ފެނަކައިން ބ. ގޮއިދޫ އިންޓަރ އޮފީސް ފުޓްސަލް ޓޯނަމެންޓް 2021 ގެ ޗެމްޕިއަންކަން ޖެހިޖެހިގެން ތިންވަނަ ފަހަރަށް ހޯދައިފިއެވެ.
މުބާރާތުގެ ފައިނަލް މެޗުގެ ތެރެއިން / ފޮޓޯ: ޒެޑް ކްލިކްސް
ގޮއިދޫ ފުޓްސަލް ދަނޑުގައި ރޭ ކުޅުނު ފައިނަލް މެޗުގައި ސްކޫލާއި ބައްދަލުކޮށް ފެނަކައިން މުބާރާތް ކާމިޔާބުކުރީ 5-2 ގެ ނަތީޖާއަކުންނެވެ. މެޗުގެ އެންމެ މޮޅު ކުޅުންތެރިޔާގެ މަޤާމު ހޯދާފައިވަނީ މުބާރާތުގެ އެންމެ މޮޅު ކުޅުންތެރިޔާގެ މަޤާމުވެސް ހޯދި ފެނަކަ ޓީމުގެ ޝައްމޫން ޖަމީލެވެ.
މުބާރާތުގެ ގަދަ ފަސް ކުޅުންތެރިން / ފޮޓޯ: ޒެޑް ކްލިކްސް
މުބާރާތުގެ ވަނަތަކަށް ހޮވުނު ފަރާތްތަކަށް ޓްރޮފީއާއި ހަނދާނީ ލިޔުން ދީފައިވާއިރު މެޗުގެ އެންމެ މޮޅު ފަސް ކުޅުންތެރިންނަކީ ފެނަކަ ޓީމުގެ ޝައްމޫން ޖަމީލާއި ޙަސަން ނިޒާމް، ސްކޫލް ޓީމްގެ ޔޫސުފް މުޙައްމަދާއި ޙުސައިން ޝާމްއާއި ޢަލީ ޖަޒްލާންއެވެ. 12 ގޯލާއިއެކު މުބާރާތުގެ އެންމެ ގިނަ ގޯލު ޖެހި ކުޅުންތެރިޔާގެ މަޤާމު ޖަޒްލާން ހޯދިއިރު ފެއަރޕްލޭ ޓީމަކަށްވެސް ހޮވިފައިވަނީ ސްކޫލް ޓީމެވެ.
މި އަހަރު ޖުމްލަ 4 ޓީމު ބައިވެރިވި މި މުބާރާތުގެ މަޤުސަދަކީ ބ. ގޮއިދޫ ހުރިހާ މުއައްސަސާތަކުގެ މެދުގައި ގުޅުން ބަދަހިކުރުމާއި މުވައްޒަފުންގެ ދުޅަހެޔޮކަން އިތުރުކޮށް ރަށުގެ ރައްޔިތުންނަށް ނަމޫނާ ދެއްކުން ކަމުގައި މުބާރާތް އިންތިޒާމުކުރި ފަރާތުން މަޢުލޫމާތު ދެއްވިއެވެ.
ލިޔުންތެރިޔާގެ ފުރަމަލަ
- އަލިއަޅުވައިލަން ޖެހިފައިވާ މުހިންމު މައްސަލަތަކާއި ހާދިސާތަކަށް ވާހަކައާއި ރިޕޯޓް ލިޔުމަކީ ޒުހުދާގެ ޚާއްޞަ ދާއިރާއެކެވެ.
މި ލިޔުންތެރިޔާގެ ބައެއް އެހެން ލިޔުންތައް
- 21 އޮކްޓޯބަރ 2023ޚަބަރުއަންހެން ޑިވިޝަންގެ ޗެމްޕިއަންސްކަން ޗަޑްސްއަށް
- 21 އޮކްޓޯބަރ 2023ޚަބަރުފިރިހެން ޑިވިޝަންގެ ޗެމްޕިއަންކަން ޗެލެންޖާރސްއަށް
- 19 އޮކްޓޯބަރ 2023ޚަބަރުފައިނަލްގައި ޗެލެންޖާސް އަދި ރޯޔަލް ފްރެންޑްސް
- 18 އޮކްޓޯބަރ 2023ޚަބަރުޑްރެގަންސް ބަލިކޮށް ޗަޑްސް އިން ފައިނަލަށް
