ރާއްޖޭގެ އެއްމެ ވަރުގަދަ ވީޑިއޯ އަދި އޯޑިއޯ ސްޓްރީމިން އެޕް ‘ބައިސްކޯފު’ން މި ރަމަޟާން މަހު ޚާއްޞަ ޝޯވތަކެއް ޕްރިމިއަރކުރަން ފަށާފައިވާ އިރު، މިމަހު 06 ވަނަ ދުވަހު ވަރަށް ތަފާތު ރިއަލިޓީ ޓޯކް ޝޯވއެއް ޕްރިމިއަރކުރަން ތައްޔާރުވެއްޖެއެވެ.
“ހީކުރީ މަ ހީކުރީ”ގެ ނަމުގައި ގެނެސްދޭ މި ޝޯވގައި ރާއްޖޭގެ ސެލެބްރިޓީން، އެމީހުން ކުޑައިރު ނުވަތަ ޅަ އުމުރުގައި އެކިއެކި ކަންކަން ވާނޭގޮތާއި މެދު ކުރެވިފައިވާ އެކިއެކި ހީތައް ގެނެސްދޭނެއެވެ.
“ހީކުރީ މަ ހީކުރީ” ހުށައަޅައިދެނީ ހުނަރުވެރި ފިލްމީތަރި އިސްމާޢީލް ޖުމައިހް (ޖުމާ) އެވެ. މިއަދު ބައިސްކޯފުން އާއްމުކޮށްފައިވާ މި ޝޯވގެ ޓްރެއިލަރުން ރާއްޖޭގެ މަޝްހޫރު މޫނުތަކެއް ފެނިގެންދެއެވެ. އެ ފަންނާނުން އޭރާއި މިހާރު އެކިއެކި ކަންކަމާމެދު ހީވެފައި އޮތް ހީކުރުންތައް މަޖާކޮށް ކިޔައިދޭތަން ފެނެއެވެ.
“ހީކުރީ މަ ހީކުރީ” ޝޯވގެ އާއްމުކޮށްފައިވާ ޓްރެއިލަރުން ފެނިގެންދަނީ ރާއްޖޭގެ އަންހެން ސެލެބްރިޓީންކަން ފާހަގަކޮށްލެވެއެވެ. އެހެންކަމުން މިއީ ފަހަރުގައި މި ޝޯވގެ ފުރަތަމަ ސީޒަންގައި ގެނެސްދޭ މޫނުތައް ކަމަށް ވުމަކީ އެކަށީގެންވާ ކަމެކެވެ.
Heekuree Ma Heekuree — premiering this Wednesday only on #baiskoafu pic.twitter.com/fX9FBA6u02
— Baiskoafu (@baiskoafu) April 4, 2022
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
