ރަވީ ފާރޫޤް ޑައިރެކްޓްކޮށް، ބައިސްކޯފުން ގެނެސްދިން ކާމިޔާބު ސީރީޒް ”އެހެނަސް“ ގެ ވާހަކައާއި ސްކްރީންޕްލޭ ލިޔުނު އަޙްމަދު އިޤުބާލް (އައިކިއު) ލިޔެ ޑައިރެކްޓްކޮށް ބައިސްކޯފުން ގެނެސްދެމުން އަންނަ “ނޫންތަ؟” ސީރީޒް ވަރަށް ތަފާތުވެފައި ސަޅިކަމަށް، ރާއްޖޭގެ ވަރުގަދަ ޕްރޮޑަކްޝަން ހައުސް ޑާރކް ރެއިން އެންޓަޓެއިންމެންޓުން ބުނެފިއެވެ.
ޑާރކް ރެއިން އެންޓަޓެއިންމެންޓުން މިހެން ބުނެފައިވަނީ މިދިޔަ ޑިސެމްބަރު މަހު 22 ވަނަ ދުވަހު ކޮށްފައިވާ ޓްވީޓެއްގައެވެ.
“ނޫންތަ؟”ގެ ނަމުގައި ގެނެސްދޭން ފަށާފައިވާ މި ސީރީޒަކީ ތަފާތު ވާހަކަތަކެއް ކިޔައިދޭ 6 އެޕިސޯޑްގެ ސީރީޒެކެވެ. މި ސީރީޒްގެ ފުރަތަމަ އެޕިސޯޑް މިހާރު ބައިސްކޯފުން ބަލައިލެވެން ހުރި އިރު، މި އެޕިސޯޑްގައި ކިޔައިދެނީ ‘ރޫލްސް އެންޑް ރެގިއުލޭޝަންސް’ އެވެ. މި އެޕިސޯޑްގައި ނުޒޫ ފެނިގެންދަނީ ސަނާގެ ގޮތުގައެވެ. ސަނާ އަކީ ކާމިޔާބު ފިލްމު ޑައިރެކްޓަރެއްގެ ގޮތުގައެވެ. މި އެޕިސޯޑްގައި ތަފާތު ގިނަ ވާހަކަތަކެއް ކިޔައިދެއެވެ.
Congratulations @baiskoafu
Noontha varah thafaathu varah Salhi 👌👍👏👏
Now Streaming on Baiskoafu
Congratulations Team Baiskoafu
Miru Iloshi AhmEd Iqbal Hafiz Haappe Nuzhath Shuaib Ahmed Asim Hassan Adam pic.twitter.com/gPxm8rFVR8— Dark Rain Ent (@DarkRainEnt) December 22, 2021
އެޕިސޯޑުގައި ކިޔައިދޭނީ ތިނެސްކަން ލޯބީގެ ވާހަކައެކެވެ. މީގެ މައިގަނޑު ތަރިންނަކީ މިހާރު އެންމެ ޑިމާންޑް ބޮޑު އެއް ބަތަލާ ނުޒުހަތު ޝުޢައިބު (ނުޒޫ) އާއި އަޙްމަދު އާސިމްއާއި ކުރިއަރަމުން އަންނަ އެކްޓަރު އަދުހަމްއެވެ.
ސަނާގެ ފިރިމީހާ އަކީ ސާނިމްއެވެ. ސަނާގެ ހަޔާތަށް އިޖާޒް އައުމުން ކުރިމަތިވާ ލޯބީގެ ހާދިސާތަކެއް މީގައި ދައްކައެވެ. ނުޒޫ، ސަނާގެ ރޯލުން ފެނިގެންދާއިރު ސާނިމްއަކީ އާސިމްއެވެ. އަދުހަމް ފެނިގެންދާނީ އިޖާޒްގެ ރޯލުންނެވެ.
“ނޫންތަ؟”ގެ ތިން އެޕިސޯޑް އިޤްބާލް ޑައިރެކްޓްކޮށްފައިވާ އިރު، އަނެއް ތިން އެޕިސޯޑް ޑައިރެކްޓްކުރީ ނާއިޝާ ނާޝިދު އެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
