އިނގިރޭސި ޕްރިމިއަރ ލީގުގައި މިއަދު ހަވީރު މެންޗެސްޓަރ ޔުނައިޓެޑާއި ލީޑްސް ޔުނައިޓެޑް ބައްދަލުކުރި މެޗު 1-5 ގެ ނަތީޖާއަކުން މެންޗެސްޓަރ ޔުނައިޓެޑް ކާމިޔާބުކޮށްފިއެވެ.

މެޗުގެ 30 ވަނަ މިނެޓުގައި މެންޗެސްޓަރ ޔުނައިޓެޑަށް ލީޑް ނަގައިދިނީ އެޓީމުގެ ޖާޒީ ނަންބަރު 18 “ބްރޫނޯ ފެނާންޑޭޒް” އެވެ. މި ނަތީޖާއަށް ބަދަލެއް ގެނައީ މެޗުގެ 48 ވަނަ މިނެޓުގައި ލީޑްސް ޔުނައިޓެޑް އިން ނަތީޖާ ހަމަހަމަކުރުމުންނެވެ. މި ލަނޑު ލީޑްސް ޔުނައިޓެޑްގެ “ލޫކް އައިލިންގ” ކާމިޔާބު ކޮށްފައިވާއިރު 52 ވަނަ މިނެޓުގައި ވަނީ “މޭސޮން ގްރީންވުޑް” ގެ ލަނޑާއެކު މެންޗެސްޓަރ އަނެއްކާވެސް ލީޑް ނަގައިފައެވެ. މެޗުގެ 70 މިނެޓު ކުޅެވުނުއިރު ވަނީ މެޗުގެ ސްކޯރ 1-5 އަށް ބަދަލުވެފައެވެ. އެއީ 54 ވަނަ މިނެޓުގައި އާއި 60 ވަނަ މިނެޓުގައި “ބްރޫނޯ ފެނާންޑޭޒް” ކާމިޔާބު ކޮށްދިން ދެ ލަނޑުގެ އިތުރުން 68 ވަނަ މިނެޓުގައި “ފްރެޑް” ކާމިޔާބު ކޮށްދިން ލަނޑާއެކުގައެވެ.

މެޗުގައި ލީޑްސް ޔުނައިޓެޑަށް 02 ރީނދޫ ކާޑު ދައްކާފައިވާއިރު މެންޗެސްޓަރ ޔުނައިޓެޑަށް ދައްކާފައިވަނީ އެންމެ ރީނދޫ ކާޑެކެވެ.

ލީގުގައި މިއަދު ކުރިއަށް ހުރި މެޗުތަކުގެ ތެރޭގައި ލިވަރޕޫލް އަދި ނޯވިޗް ސިޓީ ބައްދަލުކުރާ މެޗާއި ޗެލްސީ އަދި ކްރިސްޓަލް ޕެލެސް ބައްދަލުކުރާ މެޗުގެ އިތުރުން ވަޓްފޯޑް އަދި އެސްޓޮން ވިލާ ބައްދަލުކުރާ މެޗު ހިމެނެއެވެ.

ލިޔުންތެރިޔާގެ ފުރަމަލަ

ނާޢިމް ޢަލީ
މުނިއަވަސްގެ އެންމެ ހަގު ލިޔުންތެރިޔާ ނާާޢިމް ޢަލީ އަކީ ލިޔުންތެރިކަމުގައި ތަޖުރިބާހުރި ޒުވާނެކެވެ.
ނާޢިމް ޚާއްޞަވަނީ ބޮލީވުޑް އަދި ހޮލީވުޑްގެ ޚަބަރުތަކަށެވެ.

ގުޅުންހުރި ލިޔުން: