ލަވަކިޔުމުގެ ދާއިރާގައި ދުވަހަކަށްވުރެ ދުވަހެއް، ކުރިއަރަމުން އަންނަ ތުއްތުތުއްތު ލަވަކިޔުންތެރިޔާ ލައިބާ އަޙަމަދު މަހުލޫފު (އެލީ) ގެ އާ ކަވަރ “ޗީޕް ތްރިލްސް” ބެލުންތެރިންނަށް ދައްކާލައިފިއެވެ.
އޮސްޓްރޭލިއާއަށް އުފަން ލަވަކިޔުންތެރިޔާ އަދި ލަވަ ލިޔުންތެރިޔާ ސިއާ, 2016 ވަނަ އަހަރު ރިލީޒްކޮށް މުޅި ދުނިޔޭގައި ވެސް ކާމިޔާބީ އާއި މަގުބޫލުކަން ހޯދި “ޗީޕް ތްރިލްސް” އަކީ ގްރެމީ އެވޯޑަށް ވެސް ނޮމިނޭޓްވި ލަވައެކެވެ. އެ ލަވައިގެ ކަވަރ އެއް އެލީގެ އަޑުން ކިޔާފައިވާއިރު އޭނާގެ ކޯޗް ޖޫލިއާ ވެސް މި ލަވައިން ފެނެއެވެ.
ރޭ ޔޫޓިއުބަށް ދޫކޮށްލާފައިވާ އެ ލަވަ އަށް އާންމުންގެ ބޮޑު ތަރުހީބެއް ވެސް އަންނަނީ ލިބެމުންނެވެ. މިހާތަނަށް ވެސް ގިނަ ބަޔަކު އެ ލަވަ ބަލާފައިވާކަން ފާހަގަކޮށްލެވެއެވެ.
ޢަބްދުލް ބާސިތު(ބާޗީ) މިއުޒިލް އާއި ރެކޯޑިން ހަދާފައިވާ “ޗީޕް ތްރިލްސް” ގެ ކުރިން ވެސް އެލީ ވަނީ އިނގިރޭސި ލަވައެއްގެ ކަވާ ނެރެފައެވެ. އެފަހަރު ނެރުނީ “ޑާންސް މަންކީ” އެވެ.
މިހާތަނަށް ދިވެހި ބައެއް ލަވަތަކާއި މަދަހަތައް ވެސް ނެރެފައިވާ އެލީވެސް ހިމެނޭގޮތަށް ކިޔާފައިވާ “އިތުރު ރަސޫލާ” އާއި “ކިޔާ ދޫ ތަކުން މީ” އަކީ އެލީގެ ފާހަގަކޮށްލެވޭ ދެ މަސައްކަތެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
