ދުނިޔޭގެ މޮޅު ކުޅުންތެރިޔާ އަށް ދޭ ބެލޮންޑިއޯ އެވޯޑު ހަތް ފަހަރަށް ހޯދާފައިވާ ޕީއެސްޖީ އަދި އާޖެންޓީނާގެ ފޯވާޑު ލިއޮނެލް މެސީ ކޮވިޑަށް ޕޮސިޓިވް ވެއްޖެއެވެ.
ޕީއެސްޖީން މިއަދު ނެރުނު ބަޔާނެއްގައި ބުނެފައިވަނީ މެސީ އާއި، ހޫލިއަން ބާނަޓް އާއި، ނޭތަން ބިޓުމަޒާލާ އާއި ގޯލްކީޕަރު ސާޖިއޯ ރިކޯ ވެސް ކޮވިޑަށް ޕޮޒިޓިވްވެފައިވާ ކަމަށެވެ. އަދި ކުޅުންތެރިން މިހާރު ތިބީ އައިސޮލޭޝަންގައި ކަމަށް ވެސް އެ ބަޔާނުގައި ބުނެފައިވެއެވެ.
އެ ކުޅުންތެރިން ކޮވިޑަށް ޕޮޒިޓިވް ވުމާއެކު ފްރެންޗު ލީގުގައި ޕީއެސްޖީން ވަނެސްއާ ދެކޮޅަށް ކުޅޭ މެޗުގައި ނުކުޅެވޭނެއެވެ. އަދި އެ މެޗުގެ އިތުރުން އަންނަ ހޮނިހިރު ދުވަހު ލިޔޯނާ ދެކޮޅަށް ކުޅޭ މެޗު ވެސް ގެއްލޭނެ ކަމަށް މީޑިއާ ރިޕޯޓްތައް ބުނެއެވެ.
މީގެ އިތުރުން އެ ކުޅުންތެރިންނަށް ފަރުވާ ހޯދުމުގެ މަސައްކަތް މިހާރުން ފެށިގެން ކުރެވެމުން އަންނަ ކަމަށް ވެސް ޕީއެސްޖީން ބުނެފައިވެއެވެ. އެ ކުޅުންތެރިން ކޮވިޑަށް ޕޮޒިޓިވް ވެފައިވަނީ ފިނި މޫސުމުގެ ބްރޭކަށް ކުޅުންތެރިން ޗުއްޓީއަށް ގޮސްފައި އެނބުރި އައިއިރުގައި ކަމަށް ބެލެވެއެވެ.
ލިޔުންތެރިޔާގެ ފުރަމަލަ
- އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 ޖެނުއަރީ 2022ޚަބަރުކޮވިޑް ކޭސްތައް ގިނަވެ އިނގެރޭސި ލީގު ކަޕް ސެމީ ފައިނަލް މެޗު ފަސްކޮށްފި
- 4 ޖެނުއަރީ 2022ޚަބަރުއާ އަހަރު ކުޅުނު ފުރަތަމަ މެޗުން ޔުނައިޓެޑް ބަލިވެއްޖެ
- 4 ޖެނުއަރީ 2022ޚަބަރުފްރެންޗް ކަޕްގެ ގެ ގަދަ 16 އަށް ޕީއެސްޖީ ދަތުރުކޮށްފި
- 2 ޖެނުއަރީ 2022ޚަބަރުރޮޑްރީގެ ގޯލުން ފަހު ވަގުތު ސިޓީން އާސެނަލް ބަލިކޮށްފި
