ފިލްމު “ގަންގޫބާއީ ކަތިއާވާޅީ”ގައި އާލިއާ ބަޓް ދެއްކި ހުނަރުވެރި އެކްޓިންއަށް ހުރިހައި ދިމާއަކުންވެސް އަންނަނީ ތަޢުރީފު އޮހެމުންނެވެ. މިގޮތުން އާލިއާގެ ދައްތަ ޕޫޖާ ބަޓްވެސް ވަނީ އާލިއާގެ ހުނަރާމެދު ތަޢުރީފުކޮށްފައެވެ.
މިދިޔަ ފެބްރުއަރީ 25ގައި ރިލީޒްކުރި މި ފިލްމަކީ ސަންޖޭ ލީލާ ބަންސާލީ ޑައިރެކްޓްކޮށްފައިވާ ވަރުގަދަ ފިލްމެކެވެ. މި ފިލްމަށް ތަޢުރީފު އޮއްސަމުން ގެންދަނީ ހަމައެކަނި ފިލްމަށް ފާޑުކިޔާ ކްރިޓިކުން އެކަންޏެއް ނޫނެވެ. ފިލްމު ބެލި އާއްމުންވެސް އެއްމެ ތަންފުކެއް ދޫނުކުރެއެވެ. ފިލްމުގެ ބޮކްސް އޮފީސް ރޭޓިންވެސް މިހާރު ވަނީ 100 ކްރޯޑް ރުޕީސް ފަހަނައަޅައި ކުރިއަށް ޖެހިލާފައެވެ.
“ގަންގޫބާއީ ކަތިއާވާޅީ”ގެ ފުރަތަ ދުވަހުގެ ފުރަތަމަ ޝޯވް ބެލި މީހުންގެ ތެރޭގައި ހިމެނޭ އާލިއާ ބަޓްގެ ދައްތަ ޕޫޖާ ބަޓް ހުރީ އާލިއާގެ އެކްޓިންއާމެދު ފަޚުރުވެރިވެ ނުހަނު ބޮޑަށް އުފާވެފައެވެ. ސިނަމާގައި އާލިއާއަށް ތަޢުރީފުކޮށް ތުނބުން ފުމެ، މީހުން އަތްޖެހި އަޑު އިވުމުން އެއްމެ ބޮޑަށް އުފާވި އެކަކަށް ޕޫޖާ ބަޓް ވާނެއެވެ.
“މަޕްޓިޕްލެކްސް އޯޑިއަންސަކުން ތުނބުން ފުމެ ހަޅޭއްލަވާ މަންޒަރު އާއްމުކޮށް ވަރަށް ނުފެންނާނެ. ނަމަވެސް ގަންގޫބާއީ ބަލުމުން ދިޔައިރު މީހުން ތުބުން ފުމޭ އަޑާއި ހަޅޭއްލަވާ އަޑު ސިނަމާ ހޯލުތެރެއިން އިވުނު.” ޚަބަރުފަތުރާ ޗެނަލަކާ ވާހަކަދައްކަމުން ޕޫޖާ ބަޓް ބުނެފައިވެއެވެ.
“މި ފިލްމަށް ބޮޑު ކާމިޔާބެއް ލިބިއްޖެ. އާލިއާއަކީ ކުރިން ކުޑަކުޑަ އަންހެންކުއްޖެއް ނަމަވެސް މިހާރު އެއީ ރީތި އަދި ހުނަރުވެރި އަންހެނެއްކަން ސާބިތުކޮށްދީފި.” ޕޫޖާ އިތުރަށް ބުންޏެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
