މީގެ 09 މަސްކުރިން ފިލްމީ މަސައްކަތްތަކާ، ނެށުމާއި ލަވަކިޔުންފަދަ މުނިފޫހިފިލުވުމުގެ ހަރަކާތްތަކާއި ދުރަށް ޖެހިލި ޢަލީ ޝާހިދު (ސްޓެޕް އައްޔަ) އަނެއްކާވެސް މުނިފޫހިފިލުވުމުގެ ދާއިރާގައި ކުރިއަށްދާން ނުކުމެ ހުރިކަން ހާމަކޮށްފިއެވެ. ސްޓެޕް އައްޔަ މިކަން ހާމަކުރީ މުނިއަވަސް އިން ކްލަބްހައުސް މެދުވެރިކޮށް ގެނެސްދެމުން އަންނަ ‘ޚަބަރު/ކޯދު’ ސެގްމެންޓްގެ ދަށުން މިމަހު 21 ވަނަ ދުވަހުގެރޭ ގެނެސްދިން ‘ޓެކްނިކަލީ ސްޕީކިންގ’ ޝޯވގައެވެ.
“މިދިޔަ އަހަރު ނިމެން އުޅެނިކޮށް އިންނާނެ އައްޔަ ބުނެފަ، ފިލުމީ ދާއިރާޔާ މިއުޒިކާ މި ދޭތެރެއިން ދުރަށް ޖެހިލި ވާހަކަ. ދެން އޭރު ބޮޑަށް ވީގޮތަކީ ކޮވިޑް އައުމާ ގުޅިގެން ދެންް ވަރަށް ގިނަ ޕްރޮޖެކްޓްތަކާ އެއްޗެހިވެސް ހަމަ އެއްކޮށް ކަހަލަ ގޮތަކަށް ހުއްޓުނީ. ދެން އޭރުގަ ޝަފީޤް ސަރ މެންވެސް އޭރު ދިޔައީ ހަމަ އައްޔައަށް ޓާގެޓްކޮށްފަ ހަމަ ފިލްމެއްގެ މަސައްކަތްވެސް އައްޔައަށް ދީގެން، ބައެއްގެ މަސައްކަތްވެސް ހަމަ ކުރަމުން. އެހެން ނަމަވެސް އޭރުގަ ބޮޑަށް ވީގޮތަކީ މީ ކޮވިޑް އައުމާ ގުޅިގެން ވަރަށް ގިނަ ދަތިތަކާ ކުރިމަތިވުމާ ގުޅިގެން އަސްލުގަ ދުރަށްދާން ޖެހިގެން ހަމަ، ލޮކްޑައުން އެއް ވުމާ އެއްކޮށް އެއްވެސް ކަހަލަ އާއްމުދަނީއެއްވެސް ނުލިބި އެއްވެސް ރަށަކަށްވެސް ނުދެވި ހުރިހާ ޝޫޓިންތަކެއް މެދުކަނޑާލަން ޖެހުމާ ގުޅިގެން ދެން އައްޔަ ނިންްމީ މިކަން ރަނގަޅު ގޮތުގަ، ވާހަކައަކީ ނިންމާލަން. އެހެން ނަމަވެސް ވަރަށް ގިނަ ބެލުންތެރިންވެސް ވަރަށް ގިނަ ފަންނާނުންވެސް ހަމަ އައްޔައަށް ރިކުއެސްޓްކުރޭ އަދިވެސް ހަމަ ފިލުމީ ދާއިރާގަ މަސައްކަތްކުރުމަށް. އައްޔަގެ ހުރި ޓެލެންްޓެއް ވެއްޖެއްޔާ ހަމަ އައްޔަގެ ހުރި ޝައުޤުވެރިކަމެއް ވެއްޖެއްޔާ މިކަމުގެ ތެރޭގަ ދާން. ދެން އެކަމަކު އައްޔަ ބުނެފަ އިންނާނެ މިކަމުން އާއްމުދަނީ އެއް ނުލިބޭތީއޭ އަސްލުގަ މިކަމުން ދުރަށްދާން މަސައްކަތް މި ކުރަނީ. އެހެން ނަމަވެސް މިހާރު އެބަ ފެނޭ މި ކްލަބްހައުސް އުފެދިގެން މިހާހިސާބަށް މި އައި އިރުގަ ކްލަބްހައުސް ތެރެއިން ވަރަށް ގިނަ ފަންނާނުންތަކެއްް ވަރަށް ޓެލެންޓެޑް ކުދިންތަކެއް އައްޔަމެންނަށް އެބަ ދިމާވޭ، މީގެ ތެރެއިން ލަވަކިޔުންތެރިންވެސް، އެކްޓަރުންގެ ގޮތުގަވެސް ހަމަ ވަރަށް މޮޅަތި ޑައިލޮގުތައް ކިޔާލާ ވަރަށް މޮލަތި އެކިއެކި ކުރީގެ ފަންނާނުންގެ އަޑުން ވާހަކަދައްކާލާ ކުދިންނާ އެބަ ދިމާވޭ އައްޔައާ. ދެން މިމީހުންވެސް އެބަ ބުނޭ އައްޔަމެންގެ މިހެން ދިމާވާ އިރުގަ އައްޔަމެންނާ މިހެން ވާހަކަދައްކާލެވުންވެސް މީ ވަރަށް ބޮޑު ލިބޭ ހިތްހަމަޖެހުމެކޭ. ފިލުމީ ދާއިރާގެ ގިނަ ފަންނާނުން މީގެތެރޭގަ އުޅުން އެއީ އެމީހުންވެސް އެދޭ ވަރަށް ބޮޑު އެދުމެކޭ.”
އައްޔަ އިތުރަށް ބުނީ ފިލްމީ ދާއިރާއަކީ ހަމައެކަނި ފިލުމެއްގެ ތެރޭގައި މަސައްކަތްކުރުން ނޫން ކަމަށާ ސްޓޭޖްގައި ޕާފޯމުކުރުން ފަދަ ޑްރާމާ ކުޅުން ފަދަ ކަންކަމަށްވެސް އެމީހުން ބޭނުންވާ ކަމަށެވެ.
ނަމަވެސް މީގެ09 ވަރަކަށް މަސްކުރިން ފިލްމާއި މިއުޒިކް އަދި ނެށުމާއި ދުރަށްދާކަން ހާމަކުރަމުން އައްޔަގެ ފޭސްބްކްގައި އާއްުކުރި ސްޓޭޓަސްއެއްގައި ބުނީ ”ފިލްމީ މަސައްކަތްތަކާއި، ނެށުމާއި ލަވަކިޔުން، ﷲއަށްޓަކައި ހުއްޓާލަން އަޅުގަނޑު ނިންމައިފިން. މިކަމުގައި ހޭދަވި 23 އަހަރަކީ އަޅުގަނޑަށް ލިބުނު ވަރަށް ހިތްދަތި ތަޖުރިބާއެއް. މިކަމުން ލިބުނު ހަޤީޤީ އުފަލެއް ނެތް، ހަޤީޤީ ހިތްހަމަޖެހުމެއް ނެތް. އަޅުގަނޑު މިހާރު ބޭނުންވަނީ ﷲ ރުއްސަވާ އަޅެއްގެ ގޮތުގައި ހަޔާތުގެ ބާކީ ބައި ހޭދަކުރަން.“ މިހެންކަން ފާހަގަކޮށްލެވެ އެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
