ރިޓްޒް ލިރިކްސްގެ ނަން އިވުމާއެކު ހިތުގައި ތަސްވީރުކުރެވެނީ ވަރަށް ހިތްގައިމު މޫނެކެވެ. އެ މޫނު ފެނުމުން މިއުޒިކީ ރާގެއްގައި ކިޔައިލެވެނީ 🎵🎶 އައްޗަ ތި ލޯބިލޯބި ހޫރު، ރާނީ ތީ ހިތްއެދޭ، ތިޔަ ހޫރު އެދޭ ދުނިޔޭން ހަމަ ލޯބި ހިތުން އެދެވޭނޭ 🎶🎵 މި އިބާރާތްކޮޅެވެ. އެ އަޑު ޖެހުމާއެކު ކަންފަތުގެ ސިނަމާއިން ދައްކައިދެނީ މަޝްހޫރު ލަވަކިޔުންތެރިޔާ ޝަމްވީލް (ބަރޯ) އާއި ރާޔާ އެވެ.

މި އަހަރު މާރިޗް މަހު، ރާޔާ އާއި ޝަމްވީލްގެ ހިތްގައިމު އަޑުން ވިރުވައި އަޅައިލި ‘ތި ލޯބި ހޫރު’ ލަވައިގެ ޅެންވެރިޔާ، ރިޓްޒް ލިރިކްސްގެ އާމިނަތު ރިޒްނީ (ރިޒް) އަނެއްކާވެސް ތައްޔާރުވެ އަރުވާޖަހައިގެން މިހާރު ހުރީ ރާޔާގެ ހިތްގައިމު އަޑުގެ ޖާދޫގައި އެހުންތެރިން ޖެއްސުމަށެވެ. އެގޮތުން މިފަހަރު ރިޓްޒް ލިރިކްސް އިން ނެރެނީ “ޤަރާރް” ނަމުގައި ގެނެސްދޭ ވަރަށް ހިތްގައިމު ލޯބީގެ ލަވައެކެވެ.

ރިޓްޒް ލިރިކްސް އިން “ޤަރާރް” ނެރުމަށް ހަމަޖެހިފައިވަނީ ސެޕްޓެމްބަރު 19ވަނަ ދުވަހުގެ ރޭ 22:30ގައި މުުނިއަވަސް ކްލަބްހައުސް އިން ގެނެސްދިނުމަށް ހަމަޖެހިފައިވާ ‘ރިޓްޒް ލިރިކްސް ސްޕެޝަލް ވިތު ރާޔާ އެންޑް ޝަމްވީލް ވީއަޕީ ޝޯވ‘ގައެވެ. މި ޚާއްޞަ ޝޯވގައި “ޤަރާރް” ލަވައިގެ އަޑުގެވެރިޔާ ރާޔާގެ އިތުރުން ރިޓްޒް ލިރިކްސް ޓީމުގެ މެންބަރުންނާއި ޝަމްވީލްގެ އިތުރުން، މިއުޒިކީ ދައިރާގައި ހަރަކާތްތެރިވާ ބައެއް ފަންނާނުންވެސް ބައިވެރިވާނެއެވެ.

‘ރިޓްޒް ލިރިކްސް ސްޕެޝަލް ވިތު ރާޔާ އެންޑް ޝަމްވީލް ވީއަޕީ ޝޯވ‘ގައި ރާއްޖޭގެ ލަވަކިޔުންތެރިންގެ ތެރެއިން ފާހަގަކޮށްލެވޭ ވަރަށް ޚާއްޞަ ފަރާތެއްވެސް ބައިވެރިވާނެއެވެ.

“ޤަރާރް” މިއީ ހުނަރުވެރި އަދި އުއްމީދީ ލަވަކިޔުންތެރިޔާ ރާޔާގެ ސޯލޯ ލަވައެއް

މީގެ އިތުރުންވެސް ކްލަބްހައުސްގެ ބައެއް ގްރޫޕްތަކުގެ އިސް ފަރާތްތަކާއި މޮޑަރޭޓަރުންނަށްވެސް ރިޓްޒް ލިރިކްސް އާއި މުނިއަވަސް އިން ދަޢުވަތު ދީފައިވެއެވެ.

‘ރިޓްޒް ލިރިކްސް ސްޕެޝަލް ވިތު ރާޔާ އެންޑް ޝަމްވީލް ވީއަޕީ ޝޯވ‘ގެ ލިންކް:-

https://www.clubhouse.com/join/muniavas/Goqnp4Ox/mZX14Ayx

ރިޓްޒް ލިރިކްސް އަކީ ލަވަ ހެދުމަށް ބްރޭންޑް ނަމެއްގެ ދަށުން، ވަކި ލޯގޯއެއް ބޭނުންކޮށްގެން ރާއްޖޭގެ ޅެންވެރިއަކު މިގޮތަށް މަސައްކަތްކުރާ ފުރަތަމަ ޕްލެޓްފޯމްކަން ފާހަގަކޮށްލެވެއެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: