ޖޯން އަބްރަހަމް އަށް ޚާއްޞަ ބާރުތަކެއް ލިބިފައިވާ ސިފައިންގެ މީހެއްގެ ރޯލުން ފެނިގެންދާނެ އެކްޝަން ފިލްމު “އެޓޭކް”ގެ ރަސްމީ ޓްރެއިލަރ މިއަދު ރިލީޒްކޮށްފިއެވެ. މި ޓްރެއިލަރ ބެލުމަށްފަހު، ފޭނުން ބުނަނީ މިއީ އިންޑިއާގެ އެވެންޖަރ ފިލްމު އުފެއްދުމުގެ ފެށުންކަމަށެވެ. އަދި ޖޯން އަބްރަހަމް އަކީ އަޔަން މޭން އާއި ކެޕްޓަން އެމެރިކާގެ ގޮތުގައިވެސް ލޭބަލްކޮށްފައި ވެއެވެ.

ފްރެންޗައިޒް އެއްގެ ގޮތުގައި ހަދަން ފަށާފައިވާ “އެޓޭކް”ގެ ފުރަތަމަ ޕާޓް ޑައިރެކްޓްކުރީ ލަކްޝްޔާ އާނަންދް އެވެ. ޖޯން އަބްރަހަމްގެ އިތުރުން މި ފިލްމުގައި ޖެކްލީން ފެނާންޑޭޒް، ރަކްލް ޕްރީތު ސިންހ، ޕްރަކާޝް ރާޖް އަދި ރަތުނާ ޕާތަކް ޝާހް މުހިންމު ރޯލުތަކުގައި ހަރަކާތްތެރިވެ އެވެ. މި އެކްޝަން-ތުރިލާ ސައިންސްފިކްޝަން ފިލްމުގައި، ޖޯން އަބްރަހަމް ދުޝްމަނުންނާ ހަނގުރާމަކުރާއިރު، އޭނާއަށް ލިބިފައިވާ ވަރުގަދަ ބާރުގެ ސަބަބުން ސުޕަރ ސޯލްޖަރ އަކަށް ބަދަލުވެއެވެ.

މި ފިލްމުގައި ޖޯން ކުޅެނީ ޓޯނީ ސްޓާރކްގެ ޖާރވިސް J.A.R.V.I.S. ފަދަ އާރޓިފިޝަލް އިންޓެލިޖެންސް ސިސްޓަމެއްގެ ތެރޭގައިވާ ކެރެކްޓަރއެކެވެ. މިއަދު އާއްމުކޮށްފައިވާ ޓްރެއިލަރ ފެށެނީ ޖޯން އަބްރަހަމް ކުރި ހަނގުރާމައެއްގައި އޭނާއަށް ލިބިފައިވާ ގެއްލުންތައް، އާރޓިފިޝަލް އިންޓެލިޖެންސް ގައިޑެއް ބަލައި މަރާމާތުކުރަމުން އަންނަ މަންޒަރުންނެވެ.

މި ފިލްމު ޕްރޮމޯޓްކުރަމުން ޖޯން ބުނީ މިވަރުގެ ފެންވަރު ރަނގަޅު މިފަދަ ޕްރޮޖެކްޓްތައް ބޮލީވުޑުން ހަދަމުން އަންނަައިރު އެކަމުގެ ހިތްވަރު އެލޭ ޒާތަށް މަސައްކަތް ނުކުރުމަށް ގޮވާލާ ކަމަށެވެ.

“ހޮލީވުޑްގައި މިފަދަ ފިލްމުތައް އުފެއްދޭ އިރު އަހަރުމެންނަށް ނުއުފެއްދެންވީ ކީއްވެ؟ އަހަރުމެންގެ އޮތީ ބަޖެޓްގެ ދަތިކަން. ނަމަވެސް އަހަރުމެން ލިމިޓެޑް ބަޖެޓަކުން މިކަން މިކުރީ. އަހަރުމެންނަށް މިފަދަ ވަރުގަދަ ފިލްމުތައް އުފައްދައި ދުނިޔެއަށް ދައްކައި، އިންޑިއާއިންވެސް މިކަން ކޮށްފިތާއޭ ބުނާވަރު ކޮށްލެވޭނެ. ފިލްމު “އެވެންޖަރޒް” ނުވަތަ “ވައިޓް ހައުސް ޑައުން” ފަދަ ފިލްމުތައް ވަކިން އަހަރުމެންނަށް ނުހެދެންވީ ކީއްވެ؟” އިންޓަވިއުއެއްގައި ޖޯން ބުނެފައިވެއެވެ.

ޖޯން އިތުރަށް ބުނީ މި ފިލްމުގެ ޑައިރެކްޓަރ ލަކްޝްޔާ އަކީ ޒުވާނެއްކަމަށާ، ބޭނުންވީ އަދުގެ ޒުވާން ޖީލަަށް ކަމުދާފަދަ މޮޅު ފިލްމެއް ތައްޔާރުކުރަން ކަމަށެވެ. “މިފަދަ ފިލްމުތައް އުފެއްދުމަކީ ވަރަށް މުހިންމު ކަމެއް. މިއީ ދާއިރާގެ ކުރިއެރުމަށް ރަނގަޅު ފިލްމެއް. މިއީ ކުޅިގަނޑު ބަދަލުކޮށްލާނެ ފިލްމެއް.”

މި ފިލްމު އުފެއްދުމުގައި ހަރަކާތްތެރިވި ޓީމާމެދު ފުރިހަމަ އިތުބާރު އޮތްކަން ފާހަގަކުރަމުން ޖޯން ބުނީ “ޖޭއޭ އެންޓަޓެއިންމެންޓުން އުފައްދާފައިވާ “ވިކީ ޑޯނަރ” (2021)، “މެޑްރާސް ކެފޭ” (2013) އަދި “ޕަރްމާނޫ” (2018) ފަދަ ފިލްމުތަކަށް ވުރެން ވަކީން މޮޅުއިތުރު ވަސީލަތެއް “އެޓޭކް” އިޝްތިހާރުކުރަން ނުހުންނާނެ ކަމަށް ޤަބޫލުކުރާ ކަމަށެވެ.

“”އެޓޭކް” މިއީ ވަރަށް މޮޅު، ވަރުގަދަ ފިލްމަކަށް ވާނެ ފިލްމެއްކަން ރެކޯޑަށްޓަކައިވެސް އަހަރެން ބުނެލަން.” ޖޯން އަބްރަހަމް ބުންޏެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: