ޑާކް ރެއިން އެންޓަޓެއިންމެންޓުގެ ފިލްމުތަކުން ހުނަރުވެރި އެކްޓިންއެއް ދައްކަމުން އަންނަ އަޙްމަދު ޝާކިރު (ޝާއްކޮ އައްމަޑޭ)ގެ ސްޓޫޑިއޯ ‘ވިލު ސްޓޫޑިއޯ’އިން ކުރު ފިލްމެއް އުފައްދަން ފަށައިފި އެވެ. “ހިރާސް”ގެ ނަމުގައި އުފައްދަން ފަށާފައިވާ މި ފިލްމުގެ 90 އިންސައްތަ ޝޫޓިންގ ނިމިފައިވާކަމަށް އެ ސްޓޫޑިއޯއިން މުނިއަވަސް އަށް މަޢުލޫމާތު ދެމުން ބުނެފައިވެ އެވެ.
ވިލު ސްޓޫޑިއޯގެ ކުރު ފިލްމު “ހިރާސް”ގެ ޓައިޓްލް އާއްމުކޮށްފައި ވަނީ މިމަހު 12 ވަނަ ދުވަހުގަ އެވެ. ފިލްމުގެ މަޢުލޫމާތު މުނިއަވަސްއާ ހިއްސާކުރަމުން އަޙްމަދު ޝާކިރު ބުނީ މި ފިލްމު ރޯދައިގެ ފަހުން ފެންނަވަރު ވާނެ ކަމަށް އުއްމީދުކުރާ ކަމަށެވެ.
“ހިރާސް” ޑައިރެކްޓް ކުރަނީ އަޙްމަދު ޝާކިރު (ޝާއްކޮ އައްމަޑޭ) އެވެ. ފިލްމުން ފެނިގެންދާނެ މުހިންމު ތަރިންގެ ތެރޭގައި ލަވަކިޔުންތެރިޔާ އަމާންގެ އިތުރުން ވިކީ، ރަވީ ހިމެނެއެވެ. މީގެ އިތުރުން ވަރަށް ހުނަރުވެރި އައު ކާސްޓެއް ފެނިގެންދާނެ ކަމަށް ޝާއްކޮ އައްމަޑޭ ބުނެއެވެ.
ވިލު ސްޓޫޑިއޯއިން އާއްމުކޮށްފައިވާ ފޮޓޯތަކުން، ޓިކްޓޮކްގައި ބޮޑު މަޤްބޫލުކަމެއް ހޯދާފައިވާ ޒުވާން ތަރި އަލީފްވެސް ފެނިގެންދެއެވެ. އަލީފަކީ ބައެއް އިޝްތިހާރުތަކާއި ބައެއް ފިލްމީ މަސައްކަތްތަކުން ފެންނަ ފަށާފައިވާ އުއްމީދީ ތަރިއެއްކަން ފާހަގަކޮށްލެވެއެވެ.
ފިލްމުގެ ޝޫޓިން ބާރު ސްޕީޑްގައި ކުރިއަށްދާ އިރު، މި ފިލްމު ސްޓްރީމްކުރަން ޝަޢުޤުވެރިވާ ފަރާތެއް ހޯދުމުގެ މަސައްކަތް ކުރަމުން އަންނަކަން ވެސް އައްމަޑޭ ފާހަގަކުރިއެވެ.
”އަނދިރި ފަރާތް“ މި ނަމުގައި ބައިސްކޯފާއި ވިލު ސްޓޫޑިއޯއިން މިސްޓްރީ، ހޮރޯ އަދި އެޑްވެންޗަރ ވެބްސީރީޒެއް އުފެއްދުމުގެ މަސައްކަތް މީގެ ތިން އަހަރު ކުރިން ފަށާފައިވާކަން ވެސް ފާހަގަކޮށްލެވެ އެވެ.
މީގެ ހަތަރު އަހަރުކުރިން އަޙްމަދު ޝާކިރު (ޝާއްކޮ އައްމަޑޭ)ގެ ފުރަތަމަ ޑައިރެކްޝަން އާއްމުކޮށްފައިވެއެވެ. ’އޭ މަލާ‘ގެ ނަމުގައި އުފެއްދި މި ލަވައިން ޝާއްކޮގެ ހުނަރުވެރިކަމާ އުފެއްދުންތެރިކަން ފެނިގެން ދިޔަކަން ގިނަ ބަޔަކު ފާހަގަކުރިއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
