2003 ވަނަ އަހަރު އޯގަސްޓް 08 ގައި ރިލީޒް ކުރި ރިތިކް ރޯޝަން ގެ “ކޮއީ މިލް ގަޔާ” އަށް 18 އަހަރު ފުރުން ފާހަގަ ކޮށްފިއެވެ.
މި ފިލްމަކީ ރިތިކްގެ ބައްޕަ ރާކޭޝް ރޯޝަން ޑައިރެކްޓްކޮށް ގެނެސްދިން ސައިންސް ފިކްޝަން ފިލްމެކެވެ. މި ފިލްމު ވެގެން ދިޔައީ އޭލިއަންއެއް ދައްކުވައިދިން އިންޑިއާގެ ފުރަތަމަ ފިލްމަށެވެ.

ރިތިކް އޭނާގެ އިންސްޓަގްރާމްގައި އެ ފިލްމުގެ އޭލިއަން (ޖާދޫ)ގެ ފޮޓޯއެއް ޕޯސްޓް ކުރަމުން ބުނެފައިވަނީ ފިލްމު ކުޅުނުއިރު ޖާދޫއަށް 03 އަހަރު ކަމަށާއި މިހާރު ފިލްމު ކުޅުނު ފަހުން 18 އަހަރު ވީ ކަމަށެވެ. އެހެންކަމުން ޖާދޫއަށް އުފާވެރި 21 ވަނަ އުފަންދުވަހަކަށް އެދޭ ކަމަށެވެ.

 

View this post on Instagram

 

A post shared by Hrithik Roshan (@hrithikroshan)

‘ކޮއީ މިލް ގަޔާ’ އަށް 18 އަހަރު މިއަދު ފުރުނުއިރު އެ ފިލްމަކީ ވަރަށް ގިނަ ބައެއްގެ ސަމާލުކަން ހުއްޓުނު ފިލްމެކެވެ.

ފިލްމުގައި ދައްކައިދެނީ ސިކުނޑީގެ ނުކުޅެދުންތެރިކަން ހުރި މީހަކު އޭލިއަންއެއް ރައްޓެހިކޮށް އޭނާގެ އެ ނުކުޅެދުންތެރިކަން ފިލުވާ މަންޒަރެވެ. އަދި ފުލުހުންނަށް އޭލިއަންގެ ވާހަކަ އަޑު އިވި އޭތި ހައްޔަރުކުރަން އުޅުމުން އޭތި ރައްކާ ކުރަން އޭނާ މަސައްކަތް ކުރާ މަންޒަރެވެ.

ކާމިޔާބު ފިލްމު ‘ކޮއީ މިލް ގަޔާ’ ގެ ސީކުއެލްއެއް އުފެދި އެއާ ގުޅުވައިގެން 2006 ވަނަ އަހަރު ވަނީ ‘ކްރިޝް’ ގެ ނަމުގައި ފިލްމެއް ހަދާފައެވެ. އެ ފިލްމަކީ ވެސް ރާކޭޝް ރޯޝަން ޑައިރެކްޓްކޮށް ގެނެސްދިން ރިތިކްގެ ލީޑް ރޯލް ފެނިގެންދާ ސުޕަހީރޯ ޖޯންރާގެ ފިލްމެކެވެ. އަދި ކްރިޝް ގެ 2 ވަނަ ފިލްމަކާއި 3 ވަނަ ފިލްމެއް ނުކުމެފައިވާއިރު މިހާރު އޭގެ 4 ވަނަ ފިލްމަށް ތައްޔާރުވަމުންދާ ކަމަށް ބޭރުގެ ރިޕޯޓުތަކުން މަޢުލޫމާތު ލިބެއެވެ.

ލިޔުންތެރިޔާގެ ފުރަމަލަ

ނާޢިމް ޢަލީ
މުނިއަވަސްގެ އެންމެ ހަގު ލިޔުންތެރިޔާ ނާާޢިމް ޢަލީ އަކީ ލިޔުންތެރިކަމުގައި ތަޖުރިބާހުރި ޒުވާނެކެވެ.
ނާޢިމް ޚާއްޞަވަނީ ބޮލީވުޑް އަދި ހޮލީވުޑްގެ ޚަބަރުތަކަށެވެ.

ގުޅުންހުރި ލިޔުން: