“ހިލޭ، ޅެން ކިޔަވަމާ! – ވިތު ޢީސާ” ގެ ނަމުގައި މުނިއަވަސް އިން ކްލަބްހައުސް މެދުވެރިކޮށް އޯގަސްޓް 12 އިން 16އަށް ކުރިއަށް ގެންދިޔަ ޅެން ކޯހުގެ ދެވަނަ ބުރު މިމަހު 22ގައި ފެށުމަށް ނިންމައިފިއެވެ.

މި ޕްރޮގްރާމުގައި ޅެން ހަދަން ދަސްކޮށްދިނުމުގެ ހުނަރުތައް އުނގަންނައިދެނީ ހުނަރުވެރި ޝާއިރު އަދި ޅެންވެރިކަން އުނގަންނައިދިނުމުގައި ތަފާތު އުކުޅުތަކެއް ގެންގުޅުއްވާ މުދައްރިބު، ޢީސަ އޮންލައިން ޕޮއެޓްރީން ޢީސާ ޝަރީފް އެވެ.

އޯގަސްޓް 22 ވަނަ ދުވަހު ހަވީރު 04:00 ފަށަން ހަމަޖެހިފައިވާ “ހިލޭ، ޅެން ކިޔަވަމާ! – ވިތު ޢީސާ“ގައި ބައިވެރިވުމަށް މި ލިންކް މިހާރުން ފެށިގެން ފޮލޯކޮށްލައްވައި ނޮޓިފިކޭޝަން އޮންކޮށްލެއްވުމުން ޕްރޮގްރާމުގެ މަޢުލޫމާތުތައް ލިބެމުންދާނެއެވެ.

https://www.clubhouse.com/join/muniavas/ydSx5KXk/PGEB21Lp

އެއްވެސް އަގަކާ ނުލައި، ހުރިހާ ފަރާތްތަކަށް ޢާއްމުކޮށް ހުޅުވާލައިގެން ކުރިއަށް ގެންދާ މި ޕްރޮގްރާމަކީ ކޮންމެ ދުވަހަކު ހަވީރު 04:00ގައި މުނިއަވަސްގެ މައި އޮޅި “މުނިއަވަސް” ކްލަބް މެދުވެރިކޮށް ގެނެސްދޭ ޕްރޮގްރާމެކެވެ.

“ހިލޭ، ޅެން ކިޔަވަމާ! – ވިތު ޢީސާ“ގެ ފުރަތަމަ ބުރުގައި ބައިވެރިފި ފަރާތްތަކުން 12 ވަރަކަށް ބޭފުޅުންނަށް ޅެން ހަދަން ދައްވެފައިވާކަމަށް މަޢުލޫމާތު ލިބެއެވެ. މީގެ އިތުރުން މި ކުލާސްތައް އަޑުއައްސަވައިގެން މި ހުނަރު ހޯދި އިތުރު ފަރާތްތަކެއްވެސް ހިމެނޭކަން ފާހަގަކޮށްލަމެވެ.

“ހިލޭ، ޅެން ކިޔަވަމާ! – ވިތު ޢީސާ”ގެ ފުރަތަމަ އެޕިސޯޑްގެ ތެރެއިން

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: