ޝާރވުޑް ޝްވޯރޓްސްގެ “ގިލިގަންސް އައިލެންޑް” ސިޓްކޮމް އިން ފެނިގެން ދިޔަ ތަރިއަކަށް 100 އަހަރަށްވުރެން ގިނަ ދުވަސް ވެފައިވާކަން އެނގޭހެއްޔެވެ؟

މި ސީރީޒްގައި ހަރަކާތްތެރިވި ތަރިންގެ ތެރެއިން މިވަގުތު ދުނިޔޭގައި ހުރި ހަމައެކަނި ތަރިއަކީ އުމުރުން 87 އަހަރުގެ ޓީނާ ލުއީސް ކަމަށް ހީވިޔަސް ކަންއޮތީ މިހެންއެވެ. 26 ސެޕްޓެމްބަރ 1964 ން 17 އޭޕްރީލް 1967 އަށް ‘ސީބީއެސް’ ނެޓްވޯކުން ދެއްކި “ގިލިގަންސް އައިލެންޑް” ގައި ޓީނާ ލުއީސް ކުޅުނީ ޖިންޖަރ ގްރާންޓްގެ ރޯލެވެ. ނަމަވެސް މި ސީރީޒްގައި ހަރަކާތްތެރިވި ފަންނާނަކަށް ޤަރުނެއްވެފައިވާކަން މިއީ އަހަރުމެން ހޯދި ހޯދުންތަކުން އެނގިފައިވާ ކަމެކެވެ.

މި ފަންނާނަކީ ކާކުތޯ ބެލުމަށް އަހަރުމެން ބޭނުންކުރީ ފެކްޓް ޗެކިން ވެބްސައިޓް ‘ސްނޯޕްސް’ އެވެ. “ގިލިގަންސް އައިލެންޑް” ސިޓްކޮމް އިން ފެނިގެން ދިޔަ ފަންނާނުންގެ ތެރެއިން 100 އަހަރަށްވުރެން ގިނަދުވަސް ވެފައިވަނީ ނޭމަޔާ ޕަސަފް އަށެވެ. އޭނާ ފެނިގެންދިޔައީ މި ސީރީޒްގެ އެޕިސޯޑެއް ކަމަށްވާ ‘ދަ ލިޓްލް ޑިކްޓޭޓަރ’ އިންނެވެ. މިއަދު އުމުރުން 102 އަހަރުވެފައިވާ ނޭމަޔާ ޕަސަފް އުފަންވީ 02 އޯގަސްޓް 1919ގައެވެ. މިއީ އޭނާ ހަމައެކަނި ކުޅުނު ފިލްމު ނުވަތަ ފެނިލި ފެނިލުންކަން ފާހަގަކުރެވެއެވެ. 2022 ވަނަ އަހަރުގެ ޖެނުއަރީ މަހު މެދާއި ހަމައަށް އައިއިރު އޭނާ ދުނިޔޭގައި ހުރިކަން ސްނޯޕްސް އިން ކަށަވަރުކޮށްދެއެވެ.

“ގިލިގަންސް އައިލެންޑް” ސިޓްކޮމްގެ ދެވަނަ ސީޒަންގައި ނޭމަޔާ ޕަސަފް ކުޅެފައިވަނީ ލެޓިން އެމެރިކާގެ ޚުދުމުހުތާރު ވެރިއެއްގެ ރޯލެވެ. އޭނާ ހުންނަނީ އެހެން ޤައުމަކަށް އަރުވާލާފައެވެ. އަރުވާލާފައި ހުންނަ ޤައުމުގެ ވެރިކަންވެސް އޭނާ ނުހަނު ޚުދުމުހުތާރުކޮށް ފޭރިގަނެ އެތަނުގެ ރައްޔިތުންގެ މައްޗަށް ވެރިވެގަނެއެވެ.

 

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: