ބޮލީވުޑަށް ލަވަކިޔުމުގެ ހުވަފެން ދެކެމުން އައި ސްރީލަންކާގެ ލަވަކިޔުންތެރިޔާ ޔޮހާނީގެ ސުޕަހިޓް ލަވަ، “މަނިކޭ މަގޭ ހިތޭ” ގެ ހިންދީ ވާޝަންއެއް އޭނާގެ އަޑުން އަޖޭ ދޭވްގަންގެ ފިލްމު “ތޭންކް ގޯޑް” ގައި ހިމަނާގޮތަށް ނިންމައިފިއެވެ.
ރިޕޯޓުތައް ބުނާގޮތުން “މަނިކޭ މަގޭ ހިތޭ” ގެ ހިންދީ ވާޝަންގެ މިއުޒިކް ތައްޔާރުކޮށްދޭނީ ތަނިޝްކް ބާގްޗީއެވެ. ލަވައިގެ ޅެން ހަދައިދޭނީ ރަޝްމީ ވިރާގްއެވެ.
އަޖޭއާއި ސިދާތު މަލޯޓްރާއާއި ރަކުލް ޕްރީތު ސިންގ ލީޑުން ފެނިގެންދާ މި ކޮމެޑީއަކީ ކުރިން އަޖޭއާއެކު “އިޝްޤް” އާއި “މަސްތީ” އަދި “ޓޯޓަލް ދަމާލް” ގެނެސްދިން ޑައިރެކްޓަރު އިންދުރަ ކުމާރްގެ ފިލްމެކެވެ.
މިއީ އަޖޭ ސިދާތާއެކު މަސައްކަތްކުރާ ފުރަތަމަ ފިލްމު ނަމަވެސް ރަކުލްއާއެކު މަސައްކަތްކުރާ ތިންވަނަ ފިލްމެވެ. އަޖޭއާއި ރަކުލް ވަނީ 2019 ގެ “ދޭ ދޭ ޕިޔާރް ދޭ” އާއި އަންނަ އޭޕްރިލްއަށް ތާވަލުކޮށްފައި އޮތް ފިލްމު “މޭޑޭ” ގައި މަސައްކަތްކޮށްފައެވެ.
ސިދާތާއި ރަކުލް ފުރަތަމަ ފަހަރަށް އިންދުރައާއެކު މަސައްކަތް ކުރާއިރު މިއީ 2019 ގެ “ޓޯޓަލް ދަމާލް” އަށްފަހު އިންދުރަ ޑައިރެކްޓްކުރާ ފުރަތަމަ ފިލްމުކަން ފާހަގަކޮށްލެވެއެވެ. ފިލްމު ރިލީޒްކުރާނެ ތާރީޚެއް އިޢުލާނު ނުކުރިނަމަވެސް އަންނަ އަހަރު ފިލްމު ރިލީޒްކުރާނެކަމަށް ވެއެވެ.
ލިޔުންތެރިޔާގެ ފުރަމަލަ
- މުނިއަވަސްގެ ޑެޕިއުޓީ އެޑިޓަރ ސާޖިދު އަކީ ވާހަކަ ލިޔުމުގެ އިތުރުން ޚަބަރު ލިޔުމުގައިވެސް ހުނަރުވެރި ލިޔުންތެރިއެކެވެ.
މި ލިޔުންތެރިޔާގެ ބައެއް އެހެން ލިޔުންތައް
- 1 މެއި 2024ވާހަކައިމްނާ
- 16 އޮކްޓޯބަރ 2023ޚަބަރުމާމޮރިސް ބ: ގޮއިދޫ ފުޓްސަލް ފިއެސްޓާ 2023 : ޓީމް ޗަޑްސް އިން އުންމީދު އާކޮށްފި
- 16 އޮކްޓޯބަރ 2023ޚަބަރުމާމޮރިސް ބ. ގޮއިދޫ ފުޓްސަލް ފިއެސްޓާ 2023 : ރޯޔަލް ފްރެންޑްސް އާއި ޗެލެންޖާސް ސްޕޯޓްސް ކްލަބަށް މޮޅެއް
- 14 ސެޕްޓެމްބަރ 2023ޚަބަރުހަމް ޓީވީއިން މިފަހަރު ގެނެސްދެނީ “ފިތުނާ”
