– ދުޅަހެޔޮ މުޖުތަމަޢުއެއް ބިނާކުރުމަށް ‘އެންލައިޓްން އަ މައިންޑްފުލް ކޮމިއުނިޓީ‘ގެ ކޯފައުންޑިންގް ޕްރެޒިޑެންޓްސް ސަމާ އަދި ރީމާ ކުރަމުން އަންނަ މަސައްކަތް ހުއްޓުމެއްނެތި މެދުއުޑުގައި ފިޔަޖަހަމުން ކުރިއަށް
އެންލައިޓްން އަ މައިންޑްފުލް ކޮމިއުނިޓީ (އީ.އެމް.ސީ) ގެ ނަމުގައި ވުޖޫދަށް އައި އެން.ޖީ.އޯގެ މަޤްސަދަކީ ދުޅަހެޔޮ މުޖުތަމަޢެއް ބިނާ ކުރުމަށް ބޭނުންވާ ފަންނީ އަދި އިޖްތިމާޢީ ހުނަރުތައް ކުރިއަރުވާ ތަމްރީނުކޮށް ހޭލުންތެރި މުޖުތަމަޢެއް ބިނާކުރުމެވެ. މިގޮތުން 2020 ވަނަ އަހަރުގެ އޮކްޓޯބަރު މަހުން ފެށިގެން މި ޖަމްއިއްޔާގެ ފަރާތުން ތަފާތު އެކިއެކި މަޢުޟޫތަކަށް އަލިއަޅުވާލައި ވާރޗުއަލް ވެބިނަރތަކެއް ދަނީ ހިންގަމުންނެވެ.
މިޖަމިއްޔާގެ ކޯފައުންޑިންގ ޕްރެޒިޑެންޓް ކަމުގައިވާ ސަމާ އިބްރާހިމްދީދީ އަކީ ތަޢުލީމީ އަދި އިޖްތިމާޢީ ދާއިރާގެ 17 ވަރަކަށް އަހަރުގެ ތަޖްރިބާ ހުރި ބޭކަނބަލެކެވެ. ސަމާ ވިދާޅުވިގޮތުގައި ޤައުމެއް ރަނގަޅުގޮތުގައި ކުރިއަރާ ބިނާކުރެވިގެންދާނީ އެގައުމުގެ ފަރުދުންގެ ހިތްހަމަޖެހުމާއި އިޖްތިމާއީ ގޮތުން ލިބެންޖެހޭ ހިމާޔަތާއި ރައްކާތެރިކަން ލިބޭ މުޖުތަމަޢެއް ޤާއިމް ކުރެވިގެންނެވެ. އެހެންކަމުން މިކަންކަން ކުރުމަށްޓަކައި ކޮންމެ ފަރުދަކުވެސް އެމީހެއްގެ އަމިއްލަ ޒިންމާ ނަގައިގެން ކުރެވެންހުރި މަސައްކަތެއްކުރުމުގެ މުހިންމުކަން ސަމާ ފާހަގަ ކުރެއެވެ. މިގޮތުން ސަމާ ފާހަގަކުރިގޮތުގައި ކޮންމެ ފަރުދަކުވެސް އަމިއްލައަށް ކިތަންމެ ކުޑަކަމެއް ނަމަވެސް މިސާލަކަށް އެކަކު އަނެކަކާ ބައްދަލުވުމުން ލޯތްބާއި އިޚްތިރާމާއި އެކީ ހިނިތުންވެ ވާހަކަދައްކާލާ ހެދުން ފަދަ ކުދިކުދި ކަންތައްތަކުން ފަށައިގެން ކުރިއަށް ދިއުމަކީ ކަންކަން އިސްލާހު ކުރުމަށް މަގުފަހި ވެގެން ދާނެ ކަންކަންކަމަށެވެ.
ސަމާ އަދި ރީމާ
ހަމަމިމޭރުމުން ކޯފައުންޑިން ޕްރެޒިޑެންޓް އާމިނަތު ރީމާ ރަޝީދު ފާހަގަކުރައްވާފައިވަނީ ފަރުދީޒިންމާ އަދި ހޭލުންތެރިކަން ނަގަހައްޓައި ދިރުވާ އާލާކުރެވޭނީ ފަރުދުން މުޖުތަމަޢުގެ ކަންތައްތަކަށް ހޭލުންތެރިވެ އަމިއްލަ ހުނަރުތައް ތަރައްޤީކުރަން މަސައްކަތްކުރުމުންނެވެ. އެހެންކަމުން ކޮންމެފަރުދަކުވެސް އެމީހަކަށް ލިބިފައިވާ ހުނަރުތަކުގެ ބޭނުން ރަގަޅުގޮތުގައި ހިފާ އެކަކު އެނެކަކަށް އެހީތެރިކަން ފޯރކޮށްދީ ކުރިއަރުވަން މަސައްކަތްކުރުމުގެ ޤައުމީ ރޫހާއި ޖޯޝް އާލާވުމަކީ ދުޅަހެޔޮ މުޖުތަމަޢެއްބިނާ ކުރުމުގެ އަސާސެއްކަމުގައި ރީމާ ވިދާޅުވިއެވެ.
އަޅުގަނޑުމެން އެދެނީ ސަމާ އަދި ރީމާގެ އިސްނެގުމާއިއެކު އެންލައިޓްން އަ މައިންޑްފުލް ކޮމިއުނިޓީ (އީ.އެމް.ސީ.) އިން ކުރަމުންދާ މަސައްކަތުގައި ބަރަކާތްލައްވާ ފާގަތި މުސްތަޤްބަލަކަށެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
