މީގެ ދެ ހަފުތާކުރިން މަޝްހޫރު ޑައިރެކްޓަރ އަމްޖަދު އިބްރާހީމް (އަމްޖޭ) މުނިއަވަސް އަށް ކޮންމެވެސް ފިލްމީ މަސައްކަތެއްގެ ޝޫޓިން ފޮޓޯތަކެއް ފޮނުވިއެވެ. ކުރަމުން ދިޔައީ ކޮން ވަޑާމެއްކަން ބުނަން ހަމަ ހިތަށްވެސް ނޭރުވިއެވެ. އަމްޖޭގެ ލާނެތް އިސްޓައިލްގައި ހީނލަމުން އަމްޖޭ ބުނީ މިއީ ވެބް ސީރީޒެއް ކަމަށާ ނަމަވެސް ފިލްމެއްގެ ގޮތުގައިވެސް މި އުފެއްދުން ފެނުމަކީ އެކަށީގެންވާ ކަމެއް ކަމަށެވެ.

މި އުފެއްދުމުގެ އިތުރު މަޢުލޫމާތުތައް މިހާރު މިއޮތީ އާއްމުކޮށްފައެވެ. އަމްޖޭ ލިޔެ ޑައިރެކްޓްކުރާ މި އުފެއްދުމަކީ “ބްްރިޖް” ގެ ނަމުގައި އުފައްދާ ކޮމެޑީ ސީރީޒެކެވެ.

އަމްޖޭގެ “ބްރިޖް”ގައި ހަރަކާތްތެރިވާ މައިގަނޑު ތަރިންގެ ތެރޭގައި، މަޝްހޫރު އެކްޓްރެސް ޝީލާ ނަޖީބް، މަޤްބޫލު އެކްޓަރ ޝަމީލް، ކޮމެޑީގެ ރަސްގެފާނު އަޙްމަދު ޝާޒް (ތަޖޫ)، ހުނަރުވެރި އެކްޓްރެސް އާމިރާ، މަންމަ ބަޔަށް ހިތްގައިމު މަރިޔަމް ހަލީމްގެ އިތުރުން އުއްމީދީ އެކްޓަރ އަނިލް ހިމެނެއެވެ.

ބޮޑު ބައެއްގެ ޝޫޓިން އެއްކޮށް ނިންމާލާފައިވާ “ބްރިޖް” ކޮމެޑީ ސީރިސް ޝޫޓްކޮށްފައިވަނީ ހުޅުމާލޭގައެވެ.

މި ޕެންޑަމިކް ދުވަސްވަރުގަ އެތައް ބަޔަކު ހާސްކަމުގަ ތިބިއިރު، އެމީހުންގެ މޫނުމައްޗަށް ހިނިތުންވުމެއް އަމްޖޭގެ “ބްރިޖް”ގެ ސަބަބުން ލިބިގެން ދިއުން އެއީ އަމްޖޭ އާއި އޭނާގެ ޓީމުން ކުރާ އުއްމީދެކެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު

ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

މި ލިޔުންތެރިޔާގެ ބައެއް އެހެން ލިޔުންތައް

• 19 މާރޗް 2025ޚަބަރު“ސޮރީ” ގައި ނިޝާ، މަނިކް އަދި އާމިރާގެ އިތުރުންވެސް ގިނަ ތަރިންތަކެއް
• 15 މާރޗް 2025ޚަބަރު“ފުރާނަ” – ޔުނިކޯ ބީޓްސް ސްޓޫޑިއޯގެ ސަޅި ލަވައެއް!
• 14 މާރޗް 2025ޚަބަރުފިލްމުކުޅުން ހުއްޓާލިއިރުވެސް އެންމެ ބޭނުންވާ ކެރެކްޓަރ ކުޅެލަން ނުލިބޭ – ނިޢުމާ
• 13 މާރޗް 2025ޚަބަރުމިފަހަރު މަނިކް ނެރެނީ “ކަޅިރަވައިގެ ޖާދޫ”