“83” އާއި “ހީރޯޕަންތީ 2” އަދި “ތަޑަޕް” ގެ އިތުރުން “ބައްޗަން ޕާންޑޭ” ރިލީޒްކުރާނެ ތާރީޚު، ނަދިއަދުވާލާ ގްރޭންޑްސަން އެންޓަރޓެއިންމެންޓުން އިޢުލާންކޮށްފިއެވެ.

މިފެށޭ އޮކްޓޫބަރު މަހުގެ 22ގައި އިންޑިއާގެ މަހަރަޝްތުރާގެ ސިނަމާތައް ހުޅުވަން އެސަރުކާރުން ނިންމީ ދާދި ފަހުންނެވެ. ނަދިއަދުވާލާ ގްރޭންޑްސަން އެންޓަރޓެއިންމެންޓުގެ އޯނަރު ސާޖިދު ނަދުއަދުވާލާގެ 06 ފިލްމެއް ރިލީޒްނުކުރެވި އެބައޮތެވެ. އޭގެ ތެރެއިން ބައެއް ފިލްމުތައް ރިލީޒްކުރާނެ ތާރީޚު އެ ކުންފުނިން މިއަދު ވަނީ ހާމަކޮށްފައެވެ.

1. 83

ފިލްމު “83” އަކީ ކަބީރު ޚާން ޑައިރެކްޓްކޮށް ގެނެސްދޭ ފިލްމެކެވެ. މި ފިލްމުގައި ރަންވީރު ސިންގ އާއި ދީޕިކާ ޕަދުކޯނޭ ލީޑް ރޯލުން ފެނިގެންދާއިރު ފިލްމުގެ މިއުޒިކް ކޮމްޕޯސްކޮށްފައިވަނީ ޖޫލިއަސް ޕެކިއަމް އާއި ޕްރިތަމް ޗަކްރަބޯތީއެވެ. މިފިލްމު ސިނަމާތަކުގައި އަޅުވަން ހަމަޖެހިފައިވަނީ 2021ގެ ކްރިސްމަސްއާ ދިމާކޮށް ޑިސެމްބަރު 25ގައެވެ.

1. ބައްޗަން ޕާންޑޭ

“ބައްޗަން ޕާންޑޭ” އަކީ ފަރުހާދު ސަމްޖީ ޑައިރެކްޓްކޮށް ގެނެސްދޭ ފިލްމެކެވެ. މިފިލްމުގައި އަކްޝޭ ކުމާރާއި ކްރިތީ ސެނަން އަދި ޖެކޮލިން ފެނާންޑޭޒް ލީޑްރޯލުން ފެނިގެންދާއިރު ފިލްމަށް މިއުޒިކް ހަދާފައިވަނީ ތަނީޝްކް ބަގްޝީއެވެ. “ބައްޗަން ޕާންޑޭ” ސިނަމާތަކުގައި އަޅުވާނީ 2022 މާރިޗު 04ގައެވެ.

1. ހީރޯޕަންތީ 2

“ހީރޯޕަންތީ 2” އަކީ އަޙުމަދު ޚާން ޑައިރެކްޓްކޮށް ގެނެސްދޭ ފިލްމެކެވެ. ޓައިގަރ ޝްރޮފްގެ ކާމިޔާބު ފްރެންޗައިސް މި ފިލްމުގައި ޓައިގަރގެ އިތުރުން ކްރިތީ ސެނަން ވެސް ފެނިގެންދާނެއެވެ. މިފިލްމު ސިނަމާތަކުގައި އަޅުވަން ހަމަޖެހިފައިވަނީ 2022 މެއި 06ގައެވެ.

1. ތަޑަޕް- އޭން އިންކްރެޑިބަލް ލަވް ސްޓޯރީ

“ތަޑަޕް” އަކީ މިލާން ލުތުރިއާ ޑައިރެކްޓްކޮށް ގެނެސްދޭ ފިލްމެކެވެ. މިފިލްމުގައި ލީޑްރޯލުން ފެނިގެންދާނީ އެކްޓަރު ސުނިލް ޝެޓީގެ ދަރިފުޅު އާހަން ޝެޓީ އާއި ތާރާ ސުތާރިއާއެވެ. އަދި މީގެ އިތުރުން ސައުރަބް ޝުކްލާ އާއި ކުމުދް މިޝްލާ ވެސް ފެނިގެންދާނެއެވެ. ރިލީޒްކުރުމަށް ހަމަޖެހިފައިވަނީ މިއަހަރުގެ ޑިސެމްބަރު މަހުގެ 3 ވަނަ ދުވަހެވެ.

ސާޖިދު ބުނީ އޯޓީޓީ ޕްލެޓްފޯމުތައް މެދުވެރިކޮށް ފިލްމު ރިލީޒްކުރުން އޭނާއަކަށް އެހާ ކަމަކުނުދާ ކަމަށާއި އޭނާ އަބަދުވެސް މަޑުކުރީ ސިނަމާތައް ހުޅުވަންދެން ކަމަށެވެ.

ލިޔުންތެރިޔާގެ ފުރަމަލަ

ނާޢިމް ޢަލީ

މުނިއަވަސްގެ އެންމެ ހަގު ލިޔުންތެރިޔާ ނާާޢިމް ޢަލީ އަކީ ލިޔުންތެރިކަމުގައި ތަޖުރިބާހުރި ޒުވާނެކެވެ.
ނާޢިމް ޚާއްޞަވަނީ ބޮލީވުޑް އަދި ހޮލީވުޑްގެ ޚަބަރުތަކަށެވެ.

މި ލިޔުންތެރިޔާގެ ބައެއް އެހެން ލިޔުންތައް

• 4 އޮކްޓޯބަރ 2021ޚަބަރު2 މެޗުން މޮޅުވެ ނޭޕާލް ތާވަލުގެ އެއްވަނައަށް!
• 4 އޮކްޓޯބަރ 2021ޚަބަރުއިންޑިއާގެ ފުރަތަމަ މެޗު އެއްވަރުވެއްޖެ!
• 1 އޮކްޓޯބަރ 2021ޚަބަރުފަހު ވަގުތު ލީޑް ނަގައި ނޭޕާލުން ރާއްޖެ ބަލިކޮށްފި!
• 1 އޮކްޓޯބަރ 2021ޚަބަރުފުރަތަމަ މެޗުން ބަނގްލަދޭޝްއަށް 3 ޕޮއިންޓް!