“ކޮބާ؟… ބިރުގަތީ؟… ބޫއްހް!!” ސްކްރީނަށް ބަލަހައްޓައިގެން ހުރެ، ރާއްޖޭގެ ހުނަރުވެރި އެކްޓްރެސް ޢާއިޝަތު ރިޝްމީ ބުނެލައެވެ. މިއީ މިމަހުގެ 15 ވަނަ ދުވަހުގެ ރޭ (މިރޭ) އައިފިލްމްސް އިން ދޫކޮށްލާފައިވާ އެ ޕްރޮޑަކްޝަންގެ “ބިރުވެރި ވާހަކަ” ސީރީޒްގެ ޓީޒަރ ނިމޭ ހިސާބުން ރިޝްމީ ބުނެލާ ޖުމްލައެކެވެ. ޓީޒަރ ބަލައިލުމުންވެސް ހަމަ ރަނގަޅަށް ބިރުގެންފިއޭ ބުނެލަން ޖެހެއެވެ.
ގިނަ އެކްޓަރުން ތަކަކާއެކު މޮޅު އެފެއެކްސް އަދި ޖީއެފްއެކްސް މަސައްކަތްތަކަކާއި މޭކަޕްތަކެއް ފެނިގެންދާ “ބިރުވެރި ވާހަކަ” ވަރަށް އަވަހަށް ދިރާގު ޓީވީއަށް އަންނާނެ ކަމަށް މި މަސައްކަތުގެ އިސް މޭތިރި، ޑައިރެކްޓަރ އިލްޔާސް ވަހީދު (އިއްލެ) ބުންޏެވެ.
“ބިރުވެރި ވާހަކަ” އިން ފެނިގެންދާ ތަރިންގެ ތެރޭގައި ޝަރަފް ޢަބްދުﷲ، ޔަމް، ވިޝާލް (ރޯމަން)، ތާތި، އަފްރާހް، ނުޒޫ، ސަރާ، ރިޝްމީ ފާހަގަކޮށްލެވެ އެވެ. މީގެ އިތުރުން މަރްޔަމް އައްޒަ، ޝާއިފް، ނަތާ، ރަވީ، އިފްނާޒް އަދި އިނާ ވެސް ވަރަށް ޚާއްޞަ ކެރެކްޓަރ ތަތަކުން ފެނިގެންދާނެ ކަމަށް އިއްލެ މުނިއަވަސް އަށް ބުންޏެވެ.
މިމަހު ކުރީކޮޅު، “ބިރުވެރި ވާހަކަ” ސީރީޒްގެ ޕްރޮމޯ ލަވައެއް “ޝައިޠޯނާ”ގެ ނަމުގައި އައިފިލްމްސް އިން ނެރެފައިވެ އެވެ. މި ލަވައަށް ރާއްޖޭގެ ފިލްމީ ދާއިރާގެ ފުންނާބު އުސް ފަރާތްތަކުންނާއި ބެލުންތެރިން ވަރަށް ބޮޑަށް ތަޢުރީފުކޮށްފައިވެ އެވެ. “ބިރުވެރި ވާހަކަ” ޓްރެއިލަރގައި ފެންނަ ތަރިންގެ އިތުރުން އިތުރު ތަރިންތައް މި ޕްރޮމޯޝަން ލަވައިން ފެނިގެންދެ އެވެ.
އިއްލެ ޑައިރެކްޓްކޮށް ގެނެސްދޭ “ބިރުވެރި ވާހަކަ”އިގެ ޕްރޮޑިއުސަރަކީ ފިލްމު “ބަވަތި”، “ނީނާ”ގެ އިތުރުން އައިފިލްމްސްގެ އުފެއްދުންތައް ޕްރޮޑިއުސްކުރަމުން އަންނަ ޒުވާން ޕްރޮޑިއުސަރ އާސިމް ޢަލީ އެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
