މަޝްހޫރު ޕްރެޒެންޓަރ އާމިނަތު ނަމްޒާ ހުށައަޅައި ބައިސްކޯފުން ގެނެސްދޭން ތައްޔާރުވަމުން އަންނަ ޝޯވ “ވިތު ލަވް”ގެ އެޕިސޯޑެއްގައި ކުރީގެ ރައީސް މަޢުމޫން ޢަބްދުލް ޤައްޔޫމް ބައިވެރިވެލައްވާފައި ވާކަމަށް ބައިސްކޯފުން ހާމަކޮށްފިއެވެ.

“ނަމްޒާ ހޯސްޓްކޮށް ބައިސްކޯފުން ގެނެސްދޭން ތައްޔާރުވަމުން އަންނަ ޝޯވ ‘ވިތު ލަވް’ ގައި ބައިވެރިވެލެއްވީތީ ކުރީގެ ރައީސް އަލްއުސްތާޛް މަޢުމޫނު ޢަބްދުލް ޤައްޔޫމަށް އަޅުގަނޑުމެންގެ އިޚްލާޞްތެރި ޝުކުރު ދަންނަވަން.” ބައިސްކޯފުން މިއަދު އާއްމުކުރި ޓްވީޓެއްގައި ބުނެފައިވެއެވެ. ބައިސްކޯފު ސްޓޫޑިއޯ އަށް ރައީސް މަޢުމޫން ވަޑައިގެންނެވިކަމީ އެތަނަށް ލިބިގެންދިޔަ ޝަރަފެއް ކަމަށްވެސް ބައިސްކޯފުން ބުނެއެވެ.

“ވިތު ލަވް” ސީރީޒަކީ ރާއްޖޭގެ އެކިއެކި މަޝްހޫރު ފަރާތްތައް ހިމަނައިގެން އެމީހުންގެ ހަޔާތުގެ ލޯބީގެ ވާހަކަތައް ގެނެސްދިނުމަށް ތައްޔާރުކުރާ ޝޯވއެއް ކަމަށް މަޢުލޫމާތު ލިބެއެވެ.

މިއީ އެކުވެރިކަން، ތިމާގެކަން އަދި ދެމަފިރިންގެ ދެމުގައި އުފެދިފައިވާ ލޯބި ފަދަ، ލޯބީގެ އެކިއެކި ވާހަކަތަކެއް ގެނެސްދޭނެ ޝޯވއެއްކަން ބައިސްކޯފުން އާއްމުކޮށްފައިވާ ޓްރެއިލާއިން އެނގިގެންދެއެވެ. މި ޓްރެއިލާއިން ރާއްޖޭގެ ތަފާތު ދާއިރާތަކަށް ނިސްބަތްވާ މަޝްހޫރު މޫނުތަކެއް ފެނިގެންދެއެވެ.

ނަމްޒާއަކީ މިފަދަ ރިއަލިޓީ ޓޯކް ޝޯވތައް ގެނެސްދިނުމުގައި ފާހަގަކޮށްލެވޭ މަޝްހޫރު ޕްރެޒެންޓަރެއްކަން ފާހަގަކޮށްލެވެއެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: