ޤައުމީ ފުޓްބޯޅަ ޓީމާ އެކުގައި ތިބިކަން ސާބިތުކޮށްދިނުމަށް ރާއްޖޭގެ މަޝްހޫރު ލަވަކިޔުންތެރިންތަކެއް ކިޔާފައިވާ “ހޯދަން ކާމިޔާބު” ލަވަ މިއަދު ރިލީޒްކޮށްފިއެވެ. ހިސްޓޯރިއާ މިއުޒިކް ސްޓޫޑިއޯސް އިން އުފެއްދި ޤައުމީ ފުޓްބޯޅަ ލަވަ ނެރެފައި މިވަނީ ޤައުމީ ދުވަހާ ދިމާކޮށް ޤައުމީ ޓީމަށް ސަޕޯޓްދިނުމުގެ ގޮތުންނެވެ.

ޖުމްލަ 11 އާޓިސްޓުންގެ އަޑު އިވިގެންދާ މި ލަވައިގައި، މިވަގުތު ރާއްޖޭގައި ތިބި މަޝްހޫރު ޖޫނިއާ އަދި ސީނިއާ އާޓިސްޓުން ހިމެނެއެވެ. އެގޮތުން ކިޑްސް އާޓިސްޓުންގެ ގޮތުގައި ލައިބާ އަޙްމަދު މަހްލޫފު، ޒަވްޤް ޢަލީ ޠާރިޤް، ޒުވައިލް ޢަލީ ޠާރިޤް ހިމެނެއެވެ.

ޒުވާން ފަންނާނުންގެ ތެރޭގައި ޢާއިޝަތު ޖޫނީ ޖިނާހް އަދި ޒަޔާ ޝަހީމް ހިމެނެއެވެ. މީގެ އިތުރުން މޯލްޑިވިއަން އައިޑަލް އިން ވިދައިލި އާޓިސްޓުން ކަމަށްވާ މަރްޔަމް މައީޝާ، ޢާއިޝަތު އަޒަލް އަދި ޝަލަބީ އިބްރާހީމް ހިމެނެއެވެ.

މި ލަވައިން އިވިގެންދާ ސީނިއާ އާޓިސްޓުންގެ ތެރޭގައި އިބްރާޙީމް ޒައިދު ޢަލީ (ކުޑަ އިއްބެ)، މަރްޔަމް އަޝްފާ އަދި މުޙައްމަދު ޢަބްދުލް ޣަނީ (ތޭރަވާ) ހިމެނެއެވެ.

ލަވައިގެ ހިތްގައިމު ވީޑިއޯއިން ލަވަ ކިޔާފައިވާ އާޓިސްޓުން ފެނިގެންދެއެވެ. ވީޑިއޯ ހެދީ ‘ވަން ޝޮޓް އިވެންޓްސް’ އިންނެވެ.

https://www.youtube.com/watch?v=2Zmzro6-quo

މިއީ މުޙައްމަދު ޢަބްދުލް ޣަނީ (ތޭރަވާ) އާއި ހިސްޓޯރިއާ މިއުޒިކް ސްޓޫޑިއޯސް ގުޅިގެން އުފައްދާފައިވާ ލަވައެކެވެ.

މި ލަވަ އުފެއްދުމުގައި ބިދަބިން، ދިވެހި ޤައުމީ ޔުނިވާސިޓީ، ޢަލީ ޠާރިޤް، ރޫ، ފުއާދު ޝެހޭ، ރީނާ ހުސައިން ތަޢުފީޤްް (ހުސެން މިއުޒިކް)، ޔޫސުފް އަލްސަން، އާމިނަތު ޖިނާޒް، އަޙްމަދު މަހްލޫފް އަދި ދިވެހި ފުޓްބޯޅަ އެސޯސިއޭޝަނުން ވެދީފައިވާ އެހީތެރިކަން ފާހަގަކޮށްލެވެއެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: