ބ. އިންނަފުށީ ފަރަށް ދޯންޏެއް އަރައިފިއެވެ. މިއަދު ހެނދުނުގެ ވަގުތެއްގައި އިންނަފުށީ ހުޅަނގުފަރާތު ފަރަށް އަރާފައިވަނީ ހއ. ބާރަށު ދޯންޏެއް ކަމަށް މަޢުލޫމާތު ލިބެއެވެ.
މި ދޯންޏަކީ ތިލަފުށިން ފުރައިގެން ބ.ތުޅާދުއަށް ހިލަވެލި ހިފައިގެން ދަތުރުކުރަމުން ދިޔަ ދޯންޏެއް ކަމަށާއި ދޯނިން 4 ދިވެއްސަކު ދަތުރުކުރިކަމަށް ގޮއިދޫ ކައުންސިލްގެ ނައިބު ރައީސް މުޙައްމަދު ނާފިޒް މަޢުލޫމާތު ދެއްވިއެވެ. އަދި އެ ހަތަރު މީހުންގެ ޙާލު ރަނގަޅުކަމަށާއި މިހާރު ގޮއިދޫގައި އެމީހުން ތިބިކަމަށްވެސް ވިދާޅުވިއެވެ.
ދޯނި ފުންކުރުމުގައި ގޮއިދޫ ރައްޔިތުން އެހީ ފޯރުކޮށްދެނީ
މުނިއަވަސްއަށް ލިބިފައިވާ ވީޑިއޯތަކާއި ފޮޓޯތަކުން ފެންނަގޮތުގައި މި ދޯނީގެ ބޮޑުބައެއް ވަނީ އަޑިއަށް ގޮސްފައެވެ. އެ ދޯނި ފަރަށް އެރުމާއެކު ކޯސްޓުގާޑުން ވަނީ ދޯނި ފުންކުރުމުގެ މަސައްކަތުގައި ހަރަކާތްތެރިވާން ފަށާފައެވެ. އަދި މަސައްކަތުގައި ގޮއިދޫގެ ރައްޔިތުންނާއި ކައިރި ރަށްރަށުން ދަނީ އެހީތެރިކަން ފޯރުކޮށްދެމުންނެވެ.
“ދޯނި އަދިވެސް ފުން ނުކުރެވޭ… މިހާރު ކުރިއަށްދަނީ ދޯނީގައި ހުރި ހިލަވެލިތައް ބޭލުމުގެ މަސައްކަތް.” ގޮއިދޫ ކައުންސިލްގެ ނައިބު ރައީސް ވިދާޅުވިއެވެ.
ލިޔުންތެރިޔާގެ ފުރަމަލަ
- އަލިއަޅުވައިލަން ޖެހިފައިވާ މުހިންމު މައްސަލަތަކާއި ހާދިސާތަކަށް ވާހަކައާއި ރިޕޯޓް ލިޔުމަކީ ޒުހުދާގެ ޚާއްޞަ ދާއިރާއެކެވެ.
މި ލިޔުންތެރިޔާގެ ބައެއް އެހެން ލިޔުންތައް
- 21 އޮކްޓޯބަރ 2023ޚަބަރުއަންހެން ޑިވިޝަންގެ ޗެމްޕިއަންސްކަން ޗަޑްސްއަށް
- 21 އޮކްޓޯބަރ 2023ޚަބަރުފިރިހެން ޑިވިޝަންގެ ޗެމްޕިއަންކަން ޗެލެންޖާރސްއަށް
- 19 އޮކްޓޯބަރ 2023ޚަބަރުފައިނަލްގައި ޗެލެންޖާސް އަދި ރޯޔަލް ފްރެންޑްސް
- 18 އޮކްޓޯބަރ 2023ޚަބަރުޑްރެގަންސް ބަލިކޮށް ޗަޑްސް އިން ފައިނަލަށް
