަރިޔަމް އައްޒަ (އައްޒަ)، ނުޒުހަތު ޝުއައިބް (ނުޒޫ)، އިބްރާހިމް ޝާފިއު (ފުބޫ)، އިރުފާނާ އިބްރާހީމް (އިރޫ)، އަޙްމަދު ސައީދު (ސައީދު)، އަޙްމަދު ނިމާލް (ނިމާލް)، ޢަލީ އާޒިމް (ދޮން އައްޔަ)، އަޙްމަދު އީސަ (އާނަންދު)، ގުލިސްތާނު މުޙައްމަދު ގެ އިތުރުން މުޙައްމަދު ނަވާލް އާއި އާއިޝަތު ލަހުފާ މުހައްމަދު (ލަހޫ) ހިމެނެއެވެ.
ވީމީޑިއާ އޮރިޖިނަލްސް އިން އުފައްދަން ފެށި ފިލްމު ”ކޮސް ގިނަ މިސްޓޭކް“، ކާމިޔާބު ޕްރޮޑިއުސަރ އިސްމާޢީލް ޝަފީޤް ގަނެފައިވާކަމަށް މީގެ ދެ އަހަަރެއްހައި ދުވަސް ކުރިން މުނިއަވަސް އަށް އޭނާ ބުނެފައިވެއެވެ.
”ކޮސް ގިނަ މިސްޓޭކް“ ގެ އޮންލައިން މީޑިއާ ޕާޓްނަރަކީ މުނިއަވަސް އެވެ.
ލިޔުންތެރިޔާގެ ފުރަމަލަ
-
މުނިއަވަސްގެ އެންމެ ހަގު ލިޔުންތެރިޔާ ނާާޢިމް ޢަލީ އަކީ ލިޔުންތެރިކަމުގައި ތަޖުރިބާހުރި ޒުވާނެކެވެ.
ނާޢިމް ޚާއްޞަވަނީ ބޮލީވުޑް އަދި ހޮލީވުޑްގެ ޚަބަރުތަކަށެވެ.
މި ލިޔުންތެރިޔާގެ ބައެއް އެހެން ލިޔުންތައް
- 4 އޮކްޓޯބަރ 2021ޚަބަރު2 މެޗުން މޮޅުވެ ނޭޕާލް ތާވަލުގެ އެއްވަނައަށް!
- 4 އޮކްޓޯބަރ 2021ޚަބަރުއިންޑިއާގެ ފުރަތަމަ މެޗު އެއްވަރުވެއްޖެ!
- 1 އޮކްޓޯބަރ 2021ޚަބަރުފަހު ވަގުތު ލީޑް ނަގައި ނޭޕާލުން ރާއްޖެ ބަލިކޮށްފި!
- 1 އޮކްޓޯބަރ 2021ޚަބަރުފުރަތަމަ މެޗުން ބަނގްލަދޭޝްއަށް 3 ޕޮއިންޓް!
